Jon 14:28 - Aria New Testament

²⁸ Oglou umoklingen ngawai ke umu langane. Ngasongon umu e ngala e mase ma ngaiding ke umu. Langka umu lana umu ke ngong aitno lumu neser kesua ngala ke Livou. E Livou mole ngong.

Jon 14:28 ပူးပေါင်းရင်းမြစ်များ

Matyu 12:18

“Umavati. Ngarere gute ane ma iye boko ke ngong. Ngong lana ngong ke iye e aitno lungong itau ke wan ka iye due. Ma ngakar iye Anngong e iye napapra osep ka pula keniye ke elio ka ma ngadue elio itau ke isak.

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 13:16

Ngawai lokono ke umu langane. Wokboi nating mole ina puda kovok e gute ka kalke omon mole gute ka vai iye ma iye kalke omon kovok.

Jon 14:12

“Ngawai lokono ke umu langane. Gute ka aitno dagar ke ngong ma due elio arit ina langka ngadue e silang blang ma iye due elio bitna bitna ka mole elio ka ngadue kesua ngala ngadong kap Livou.

Jon 14:18

“Ma ngasongon umu langka osep ka isak bimsei kovok. Aurou. Mase ma ngame ke umu.

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 20:17

E Yesus wai ke iye blang langane. “Emkis ngong dagar kovok kesua ngatito ke Livou dau kovok. E amla e amwai ke sipmi ngawai langane. ‘Ma ngatito ke Livou e Pmomu blang. E iye Tapolngon ka ngalotuim iye e iye Tapolngon ka umolotuim iye blang.’”

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Jon 5:18

Osep Yuda ina tiklingen Yesus ila pelengon deka isak arit isak ma tidue burwa ke iye. Tiwaiki tidue burwa ke iye kesua iye dar oklou sabat ina pelengon dagar vala kovok. Aurou. Iye sir Ida Tapolngon Timla blang e pelengon ane langka iye wai iye tona eriar langka Ida Tapolngon.

Jon 7:33

Deka Yesus wai ke osep langane. “Ma ngadong kap umu sasi boto vala deka ngaiding ke gute ka pagei ngong ngame.

1 Korin 11:3

E ngawaiki ma umeile omur ke pelengon langane. Ida Tapolngon plau Krais e Krais plau osep arang e osep arang tiplau sasarak.

1 Pita 1:8

Lama oglou umavati Krais kovok dau umu lana umu ke iye. E oku ane lama umavati iye kovok aitno lumu la dagar ke iye. E umeketir omba ke ketirngen ka mole ketirngen ke taklak e umakaranga umawai pelengon ka wai ke ketirngen tonari kovok.

Pelengon kukwopngon 1:11

Gute tonari wai langane. “Wan ka pula keniye ka amvati omsogoe ke pas e ampagei la ke sios lumorwo. Ampagei la ke sios ka dong ke armok Efesus e ke armok Smerna e ke armok Pergamum e ke armok Taiataira e ke armok Sardis e ke armok Filadelfia e ke armok Laodisia.”