Jon 17:1 - Aria New Testament

¹ Yesus wai pelengon tonari yagos deka bitna tito ke omur heven e iye wai langane. “Livou lou taim polou kodong. E oku ane emnis osep ke lou elio ka itau lokono e lou arit ka omba ma ngakaranga nganis osep ke lem elio ka itau lokono e lem arit ka omba blang.

Jon 17:1 ပူးပေါင်းရင်းမြစ်များ

Mak 14:41

Yesus songon isak deka iye la wai itau ke Ida Tapolngon blang aling eklu ina. Deka iye bauluk la ke ila disaipel e wai ke isak langane. “Umu dau umomunu kudung e umomtong ane i? Elio langane yagos. Alo ka gute gesa lai ngong ka Gute Ka Polou Langka Osep ngau ke osep epmes ina ma tikis ngong dagar time kodong.

Luk 18:13

E gute ka due takis dong mawa boto e waiki bitna tito ke omur heven kovok e iye mluk omun ine e wai langane. ‘Ngau Tapolngon aitno lugom due ngong kesua ngong gute epmes ina.’”

Luk 22:53

Oklou kene kene ngadong ke omur ka lelei Ida Tapolngon ila ninu e umekis ngong kovok. E oku ane lumu taim e Satan ka plau osep ka tidong ke aivoro kar arit ke umu ma umodue lumu elio.”

Jon 11:4

Alo ka omon polou ke Yesus iye wai langane. “Paiangan ane polou ma Lasarus mete lokono ine kovok. Aurou. Polou ma osep tikakai Ida Tapolngon angaine tito la egim e ma tikakai Ida Tapolngon Otno Arang angaine tito la egim batne ke elio ane.”

Jon 11:41

Yesus wai langane deka titabulbul opmu ka kading omus bitna la. Deka Yesus bitna tito e wai langane. “Livou aitno lungong itau ke wom kesua emklingen ngong alo ka ngawai itau ke wom.

Jon 12:23

E Yesus koli wai ke isak langane. “Taim ka Ida Tapolngon nis osep ke Gute Ka Polou Langka Osep ila elio itau lokono polou kodong.

Jon 13:1

Rogo omba ka lana ine la ke alo ka Ida Tapolngon lua osep Yuda ina tisongon omur Isip polou dau kovok. E Yesus ile isuk boto ma iye songon taklak e la ke Timla. Iye lana iye ke ila osep ka tidong ke taklak e iye lana iye ke isak la lama alo ka iye mete.

Jon 16:32

Umo-klingen. Taim ka umadardar e umala ke umu kenmu kenmu lumu ninu ma me e lokono polou kodong. Ma umosongon ngong e dau ngadong kenngong vala kovok. Aurou. Livou dong kap ngong.

Jon 7:30

Iye wai langane deka osep tiwaiki tikis iye e tikaranga tikis iye kovok kesua taim ka tikis iye dau polou kovok.

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Jon 8:20

Yesus wai pelengon ane alo ka iye parere osep ke Ida Tapolngon ila ninu olwo boto ke omur ka karoro dong ka osep tiuri urok mani ine. Mani tonari mani ka tiwaiki la ke Ida Tapolngon. E gute kene kis iye kovok kesua taim ka osep tikis iye polou dau kovok.

Aposel 3:13

“Ida Tapolngon ka Abra-ham Ina Tapolngon e Aisak Ina Tapolngon e Jekop Ina Tapolngon e udo seia Inarak Tapolngon iye tona due elio arit ina ane. Elio arit ina ane kakai gute Yesus ka Ida Tapolngon ila gute bokongon ina angaine. Oglou umodue agegeng ke iye e umesin elio pula vri ke iye e umepli iye ke Pailat bitna. Pailat klingen lumu sinngen elio deka mgo aitno mter Yesus ila elio vri ke iye kovok deka waiki songon Yesus la.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.