Langka gute lana iye ke osep e iye pli tarna e mete ma iye lua ila saten deka iteile omur iye lana iye lokono ke osep. E elio tonari mole elio ka pula keniye leklou ka osep lana isak ke osep leklou.
Ngapmi Ida Tapolngon langane kesua ngawaiki ma umeile omur ke elio ka Krais lana iye ke ite e ila osep leklou keniye. Kesua elio ka Krais lana iye ke ite wan ka ombatno ombatno lokono. E la mawa lokono. E tito la egim e duru ke moli. Kesua iye lana iye ke ite ombatno lokono.
Sipmi. Aitno lumu la dagar ke Ida Tapolngon kodong e ngawaiki aitno lumu ila dagar res polou dagar lokono. E Ano Itau dong ke aitno lumu e ngawaiki umawai itau ke Ida Tapolngon ke Ano Itau ila arit.
E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.