Jon 14:9 - Aria New Testament

⁹ Deka Yesus koli wai ke iye langane. “Filip ngadong kap umu tauni kodong e dau emile ngong kovok i? Gute ka vati ngong vati Livou blang. Deka ina lange amwai langane? ‘Emnis imi ke Abo.’

Jon 14:9 ပူးပေါင်းရင်းမြစ်များ

Mak 9:19

Yesus klingen gute tonari ila pelengon deka iye koli wai ke osep tonari langane. “Umu osua ka aitno lumu ila dagar la dagar lokono ke Ida Tapolngon kovok. Ma ngadong kap umu tauni e dau aitno lumu dagar ke ngong kovok i? Ma aitno lungong kro ke umu aling pula e dau aitno lumu dagar ke ngong kovok i? Umodue mimi me ke ngong.”

Luk 12:56

Umu osep ka aitno lumu orwo e umayakyak. Umakaranga umeile nisngen ka polou ke taklak e sirva. E dau umakaranga umeile omur ke elio ka polou oku ane kovok.”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 10:30

Ngong e Livou imi eriar vala.”

Jon 12:45

E gute ka vati ngong vati Ida Tapolngon ka pagei ngong ngame blang.

Jon 14:20

E alo ka elio tonari polou ma umeile ngadong kap Livou e umodong kap ngong e ngadong kap umu.

Jon 14:7

E langka umeile ngong itau umeile Livou blang. E oku ane e la ine umeile iye kodong e umavati iye kodong.”

Jon 8:19

Deka osep tonari tipmi Yesus langane. “Abo dong ge?” E Yesus koli wai ke isak langane. “Umeile ngong koke Livou kovok. Langka umeile ngong deka ma umeile Livou blang.”

1 Korin 15:12

Imanapapra pelengon ka Krais mete e Ida Tapolngon due poga tito ke ina denga. E umu leklou umawai gute ka mete kodong ma iye karanga poga tito ke ina denga kovok.

Filipai 2:6

Yesus tona iye Ida Tapolngon e dau aitno mter langka iye kis dagar ke elio ka iye dong eriar langka Ida Tapolngon ka Pmada kovok. Aurou.

Kolosi 1:15

Itakaranga itavati Ida Tapolngon kovok e dau Otno Arang iye eriar langka Ida Tapolngon. Iye Ida Tapolngon Otno Arang ka ina sirngen e iye mgo ke wan ka pula keniye ka Ida Tapolngon due polou.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.