Jon 15:16 - Aria New Testament

¹⁶ “E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 15:16 ပူးပေါင်းရင်းမြစ်များ

Matyu 21:22

Langka aitno lumu dagar ke Ida Tapolngon alo ka umawai itau ke iye ma umodue wan ka umepmi iye ine.”

Matyu 7:7

“Umepmi Ida Tapolngon ke wan e ma iye kare ke umu. Umekrim ke wan e ma umapadoe. Lupmu tinopolpol ke ekreng bitna e ma Ida Tapolngon kloke ke umu.

Luk 6:13

Kotkotu polou e iye gi ke ila disaipel pula e rere osep songotno orwo vala ke isak e sir isak aposel.

Jon 13:18

“Ngawai ke umu keniye kovok kesua ngaile umu ka ngarere umu kodong. E elio ane polou ma Ida Tapolngon ila pelengon palma polou lokono. Pelengon tonari langane. ‘Gute ka ngen ngangon kap ngong pul dogur ke ngong e aitno soulu ke ngong.’

Jon 15:19

Langka umu osep taklak ina ma isak lana isak ke umu langka isak lana isak ke isak sisrok. E umodong langka osep taklak ina kovok e ngarere umu ma umosongon isak deka ke batne langane aitno lisak engil e amnga ke umu.

Jon 15:5

“Ngong galou wain palma e umu galou wain tetna. Gute ka dong dagar ke ngong e ngadong ke iye io iye due elio itau langka iye usu otna pula. E langka umosongon ngong deka umakaranga umodue elio itau kovok.

Jon 6:70

Deka Yesus koli wai ke isak langane. “Ngong tona ngarere umu songotno orwo ma umodong lou disaipel e dau gute kene ke umu langka angelo soulu dong ke iye.”

Aposel 1:24

Deka tiwai itau ke Ida Tapolngon ine langane. “Ipem Puda emile osep ka pula keniye aitno lisak. Eknikane emnis imi ke gute ka emrere ma iye kasip Judas amune. Emnis imi ine deka ma iye polou aposel gesa deka ma iye boko ine. Oglou Judas songon ila bokongon ka amwaiki iye due deka iye la ke ila omur.”

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 10:41

Iye polou ke osep ka pula keniye amtarsak kovok. Aurou. Iye polou ke imi ka Ida Tapolngon rere imi kodong emtemi ma imavati. Iye dong kap imi deka imangen ngangon e imeinim aki kap iye.

Aposel 22:14

Deka iye palongo lou langane. ‘Ida Tapolngon ka udo seia Inarak Tapolngon rere wom ma emile aitno. Iye rere wom ma amvati gute ka ila elio itau lokono ka ila gute bokongon ina e iye rere wom ma emklingen ila pelengon.

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Pas ka Pol sogoe uti la ke osep Rom ina 1:13

Sipmi. Ngawaiki umo-klingen lou pelengon ma umeile omur ine. Oglou ngawai ke lou langan aling pula kesua ngawaiki ngapolou ke umu. E ngakaranga ngapolou ke umu kovok kesua parangan gesa dangdang ngong ke lou langan tonari. Alo ari ngawaiki ngapolou ke umu ma ngaboko ke umu. Ngawaiki ngaboko ke umu kesua oglou lou bokongon lua osep pula ka isak osep Yuda ina kovok. Deka osep tonari tipolou Ida Tapolngon ila osep. E ngawaiki ngaboko ke umu eriar langka oglou ngaboko ke isak e dau parangan gesa dangdang ngong ine.

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 15:4

Pelengon ka pula keniye ka oglou osep tisogoe ke Ida Tapolngon ila pelengon tisogoe ma pelengon tonari parere ite. Pelengon ma due aitno lite dagar e ma due ite itevri dagar e itapara ke alo ka Ida Tapolngon ma due ite.

Pas ka Pol sogoe uti la ke osep Rom ina 9:21

Wan tonari ma wai langane kovok. Langka gute gesa waiki boko ke taklak oplok ma due ulo ine iye karanga due langane. Langka iye waiki kapo ulo itau ma ina ngangon dong ine iye karanga due langane. E langka iye waiki kapo ulo ma iye due tokonkon sep ine iye karanga due langane blang.

1 Korin 10:11

E elio ka polou ke isak langka nisngen ma osep leklou tivati e tile ine. E osep tisogo Ida Tapolngon ila pelengon ma parere ite ka oku ane itodong ane ma iteile omur ine. Kesua itodong alo ka taklak ane isuk boto ma yagos.

Galesia 1:15

Alo ka nina dau divir ngong kovok Ida Tapolngon rere ngong kodong e ke ila makaingan iye rere ngong ila gute bokongon ina.

Efesus 2:10

Ida Tapolngon due ite itopolou itau e due ite iteneklep ke Krais Yesus. Iye due langane kesua iye waiki ma itodue elio isuk isuk ka itau vala. Oglou iye rere elio ka itau vala ka iye waiki itodue.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:6

E Ida Tapolngon ila omon itau kes lila la ke omur pula ke taklak e omon tonari due osep ka aitno lisak dagar ine aitno lisak itau e urok elio isuk isuk tipolou itau. Elio ane eriar langka elio ka polou ke umu alo ka aling kene ina umoklingen omon ke Ida Tapolngon ila makaingan e umeile omur ine.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

2 Timoti 1:11

Ida Tapolngon rere ngong ila aposel gesa ma nganapapra ila omon itau e ngaparere osep ine.

2 Timoti 2:2

Emklingen pelengon ka ngawai ke osep pula kodong. Deka ngawaiki amwai pelengon tonari ke osep ka tikis dagar ke Ida Tapolngon ila pele-ngon ma tikaranga tiparere osep leklou ine blang.

Taitus 1:5

Oglou alo ka itodong ke aidunu Krit itababrum udo boko-ngon kovok. Deka ngasongon wom omdong ke Krit ma ambabrum bokongon ka dau dong. Ngawaiki emrere osep leklou ma tiplau Yesus ila osep ke armok armok ka tidong ine langka oglou ngawai ke wom ine.

Hibru 11:4

Abel aitno dagar ke Ida Tapolngon deka iye due elio opmu ina. E Ida Tapolngon aitno itau ke wan ka Abel due elio opmu ina ine e aitno itau kovok ke wan ka Kein due elio opmu ina ine. Abel aitno dagar ke Ida Tapolngon deka Ida Tapolngon sir iye gute ka itau e osuk. E eknikane lama oglou iye mete kodong aitno ila dagar dau nis ite ma aitno lite dagar ke Ida Tapolngon.

Jems 3:18

E osep ka tiboko ke elio ka tidue osep aitno lisak epen pulu urok bokongon ane langka tiusak wan otna. Deka elio itau ka polou batne ke urok bokongon tonari langka ngangon itau pula ka anino ke yage.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.

1 Pita 3:2

Ma tivati elio ka umeini isak e umodue anit ke isak.

1 Jon 4:10

Ida Tapolngon lana iye ke ite lokono va. E ite lana ite ke Ida Tapolngon mgo kovok. Aurou. Iye lana iye ke ite mgo deka pagei Otno Arang duru ke taklak ma kli udo elio epmes ina.

1 Jon 4:19

Ite lana ite ke osep leklou batne Ida Tapolngon lana iye ke ite mgo.