Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jon 15:2 - Aria New Testament

2 E Livou blou galou wain palma tonari tetna ka tiusu otna kovok e uri isak la. E galou wain palma tetna ka tiusu otna Livou pi elilo ka sasi ma tetna tonari usu otna pula.

အခန်းကိုကြည့်ပါ။ ကော်ပီ




Jon 15:2
42 ပူးပေါင်းရင်းမြစ်များ  

Osep ka tidue wan kene ma tidue wan leklou blang e urok wan pula pula tidong e osep ka aitno lisak mter urok wan kovok wan sasi boto ka tidong ke isak ma Ida Tapolngon pie ke isak.


E iye wai pelengon ano silang langane. “Omur ka Ida Tapolngon plaue langka yis ka apmang due sep ke dram plaua la lama plaua keniye tonari song polou omba.”


E Yesus koli wai ke isak langane. “Wan keniye ka Livou ka dong ke omur heven usake kovok ma iye pie.


E iye vati akai fik dong olwo boto ke ekreng e la ine. Iye polou ine e vati fik otna kovok e akai elilo vala. E iye wai dagar ine langane. “Ma otna polou ke wom aling silang blang kovok.” E suong akai fik polou kakrak.


Kesua gute ka due wan gesa ma iye due wan leklou blang. E ila wan pula pula dong. E gute ka ila wan isuk boto wan ka dong ke iye ma osep tipie ke iye.


Selembo dong olwo boto ke akai gigitno. E akai ka usu otna ka itau kovok ma osep tibloue e tiurie ke eiou.”


E iye kis wan ka iye wade wit erine ine e iye ma gir omur ka timluk wit erine ine. Iye ma tagom wit otna ke ina yage ila ninu e iye ma uri wit tokonkon ke eiou ka ila yagosngon kovok.”


Osep ma tiblou akai ka usu otna ka sasi e tiurie ke eiou ma eiou ngene.


E osep leklou tidong langka taklak itau ka wit londo leklou tiduru timunu ine. Kesua tiklingen Ida Tapolngon ila pelengon deka aitno lisak kis dagar ine e aitno lisak la dagar ine. E eriar langka wit londo ka tidong ke taklak itau tiusu pula ma osep tonari tidue elio isuk isuk itau e pula ka tididi pelengon tonari. Bitna langka wit londo leklou tiusu otna iseklu e leklou tiusu otna iselme songotno e leklou tiusu otna buno kene osep tonari urok elio isuk isuk ka itau polou pula langane blang.”


E londo ka tiduru timunu ke taklak ka isuk boto vala ka napal munu ke opmu tona isak langka osep ka tiklingen omon itau e suong bara lisak due e aitno lisak neser ine. E dau tidong dagar ine kovok kesua isak langka wit erine ka gigitno kovok e aitno lisak dagar sasi boto vala e alo ka tokngon polou ke isak io tisongon aitno lisak ila dagar.


Deka Yesus wai ke isak blang langane. “Ngadong langka galou wain palma ka lokono e Livou iye langka gute ka kere galou wain ke yage.


“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.


E umopolou itau kodong batne ke pelengon ka ngawai ke umu kodong.


Langka gute gesa dong dagar ke ngong kovok ane langka osep tiblou e tiuri tetna ka sasi e tetna tonari polou kakrak. Deka osep tigom tetna ka kakrak e tiuri isak ke eiou e eiou ngen isak.”


Langka umodue elio itau pula langka galou wain usu otna pula lumu elio langane kakai Livou angaine tito la egim. E ke elio langane umenis osep umu lou disaipel.


Alo ka ngadong kap isak ngaplau isak ke lem arit ka amkare ke ngong. Ngaplau isak e gute kene vala ke isak imina. Iye gute ka ke ila elio soulu due ma iye imina. E elio ane polou ma wan ka osep tisogoe ke lem pelengon polou lokono.


E langane. Osep Israel ina isak langka akai oliv ka itau lokono. E Ida Tapolngon tuktuk akai tonari tetna leklou. Deka umu ka osep Yuda ina kovok umu langka akai oliv adai ka omong aitno ina tetna. E Ida Tapolngon due umu umenepir ke akai oliv ka itau ma umakasip akai tonari tetna ka iye tuktuk isak amunsak. Deka eknikane Ida Tapolngon ila kerengen ka dong ke osep Israel ina me duru dong ke umu blang.


Aitno lumu mter ke Ida Tapolngon ila elio. Ida Tapolngon makai osep leklou e due agegeng ke osep leklou. Osep ka tisongon Ida Tapolngon ila elio e aitno lisak dagar ke iye kovok ma iye due agegeng ke isak. E iye makai umu e due elio itau ke umu langka aitno lumu dong dagar ke iye. Langka aurou ma iye tuktuk umu blang.


E iteile omur ine langane. Ite ka ite lana ite ke Ida Tapolngon iye rere ite ila osep kodong. E elio keniye ka polou ke ite batne langane. Ida Tapolngon due isak tipolou ke ite ma tilua ite ma udo mosongon polou itau lokono e ma itodue wan ka iye rere ke ite.


Elio tonari langane. Langka ngawai ke tokples bitna bitna e ke ensel urok pelengon e dau ngong lana ngong ke osep kovok elio langane bitna langka ngong langka belo ka wai omba adai vala e langka kude ka wai adai.


Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.


Umeile umu itau lama umopul dogur ke Ida Tapolngon ila makaingan. E umeile umu itau lama gute gesa airavu ke umu polou langka wan ka meli e ila elio due elio soulu polou ke osep leklou e elio tonari due asmel ke osep pula.


Oglou osep tonari tidong kap ite deka tisongon ite kesua isak udo osua lokono kovok. Langka tidong ke udo osua lokono deka isak dau tidong kap ite. E alo ka tisongon ite ane nisngen tidong ke udo osua lokono kovok.


Ngong lana ngong ke osep deka ma nganis isak ke urok elio soulu e ma ngamosi urok elio soulu. Deka ma umoboko engil lokono e umabauluk aitno lumu ke lumu elio epmes ina.’”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ