Jon 15:7 - Aria New Testament

⁷ “Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

Jon 15:7 ပူးပေါင်းရင်းမြစ်များ

Matyu 7:7

“Umepmi Ida Tapolngon ke wan e ma iye kare ke umu. Umekrim ke wan e ma umapadoe. Lupmu tinopolpol ke ekreng bitna e ma Ida Tapolngon kloke ke umu.

Jon 14:13

E wan ka umepmi Ida Tapolngon ine batne ke ngong ma ngadue ma Ida Tapolngon Otno Arang nis osep ke Timla ila elio ka itau lokono.

Jon 15:16

“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 16:23

Ke oklou are ma umepmi ngong ke wan gesa kovok. Ngawai lokono ke umu langane. Langka umepmi Livou ke wan gesa batne ke ngong ma iye kare ke umu.

Jon 8:31

E Yesus wai ke osep Yuda ina ka aitno lisak dagar ke iye langane. “Langka umedidi lou parerengen umodong lou disaipel lokono.

Jon 8:37

Ngaile umu Abraham ila napakngan. Lama langane dau umawaiki umodue burwa ke ngong kesua umawaiki umedidi lou pelengon kovok.

Galesia 4:2

Iye dong moli ke osep plaungan ina e osep ka timgo ke iye la lama iding ke alo ka timla rere.

Galesia 5:16

Lou pelengon langane. Umedidi Ano Itau ila plaungan ma iye plau umu ke lumu mosongon. Langka umodue langane ma umedidi aitno lumu oglou ina kovok.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

1 Jon 2:14

Ngasogo pelengon ke umu ngongle kesua umeile kodong ke gute ka dong oglou oglou ari lila me ke eknikane. E ngasogo pelengon ke umu auram aitno e umu pasinga arang oku kesua lumu arit dong e Ida Tapolngon ila pelengon dong ke aitno lumu e umomole Satan kodong.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

1 Jon 3:22

E langka itepmi Ida Tapolngon ke wan bitna bitna deka iye koli udo pmingen. Iye due langane kesua iteini ke ila pelengon e itodue elio isuk isuk ka aitno itau ine.

1 Jon 5:14

E iteile omur langane. Alo ka itepmi Ida Tapolngon ke wan ka didi aitno ma iye kare ke ite.