Jon 15:27 - Aria New Testament

²⁷ E umu blang ma umapalongo osep ke ngong kesua umodong kap ngong alo ka nganogrum lou bokongon e lila me ke oku ane.”

Jon 15:27 ပူးပေါင်းရင်းမြစ်များ

Mak 1:1

Pelengon ane nogrum wai ke omon itau ka la ke Ida Tapolngon Otno Arang Yesus Krais.

Luk 24:48

E ma umapalongo osep urok ke wan ka umavati.

Jon 19:35

E gute ka vati elio ane palongo ine e ila palongongon lokono. E iye ile iye wai lokono ma aitno lumu karanga la dagar ke ila pelengon.

Jon 21:24

E ngong disaipel are e ngapalongo osep urok ke elio ane e ngasogo pelengon ane. E iteile lou pelengon iye pelengon lokono.

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 13:31

Iye poga tito deka ke oklou pula iye polou ke osep leklou ka oglou isak tigosok Yesus tisongon omur Galili deka isak kla ke Jerusalem. E oku ane itapalongo osep Israel ina ine.”

Aposel 18:5

Mase Sailas orwo Timoti tisongon provins Masedonia e time tipolou ke Korin. E ari Pol due elio kene vala. Iye napapra ke osep Yuda ina langane. “Yesus gute ka Ida Tapolngon rere Krais ka lua osep ke urok elio epmes ina.”

Aposel 23:11

Pol dong ke ninu tonari la lama epmes deka Ida Puda vri ke galna e wai ke iye langane. “Wom arit wom vala e emlim kovok. Eriar langka ampalongo osep ke ngong ke Jerusalem ane ma amla ampalongo langane ke Rom blang.”

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Aposel 4:20

Umoklingen. Ma imodong vala kovok kesua batne oglou imavati Yesus ila elio bitna bitna e imeklingen ila pelengon. E eknikane imanapapra ine.”

Aposel 4:33

Deka osep aposel urok pelengon ila arit omba. E tipalongo osep pula ke elio ka Ida Puda Yesus mole ina metengen deka poga tito ke ina denga. Alo ari Ida Tapolngon due elio itau ke isak.

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

Pelengon kukwopngon 1:2

E ngawai ke Yesus ila osep leklou. E ngavati wan tonari deka ngawai malak ke Ida Tapolngon ila pelengon e ke Yesus Krais ila pelengon. Ngawai langane. Pelengon ane lokono.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.