Jon 15:5 - Aria New Testament

⁵ “Ngong galou wain palma e umu galou wain tetna. Gute ka dong dagar ke ngong e ngadong ke iye io iye due elio itau langka iye usu otna pula. E langka umosongon ngong deka umakaranga umodue elio itau kovok.

Jon 15:5 ပူးပေါင်းရင်းမြစ်များ

Matyu 13:21

E aitno dagar ine langka wan gigitno dagar ke taklak kovok. Aurou. Iye dong isuk boto vala e alo ka agegeng koke elio soulu polou ke iye batne ke Ida Tapolngon ila pelengon deka suong iye songon pelengon tonari.

Jon 12:24

Ngawai lokono ke umu langane. Lama wit londo duru ke taklak e tarna polou okus kovok iye dong londo kene vala. E langka iye duru ke taklak e tarna polou okus ma londo nobolbol e erine usu otna pula.

Jon 15:16

“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 5:19

E Yesus wai ke isak langane. “Ngawai lokono ke umu langane. Ngong ka Ida Tapolngon Otno Arang ngakaranga ngadue wan ka didi aitno lungong vala kovok. Aurou. Ngakaranga ngadue wan ka ngavati Livou due vala kesua wan gesa ka Livou due io ngong ka Otno Arang ngadue langane blang.

Jon 9:33

Langka Ida Tapolngon pagei gute are me kovok iye karanga due wan gesa kovok.”

Aposel 4:12

“Umoklingen. Oglou Ida Tapolngon kar itosep Ida Luangan Yesus. Iye tona Ida Luangan lokono e eknikane gute gesa dong langka iye kovok. Gute silang angaine dong ka karanga lua ite kovok. Aurou. Yesus vala Ida Luangan lokono.”

Pas ka Pol sogoe uti la ke osep Rom ina 12:5

E ite pula itodong langka Krais pampamu ine ka kene vala. E iteneklep pulu langka ite kente kente Krais pampamu ine ongwaine kene kene.

Pas ka Pol sogoe uti la ke osep Rom ina 6:22

E eknikane elio epmes ina plau umu kovok. Aurou. Ida Tapolngon klok lumu elio epmes ina kodong deka iye plau umu. Deka umodue elio itau vala. E elio itau ka umodue lua umu ma umopolou osep ka tidong itau e osuk ke Ida Tapolngon bitna. Ma umodong kap Ida Tapolngon e umodue lumu mosongon ka dong vala dong.

Pas ka Pol sogoe uti la ke osep Rom ina 7:4

Sipmi. Umoklingen lou pele-ngon. Umogosok Yesus umemete kodong. Deka Moses ila sogongon plau umu kovok. Kesua umeneklep ke Yesus ka oglou mete e Ida Tapolngon due poga tito ke ina denga. Deka iye Upu Puda e plau umu kesua iye waiki umodue Ida Tapolngon ila bokongon itau vala.

1 Korin 10:16

Kap ka iteinim aki wain ka elio komunio ina e itawai itau ke Ida Tapolngon ine alo ka iteinime due ite ka pula keniye iteneklep ke Krais ina marau. E bret ka kene ka itotuktuke alo ka itangene due ite iteneklep ke Krais pampamu ine.

1 Korin 12:12

Gute pampamu ine kene vala e ongwa ine pula. Gute ongwa ine pula e dau pampamu ine kene vala. E Krais blang dong langane.

1 Korin 12:27

Deka umu ka pula keniye umodong langka Krais pampamu ine e umu kene kene umodong langka Krais pam-pamu ine ongwa ine.

2 Korin 13:8

Imakaranga imodue wan gesa ka dangdang Ida Tapolngon ila pelengon ka lokono kovok. Aurou. Imakaranga imedidie vala.

2 Korin 9:10

Ida Tapolngon kar wan bitna bitna londo ke osep ma tiusak isak e iye kar osep inarak ngangon blang. Iye kar umu wan ka karanga ke umu e due wan tonari polou pula lokono ma umakaranga umolua osep leklou ine.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Efesus 5:9

Osep ka tidong ke bublongon tidue elio ka itau e urok pelengon keniye lokono vala.

Filipai 1:11

Deka Yesus Krais due elio ka itau e osuk polou ke umu e osep tivati lumu elio itau e tikakai Ida Tapolngon angaine tito la egim ine.

Filipai 4:13

Krais lua ngong ke ila arit deka ngakaranga ngadong itau ke elio bitna bitna ka tipolou ke ngong.

Filipai 4:17

E ngawaiki umeile langane. Ngawaiki ngadue wan silang ke umu kovok. Aurou. Ngawaiki lumu elio itau ka umotuktuk lumu mani e umakare ke osep leklou res polou omba ma Ida Tapolngon kar ila kerengen ke umu ine.

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

Kolosi 1:6

E Ida Tapolngon ila omon itau kes lila la ke omur pula ke taklak e omon tonari due osep ka aitno lisak dagar ine aitno lisak itau e urok elio isuk isuk tipolou itau. Elio ane eriar langka elio ka polou ke umu alo ka aling kene ina umoklingen omon ke Ida Tapolngon ila makaingan e umeile omur ine.

Jems 1:17

Wan keniye ka itau e itau lokono duru me ke Pmada ka dong egim ka tapol oklou e taiko e gigimo. Iye dong e segesege kovok langka wan ano segesege alo ka oklou lila ke egim ke sirva.

1 Pita 2:4

Umopolou ke Ida Puda ka iye dong langka opmu ka ila mosongon dong ine. Osep pula tipli iye e dau Ida Tapolngon rere iye e vati iye langka wan ka itau lokono.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.