Jon 14:27 - Aria New Testament

²⁷ “Ngasongon umu e dau ngadue lou elio ka aitno lumu dong epen dong kap umu. Ngakar elio tonari ke umu e iye langka elio ka osep ka taklak ina aitno lisak dong epen kovok. Aitno lumu kro ke wan bitna bitna kovok e umelim kovok.

Jon 14:27 ပူးပေါင်းရင်းမြစ်များ

Matyu 10:26

“Umelim ke osep kovok. Kesua wan keniye ka oku ane kukwop e wan keniye ka iteile ine kovok mase ma tipolou malak.

Luk 1:79

E bublo ke osep ka tidong ke aivoro e ka metengen kading isak langka wan ano kadinge ma bublongon tonari nis ite ke ekreng ma itodong aitno lite epen.”

Luk 10:5

Alo ka umesep ke ninu gesa umawai langane mgo. ‘Ida Tapolngon ila elio ka due aitno lumu epen dong kap umu.’

Luk 12:4

“Lou saten ngawai ke umu langane. Umelim ke osep ka tikaranga timluk pampamu lumu ma umemete vala kovok. Aurou. Kesua alo ka tidue langane yagos tikaranga tidue elio gesa silang ke umu kovok.

Luk 2:14

“Itodue anit ke Ida Tapolngon ka dong egim lokono e itakakai angaine. E osep ka Ida Tapolngon aitno itau ke isak ke taklak ma aitno lisak epen.”

Jon 14:1

“Aitno lumu kro omba sakam. Ma aitno lumu dagar ke Ida Tapolngon e aitno lumu dagar ke ngong blang.

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Jon 20:19

Epmes polou ke oklou tonari ka Sande e Yesus ila disaipel tidiva ekreng bitna ke ninu ka tidong ine. Tidiva ekreng bitna kesua tiulou tarna lisak ke osep Yuda ina. E Yesus polou e vri airavu ke isak e wai ke isak langane. “Aitno lumu dong epen.”

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Jon 20:26

Mase oklou epmes lumorwo mela yagos e ila disaipel tidong ke ninu e Tomas dong kap isak blang. E tidiva ekreng bitna e Yesus polou airavu ke isak e wai langane. “Aitno lumu dong epen.”

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Aposel 18:9

Ari epmes gesa Pol vati ano e Ida Puda palongo ila langane. “Wom omulou tarna lugom ke osep sakam. Omdong amwai lem pelengon vala e omdong adai sakam. Omboko vala.

Pas ka Pol sogoe uti la ke osep Rom ina 1:7

­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Pas ka Pol sogoe uti la ke osep Rom ina 5:10

Oglou Ida Tapolngon ina oul itosep. E ari iye due Otno Arang ma iye kasip amunte. E elio ka iye due Otno Arang kasip amunte due aitno epen ke ite ma iye due mada ke ite. Iye due mada ke lite e due ite itopolou sisrok batne ke Yesus ka lua ite kodong iye dong.

Pas ka Pol sogoe uti la ke osep Rom ina 8:6

Silang blang langane. Osep ka aitno lisak mter ke elio epmes ina bitna bitna vala ma timete ine. E osep ka Ano Itau plau isak ma tidue mosongon ka itau dong vala dong e ma aitno lisak tidong epen vala.

1 Korin 1:3

Ngawaiki Pmada ka Ida Tapolngon e Ida Puda Yesus Krais timakai umu e tidue aitno lumu epen.

Galesia 1:3

Ida Tapolngon ka Pmada kap Ida Puda Yesus Krais timakai umu e tidue aitno lumu epen.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Galesia 6:16

Ida Tapolngon aitno due osep ka tididi elio langane e iye due aitno lisak tidong epen. Isak Ida Tapolngon ila osep ka osep Israel ina lokono.

Filipai 4:7

Alo ka Ida Tapolngon due aitno lumu dong epen elio are wan ka itau lokono e itosep itakaranga iteile ine kovok. Ida Tapolngon due aitno lumu dong epen e elio ane plau aitno lumu.

Kolosi 1:2

Imosogo pas ane uti ke umu ka Ida Tapolngon ila osep ka umodong ke armok Kolosi. Umu ka sipmi aitno lumu ila dagar dong dagar ke Krais. Ida Tapolngon ka Pmada ila makaingan dong kap umu e due aitno lumu dong epen.

Kolosi 1:20

E Ida Tapolngon Otno Arang due wan ka pula keniye ma tigosok iye tidong aitno lisak kene pulu. Wan ka taklak ina e wan ka omur heven ina. Deka iye songon Krais iye mete ke ina akai e ina marau baser. Ke elio tonari Ida Tapolngon due osep ka pula keniye tidong aitno lisak epen pulu kap iye.

Kolosi 3:15

Krais due aitno lumu epen kap iye. E elio ka aitno lumu epen kap iye nis umu ma umeile omur ke elio bitna bitna ka Krais waiki umodue. Kesua Ida Tapolngon waiki aitno lumu epen pulu e iye waiki elio tonari gom umu e umodong langka umu Krais pampamu ine ka kene vala. E aitno lumu itau ke Ida Tapolngon ine.

2 Tesalonaika 1:2

Ngawaiki Ida Tapol-ngon ka Pmada kap Ida Puda Yesus Krais urok makaingan la ke umu e due aitno lumu epen.

2 Tesalonaika 3:16

Ngawaiki Ida Puda ka due aitno lite epen ma aling aling iye tona due aitno lumu dong epen ke wan bitna bitna keniye. Ngawaiki Ida Puda dong kap umu ka pula keniye.

2 Timoti 1:7

Emile omur Ida Tapolngon tuktuk Ano Itau me dong ke aitno lite. E ila arit due aitno lite ma itoulou tarna lite ke wan bitna bitna kovok. E ila arit due aitno lite ma ite lana ite ke osep leklou e itaplau ite itau.

Hibru 13:20

Ida Puda Yesus plau ite itau langka gute ka plau sipsip plau isak itau. Yesus ina marau due Ida Tapolngon ila kontrak oku ina ka dong vala dong polou lokono. E Ida Tapolngon ka due aitno lite dong epen due Yesus poga tito ke ina denga.

Hibru 7:2

Deka Abraham wade wan bitna bitna ka iye due ke emkil songotno ka eriar e kar emkil kene ke Melkisedek. E Melkisedek angaine lana ine langane. Gute ka plau osep e due elio itau vala. E angaine silang gute ka vri mgo ke omur Salem. E pelengon palma “Salem” lana ine langane. Elio ka osep aitno lisak epen pulu.

Pelengon kukwopngon 1:4

E ngong Jon ngasogo pele-ngon ane uti ke umu ka pula keniye ka umodong ke sios lumorwo ka tidong ke provins Esia. Ida Tapolngon ka oglou iye dong kodong e eknikane iye dong e mase ma iye dong blang makai umu e due aitno lumu dong epen. E ano lumorwo ka dong ke Ida Tapolngon ila kova bitna timakai umu e tidue aitno lumu dong epen blang.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”