Jon 14:6 - Aria New Testament

⁶ E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 14:6 ပူးပေါင်းရင်းမြစ်များ

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 1:4

E gute tonari iye mosongon batne e mosongon tonari langka osep ka pula keniye urok bublongon ka due isak tile omur itau.

Jon 10:28

E ngakar isak mosongon ka dong vala dong e ma timete kovok e gute kene karanga pi isak ke lungu kovok.

Jon 10:7

E Yesus wai ke isak blang langane. “Ngawai lokono ke umu langane. Ngong sipsip inarak eger ina ekreng bitna.

Jon 10:9

Ngong ekreng bitna e gute sei ka me ke ngong e sep ke eger ma iye dong itau ine. Ma aling aling iye sep ke eger e songon eger e due ina ngangon.

Jon 14:19

Isuk boto dau e osep ke taklak ma tivati ngong blang kovok. E ma umavati ngong. Ngadong ke mosongon e ke batne ane umu blang ma umodong ke mosongon.

Jon 15:1

Deka Yesus wai ke isak blang langane. “Ngadong langka galou wain palma ka lokono e Livou iye langka gute ka kere galou wain ke yage.

Jon 18:37

Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.”

Jon 5:21

Eriar langka Livou due osep ka timete kodong tipoga titito ke inarak denga e kar mosongon oku ina ke isak ngong ka Otno Arang ngakar mosongon oku ina ke osep ka ngawaiki ngakar mosongon tonari ke isak.

Jon 6:33

Kesua bret ka me ke Ida Tapolngon duru me ke omur heven e kar mosongon ka dong vala dong ke osep ka tidong ke taklak.”

Jon 6:51

Ngong bret ka duru ke omur heven ka kar mosongon ka dong vala dong ke osep. Langka gute ngen bret ane ma iye dong vala dong. Bret ane pampamu lungong ka ngakare ke osep taklak ina ma tikaranga tidue mosongon ka dong vala dong.”

Jon 6:57

Livou ka iye mosongon batne pagei ngong ngame e ngadong batne ke iye e eriar langane gute sei ka ngen pampamu lungong ma iye due mosongon batne ke ngong.

Jon 6:68

E Saimon Pita koli wai langane. “Ipem Puda ma imala imedidi gute sei silang? Kesua wom vala gute ka amwai pelengon ka due osep tidue mosongon ka dong vala dong.

Jon 8:32

E ma umeile pelengon lokono e pelengon lokono ma due umu umopolou fri.”

Jon 8:51

Ngawai lokono ke umu langane. Langka gute kis lou pelengon dagar e didie ma iye due mosongon ka dong vala dong e ma iye mete kovok.”

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Aposel 4:12

“Umoklingen. Oglou Ida Tapolngon kar itosep Ida Luangan Yesus. Iye tona Ida Luangan lokono e eknikane gute gesa dong langka iye kovok. Gute silang angaine dong ka karanga lua ite kovok. Aurou. Yesus vala Ida Luangan lokono.”

Aposel 9:2

E iye wai langane. “Omsogo pas leklou ma ngakalke isak ngala ke osep Yuda ina urok duningen ina ninu ninu ka tidong ke armok Damaskus.” Deka gute loulou ina tonari sogo ila pas leklou ka wai langane. “Langka gute Sol pado osep arang e apmang ka tididi elio oku ina ma iye pou isak e paur isak time ke Jerusalem.” Iye sogo langane deka kar pas ke Sol.

Pas ka Pol sogoe uti la ke osep Rom ina 15:16

Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.

Pas ka Pol sogoe uti la ke osep Rom ina 5:2

Iye lua ite e Ida Tapolngon ila makaingan kading ite batne ke Yesus ka aitno lite dagar ine kodong. Deka aitno lite neser ke iye kesua iteile omur ma Ida Tapolngon kakai ite kap Yesus.

Pas ka Pol sogoe uti la ke osep Rom ina 5:21

Oglou elio epmes ina kading itosep e itosep keniye itemete ine. E eknikane Ida Tapolngon ila makaingan due ite e kading ite. E Ida Tapolngon due ite itopolou itau e osuk ke bitna. Deka udo mosongon ka itau lokono ina yagosngon kovok batne ke Ida Puda Yesus Krais dong.

1 Korin 15:45

Ida Tapolngon ila pelengon wai langane. “Gute ka mgongon ina angaine Adam. Ida Tapolngon due polou deka iye dong.” E Ano Itau due gute Adam ka orwo ina ka me batne polou deka iye dong ma iye kar mosongon lokono ke ite.

Efesus 2:18

Deka imi osep Yuda ina e umu ka osep Yuda ina kovok ite keniye itodong ke Krais ila osua ka kene vala. E Ano Itau dong ke ite keniye aitno lite langka ekreng gesa ma itakaranga itawai itau ke Pmada e itakakai angaine tito ine.

Kolosi 2:17

Wan tonari isak langka ano e nisngen vala ke wan bitna bitna ka ma me e Krais iye wan ka lokono.

Kolosi 2:9

Umeile oglou Krais polou langka itosep e Ida Tapolngon ila elio keniye dong ke Krais e isak orwo eriar.

Kolosi 3:4

Krais iye lumu mosongon itau batne e mase alo ka iye polou malak ke osep amtarsak umu blang ma umodong kap iye ke ila bublongon.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

Hibru 9:8

Ke wan ane Ano Itau nis ite langane. Alo ka Ida Tapolngon ila ninu molo ina dau dong osep tikaranga tisep ke Eliang Ka Itau Lokono kovok.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

1 Pita 2:4

Umopolou ke Ida Puda ka iye dong langka opmu ka ila mosongon dong ine. Osep pula tipli iye e dau Ida Tapolngon rere iye e vati iye langka wan ka itau lokono.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Jon 1:8

Langka itawai elio epmes ina dong ke ite kovok deka itayak ite tona e pelengon ka lokono dong ke ite kovok.

1 Jon 2:23

Gute ka pul dogur ke Ida Tapolngon Otno Arang iye dong kap Pmada kovok. E gute ka aitno dagar ke Otno Arang iye dong kap Pmada blang.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

1 Jon 5:6

Yesus Krais me dong ke taklak e osep tipaunim iye ke aki. Mase iye mana ke ina akai e ina marau baser. Alo ka iye me osep tipaunim iye vala kovok. Aurou. Iye mete e ina marau baser blang.

2 Jon 1:9

Langka gute gesa kis Krais ila pelengon dagar kovok e didi pelengon silang iye dong kap Ida Tapolngon kovok. E gute ka kis Krais ila pelengon dagar vala dong kap Pmada e Otno Arang.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.

Pelengon kukwopngon 19:11

Ngaklingen pelengon tonari deka ngavati omur heven noklok e ngavati hos kene ka okou. E gute ka dong ine angaine Gute Ka Wai E Didi Ila Pelengon e angaine silang Gute Ka Wai Pelengon Ka Lokono Vala. Alo ka iye wade osep koke iye due evlei iye didi ila elio ka itau e osuk e wade osep koke due evlei ine.

Pelengon kukwopngon 20:15

Deka osep ka angainsak dong ke buk ka mosongon ina tonari kovok tiuri isak kla ke eiou ombatno blang.

Pelengon kukwopngon 22:1

Deka ensel tonari nis ngong ke aki ka suong e langka osep tinim aki tonari tidue mosongon itau ine. E aki tonari malak langka glas. Aki tonari polou ke kova ka Ida Tapolngon e Sipsip Otno tidong ine e suong la.

Pelengon kukwopngon 22:17

Ano Itau kap apmang ka Sipsip Otno ila asap isak orwo tiwai langane. “Umomo.” E osep ka tiklingen pelengon ane tiwai langane blang. “Umomo.” Gute ka aki vel iye ma iye me. E gute ka waiki inim iye ma me inim aki ka mosongon ina ka Ida Tapolngon kare ke iye adai.

Pelengon kukwopngon 3:14

Gute tonari wai blang lang-ane. “Omsogo pelengon ke ensel ka dong ke sios ke Laodisia. Pelengon tonari langane. Gute ka tisir iye Lokono e ka wai osuk e wai lokono ke Ida Tapolngon ila pelengon keniye wai langane. ‘Ngong wan ka pula keniye ka Ida Tapolngon due batne.

Pelengon kukwopngon 3:7

Gute tonari wai blang langane. “Omsogo pelengon ke ensel ka dong ke sios ke Filadelfia. Pelengon tonari langane. Gute ka itau lokono e elio soulu dong ine kovok e iye wai pelengon lokono vala wai langane. ‘Ngakis Devit ila ki deka wansua ka ngakloke gute gesa karanga divae kovok e wansua ka ngadivae gute gesa karanga kloke kovok.