Jon 16:13 - Aria New Testament

¹³ E alo ka Ano Itau ka wai pelengon lokono me ma iye due aitno lumu ma umakaranga umeile pelengon lokono keniye. Iye karanga due langane kesua iye didi aitno e wai pelengon kovok. Aurou. Iye klingen Livou ila pelengon deka wai ke umu ine e ma palongo lumu ke wan ka mase ma polou.

Jon 16:13 ပူးပေါင်းရင်းမြစ်များ

Jon 12:49

Ngadidi aitno lungong e ngawai kovok. Aurou. Livou ka pagei ngong ngame wai dagar ke ngong ke pelengon ka ma ngawai ine.

Jon 14:17

Luangan tonari Ida Tapolngon Ano Itau ka wai pelengon lokono vala. E osep taklak ina tikaranga tidue kovok kesua tivati iye kovok e tile iye kovok. E umeile iye kesua iye dong kap umu e ma iye dong ke aitno lumu blang.”

Jon 14:26

E mase ma Livou pagei Luangan silang ma iye kasip amun ngong e ma iye parere umu ke wan ka pula keniye e sruk aitno lumu ma omtomu sisir lou pelengon.”

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 16:12

“Ngawaiki ngawai pelengon pula leklou ke umu e dau oku ane umakaranga umodue pelengon tonari e umeile itau ine kovok.

Jon 3:32

Iye wai ke wan ka iye vati kodong e klingen kodong ke omur heven e gute kene vala klingen ila pelengon e aitno dagar ine kovok.

Jon 8:38

Ngawai ke wan ka Livou nis ngong ine e umodue wan ka umoklingen ke pmomu.”

Aposel 11:28

Gute napapra-ngan ina kene angaine Agabus. Ano Itau due aitno deka iye vri e wai sapanga ombatno ma polou ke omur ka pula keniye. Mase sapanga ombatno ka iye wai ine polou alo ka gute Klodius vri mgo ke omur ari.

Aposel 20:23

E dau ngaile langane. Ano Itau wai ke ngong e ngaile omur ma osep tidue agegeng ke ngong e ma tidue ngong ngasep ke kalabus blang.

Aposel 27:24

E iye wai langane. ‘Omulou tarna lugom sakam. Ma ompolou ke Sisar bitna ma iye klingen lem pelengon. Silang blang langane. Ma Ida Tapolngon didi ila elio itau e lua osep keniye ka tidong ke sip ane ma gute kene imina ke umu kovok.’

2 Tesalonaika 2:12

Deka osep tonari aitno lisak la dagar ke pelengon ka lokono kovok e aitno lisak neser ke elio epmes ina vala. E Ida Tapolngon ma wade isak ine.

2 Tesalonaika 2:3

Langka osep tiwaiki tiyak umu ke pelengon langane deka umoklingen ine kovok. Oklou tonari ma polou vala kovok. Aurou. Mgongon osep pula ma tipul dogur ke Ida Tapolngon deka gute ka Ida Tapolngon ina oul kene ina ma polou malak. E mase gute tonari ma kluk ke omur hel.

Hibru 1:1

Ke oglou Ida Tapolngon due osep napaprangan ina tiwai ila pelengon ke udo seia. Iye due langane aling pula e ke elio bitna bitna pula.

1 Jon 2:20

E Ida Tapolngon due Ano Itau sep ke aitno lumu kodong e umu keniye umeile pelengon ka lokono.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

1 Jon 4:6

E ite Ida Tapolngon ila osep ite. Gute ka ile Ida Tapolngon ma klingen udo pelengon e gute ka ile Ida Tapolngon kovok ma klingen udo pelengon kovok. Ke batne langane itakaranga iteile omur ke osep ka tididi Ano Itau ila pelengon e osep ka tididi osep napaprangan yakngan ina urok pelengon.

1 Jon 5:6

Yesus Krais me dong ke taklak e osep tipaunim iye ke aki. Mase iye mana ke ina akai e ina marau baser. Alo ka iye me osep tipaunim iye vala kovok. Aurou. Iye mete e ina marau baser blang.

Pelengon kukwopngon 1:1

Pelengon ka oglou dong kukwop eknikane Yesus Krais due polou malak. Ida Tapolngon palongo pelengon tonari ke Yesus ma iye palongo ila osep wokboi nating ke wansua ka ma polou. Deka Yesus pagei ila ensel gesa me kar pelengon tonari ke ngong Jon ka ngong ila wokboi nating.

Pelengon kukwopngon 1:19

E omsogo wan bitna bitna ka amvati. Wan ka tidong ke eknikane e wan ka mase ma tipolou.