Jon 16:24 - Aria New Testament

²⁴ Oglou me iding ke oku ane umepmi Ida Tapolngon ke wan gesa batne ke ngong kovok. E oku ane umepmi Ida Tapolngon ke wan gesa e ma umodue wan tonari ma lumu ketirngen pula lokono.”

Jon 16:24 ပူးပေါင်းရင်းမြစ်များ

Matyu 6:9

“Alo ka umawai itau ke Ida Tapolngon umawai langane. ‘Pmemi ka dong ke omur heven omlua imi ma imodue anit ke angain wom.

Jon 14:1

“Aitno lumu kro omba sakam. Ma aitno lumu dagar ke Ida Tapolngon e aitno lumu dagar ke ngong blang.

Jon 14:14

Langka umepmi Ida Tapolngon ke wan batne ke ngong ma ngadue.”

Jon 15:11

Ngawai lou pelengon ane ke umu ma elio ka aitno lungong neser dong ke aitno lumu e elio ka aitno lumu neser ma bon ke umu.

Jon 16:23

Ke oklou are ma umepmi ngong ke wan gesa kovok. Ngawai lokono ke umu langane. Langka umepmi Livou ke wan gesa batne ke ngong ma iye kare ke umu.

Jon 3:29

Alo ka gute gi apmang deka gute tonari polou apmang ila boget. E gute ka iye gute ka gi oku tonari ila aten iye dong para ma iye klingen ke gute e aitno neser alo ka iye klingen gute tonari kreine. E oku ane lou ketirngen omba lokono langka gute tonari ila ketirngen.

2 Tesalonaika 1:2

Ngawaiki Ida Tapol-ngon ka Pmada kap Ida Puda Yesus Krais urok makaingan la ke umu e due aitno lumu epen.

2 Jon 1:12

Ngawaiki ngawai pelengon pula leklou ke umu e dau ngawaiki ngasogoe ke pas kovok. Ngawaiki ngauti ke umu ma itakaranga itawai pulu. E ngawaiki aitno lite neser omba.