Jon 16:20 - Aria New Testament

²⁰ Ngawai ke umu lokono langane. Ma umekngis e umodue sisngen omba e osep taklak ina ma aitno lisak neser. E mase ma lumu sisngen polou ketirngen.

Jon 16:20 ပူးပေါင်းရင်းမြစ်များ

Matyu 21:38

E alo ka osep ka tidong tiboko ke yage tivati gute otno arang me tiwai pulu langane. ‘Gute ane yage ina gute otno arang. Ma itemter iye ma iye mete deka itodue ila wan matamuli.’

Matyu 5:4

“Osep ka tikngis aitno lisak itau itau kesua Ida Tapolngon ma due aitno lisak tidong itau blang.

Mak 14:72

Pita wai langane deka lokono kwako bole wai aling orwo ina. Pita klingen kwako bole wai deka lokono bitna sisir pelengon ka oglou Yesus wai ke iye. Alo ari Yesus wai ke Pita langane. “Eknikane ke epmes ma amwai emile ngong kovok aling eklu deka ma kwako bole wai aling orwo ina.” Deka Pita nogrum kngis omba ine.

Mak 16:10

Iye vati Yesus deka iye la polou ke osep ka oglou tilila kap iye. Alo ka iye palongo osep tonari ine ari dau aitno lisak soulu lokono e tikngis ke Yesus.

Luk 22:45

Alo ka iye wai itau yagos iye tito e la ke ila disaipel e vati isak timunu kudung kesua aitno lisak soulu lokono.

Luk 22:62

Deka Pita la ke dogur e kngis omba lokono.

Luk 23:27

E osep pula pula tididi iye e apmang pula aitno lisak soulu e tikngis omba ke Yesus.

Luk 24:17

Deka Yesus pmi isak langane. “Umawai pulu ke wansua alo ka umelila umala?” Deka tivri e amtarsak langka aitno lisak soulu.

Luk 24:21

E aitno limi waiki iye gute ka ma lua osep Israel ina ke urok elio epmes ina. E silang blang eknikane elio tonari polou oklou eklu la kodong.

Luk 6:21

Umu ka oku ane sapanga due umu aitno lumu itau itau kesua mase ma umogot ke ngangon. E umu ka oku ane umekngis aitno lumu itau itau kesua mase ma umeivel.

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Jon 16:6

E aitno lumu soulu lokono kesua ngawai langane ke umu.

Jon 20:20

Iye wai yagos deka nis isak ke tarna ina amal ke limla e galna. E ila disaipel aitno lisak neser alo ka tivati Inarak Puda blang.

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

Pas ka Pol sogoe uti la ke osep Rom ina 5:11

E silang blang langane. Aitno lite itau lokono ke Ida Tapolngon. Kesua iye due mada ke ite e itopolou sisrok batne ke Ida Puda Yesus Krais.

2 Korin 6:10

Aling pula aitno limi kro ke elio soulu ka polou ke imi e dau aling aling aitno limi neser. Imodong langka osep ka urok mani isuk boto vala e dau limem bokongon lua osep pula ma tidong itau. Limem wan bitna bitna ka taklak ina pula kovok e dau Ida Tapolngon lua imi ke ila kerengen ka itau.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

1 Tesalonaika 1:6

Umodue Ida Tapolngon ila omon itau deka osep tidue elio soulu bitna bitna ke umu. E dau umakana limem elio e Ida Puda ila elio e Ano Itau sruk aitno lumu ma aitno lumu neser ine.

Jems 1:2

Lou saten ngawai ke umu langane. Alo ka tokngon bitna bitna polou ke umu aitno lumu neser ine.

Pas ka Jut sogoe 1:24

Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.

Pelengon kukwopngon 11:10

Deka osep ka pula keniye ke taklak ma aitno lisak neser kesau osep napaprangan ina orwo timete. Deka ma osep tidue rogo e tivai presen bitna bitna ka tikar isak la pulu. Kesua alo ka isak orwo dau tidong tidue agegeng pula polou ke osep.

Pelengon kukwopngon 18:7

Ke oglou iye kakai angaine tito la egim e iye didi aitno ma iye due wan bitna bitna pula. Deka ma omdue agegeng karanga ke ila elio tonari. Iye wai ke aitno langane. ‘Ngong apmang ka ngavri mgo ke omur kene e ngong apmang asap batne kovok. Ma ngakngis omba langka apmang ka sasap batne kovok.’