Jon 15:24 - Aria New Testament

²⁴ Ngadong airavu ke isak e ngadue elio itau langka gute silang due kovok. E langka ngadue langane kovok urok elio epmes ina vri ke isak e munu pes isak kovok. E oku ane tivati lou elio e aitno lisak engil e amnga ke ngong e ke Livou blang.

Jon 15:24 ပူးပေါင်းရင်းမြစ်များ

Matyu 11:5

Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Matyu 21:32

Kesua alo ka gute Jon me e nis umu ke ekreng ka Ida Tapolngon waiki umedidie aitno lumu la dagar ke ila pelengon kovok. E osep ka tidue takis e apmang ekreng palma ina aitno lisak la dagar ke ila pelengon. E dau alo ka umavati elio tonari umabauluk aitno lumu ke lumu elio kovok e aitno lumu la dagar ke ila pelengon kovok.”

Matyu 9:33

Alo ka Yesus sapir angelo soulu kodong gute tonari nogrum wai. E osep ka tidong tidigrik e tiwai pulu langane. “Ke oglou elio langane polou ke omur Israel kovok.”

Mak 2:12

Iye wai langane deka gute ka kamla e limla timete tito deka lokono iye kakai ila bota tito deka songon ninu tonari ke osep pula amtarsak. Deka osep pula aitno lisak digrik omba e tikakai Ida Tapolngon angaine tito la egim lokono ine e tiwai langane. “Oglou imavati elio gesa ka langane kovok.”

Luk 24:19

E iye pmi isak langane. “Elio lange?” E tikoli tiwai langane. “Wan ka la ke Yesus ka Nasaret ina. Iye gute napaprangan ina e iye arit iye ke ila pelengon e ila elio ke Ida Tapolngon bitna e ke osep ka pula keniye amtarsak blang.

Jon 10:32

E Yesus wai ke isak langane. “Ngadidi Livou ila arit e ngadue elio arit ina pula ke omtomu. E oku ane umawaiki umouri opmu ke ngong batne ke elio arit ina lange?”

Jon 10:37

Langka ngadue Livou ila bokongon kovok deka aitno lumu la dagar ke ngong kovok.

Jon 12:10

E ke batne langane osep loulou ina ka omba tilalo pelengon ma tidue burwa ke Lasarus blang.

Jon 12:45

E gute ka vati ngong vati Ida Tapolngon ka pagei ngong ngame blang.

Jon 14:9

Deka Yesus koli wai ke iye langane. “Filip ngadong kap umu tauni kodong e dau emile ngong kovok i? Gute ka vati ngong vati Livou blang. Deka ina lange amwai langane? ‘Emnis imi ke Abo.’

Jon 15:21

E ma tidue agegeng ke umu batne umu lou osep e tile omur ke Livou ka pagei ngong ngame kovok.”

Jon 15:22

“Langka ngame e ngawai ke isak ke urok elio epmes ina kovok urok elio epmes ina vri ke isak e munu pes isak kovok. E ngame e ngawai ke isak ine e oku ane tikaranga tikukwop urok elio soulu kovok.

Jon 15:23

Gute ka aitno engil e amnga ke ngong aitno engil e amnga ke Livou blang.

Jon 16:9

Ma iye nis isak malak ke urok elio epmes ina kesua aitno lisak la dagar ke ngong kovok.

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 5:36

“E wan ka mole pelengon ka Jon wai ine palongo osep ke ngong. Kesua bokongon ka Livou kare ke ngong ma ngadue io bokongon tonari palongo osep ke elio ka Livou pagei ngong ngame.

Jon 6:36

E langka ngawai ke umu kodong umavati ngong e dau aitno lumu dagar ke ngong kovok.

Jon 7:31

E osep pula ka tidong are aitno lisak la dagar ke iye. E tiwai langane. “Alo ka gute Krais me ma iye due elio arit ina ka nisngen ka mole wan ka gute ane due koke aurou?”

Jon 9:32

Ke oglou oglou ari lila me ke eknikane iteklingen basikngen ke gute ka bitna evin alo ka tna divir iye deka gute silang due bitna polou itau kovok.

Jon 9:41

E Yesus koli wai ke isak langane. “Langka omtomu evin lumu elio epmes ina munu pes umu kovok e dau umawai umakaranga umavati omur deka lumu elio epmes ina dau munu pes umu.”

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 2:22

Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.

Pas ka Pol sogoe uti la ke osep Rom ina 1:30

Tiblou osep leklou dogur lisak e tipalongo osep malak ine. Aitno lisak engil ke Ida Tapolngon. Tiwai pelengon soulu pulu. Aitno lisak vri ke isak e tikakai angainsak tito. Aitno lisak mter ke elio soulu oku ina ka tiwaiki tidue. E tipli sipmarak e titnarak urok pelengon.

2 Timoti 3:4

Ma tilai osep inarak e ma tisuong tididi aitno lisak ke wan ka kaka e ma aitno lisak mter ke isak kensak kensak vala. Ma aitno lisak mter ke elio bitna bitna ke taklak ka due aitno lisak itau e ma aitno lisak mter ke Ida Tapolngon kovok.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.