Jon 15:20 - Aria New Testament

²⁰ Omtomu sisir lou pelengon ka ngawai ke umu langane. Gute bokongon ina mole ina puda kovok. Langka osep taklak ina tidue agegeng ke ngong ma tidue agegeng ke umu blang. E langka tididi lou pelengon ma tididi lumu pelengon blang.

Jon 15:20 ပူးပေါင်းရင်းမြစ်များ

Matyu 10:24

E Yesus wai pelengon ano langane. “Osep disaipel urok elio mole urok parerengen ila elio kovok e osep ka isak wokboi nating urok elio mole inarak puda ila elio kovok.

Mak 10:39

Deka tikoli tiwai ke Yesus langane. “Ee. Imakaranga ke elio ka amwai ine.” Deka Yesus wai ke isak langane. “Agegeng ka osep tidue ke ngong ka langka aki ka sasi ma polou ke umu blang. E elio soulu ka osep tidue ke ngong ka langka osep tipaunim ngong ma polou ke umu blang.

Luk 2:34

E Simeon wai ma Ida Tapolngon aitno itau itau ke isak e wai ke tna Maria langane. “Emklingen. Ida Tapolngon rere mimi ane ma iye due osep Israel ina pula tigene batne ke iye e iye due osep pula titito batne ke iye blang. E iye dong nisngen ke Ida Tapolngon aitno e ma osep pula tiwai soulu ke iye.

Luk 6:40

Gute gesa ka disaipel iye mole gute ka parere iye kovok. E alo ka gute ka disaipel nana kodong iye polou langka gute ka parere iye.”

Jon 10:31

Deka osep Yuda ina tidue opmu ma tiuri isak ke Yesus ma iye mete ine.

Jon 11:57

E osep loulou ina ka omba e osep Farisi ina tiwai dagar ke osep langane. “Langka gute kene ile ke omur ka Yesus dong ine ma iye wai ke imi ine.” Kesua tiwaiki tidue Yesus sep ke kalabus.

Jon 13:16

Ngawai lokono ke umu langane. Wokboi nating mole ina puda kovok e gute ka kalke omon mole gute ka vai iye ma iye kalke omon kovok.

Jon 5:16

E osep Yuda ina tidue agegeng ke Yesus kesua batne iye due elio langare ke oklou sabat.

Jon 7:32

E osep Farisi ina tiklingen osep tinekeskes pelengon ka la ke Yesus deka isak e osep loulou ina ka omba tipagei osep ka tiplau Ida Tapolngon ila ninu isak kla ma tikis Yesus.

Jon 8:51

Ngawai lokono ke umu langane. Langka gute kis lou pelengon dagar e didie ma iye due mosongon ka dong vala dong e ma iye mete kovok.”

Jon 8:52

Osep Yuda ina tiklingen Yesus ila pelengon deka tikoli tiwai langane. “Imeklingen lem pelengon e oku ane imeile angelo soulu dong ke wom. Oglou Abraham mete e osep napaprangan ina timete blang e amwai osep ka tididi lem pelengon ma timete kovok.

Jon 8:59

Yesus wai langane deka osep tidue opmu ma tiuri isak ke iye. E Yesus kukwop iye ke isak deka songon omur ka lelei Ida Tapolngon ila ninu.

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

1 Korin 4:12

E imoboko engil lokono ke lipmi va e bokongon opru imi. Osep tiwai soulu ke imi e imepmi Ida Tapolngon ma iye kere isak. Tidue elio soulu ke imi e imawai ine kovok e imodong vala.

2 Korin 4:9

Osep tidue agegeng ke imi e dau Ida Tapolngon dong kap imi. Osep timluk imi ma imegene e dau imemete ine kovok.

1 Tesalonaika 2:15

Oglou osep Yuda ina timluk osep napaprangan ina ma timete kodong e silang blang timluk Ida Puda Yesus ma iye mete kodong blang. E tisapir imi ke omur tonari. E aling aling aitno lisak engil ke osep deka Ida Tapolngon aitno soulu lokono ke isak.

2 Timoti 3:12

Pelengon ane lokono. Osep ka tineklep ke Krais Yesus e tiwaiki tididi Ida Tapolngon ila elio keniye ma osep tidue agegeng ke isak.