Jon 14:26 - Aria New Testament

²⁶ E mase ma Livou pagei Luangan silang ma iye kasip amun ngong e ma iye parere umu ke wan ka pula keniye e sruk aitno lumu ma omtomu sisir lou pelengon.”

Jon 14:26 ပူးပေါင်းရင်းမြစ်များ

Matyu 1:18

Yesus Krais ina divirngen ina basikngen langane. Osep tiwai ma tna Maria e Josep tigi. Tigi dau kovok e osep tiklingen Maria somugu kodong. E Ano Itau due Maria somugu.

Matyu 1:20

E Josep aitno dau mter ine e iye munu kudung ano e Ida Tapolngon ila ensel polou ke iye e wai langane. “Josep wom ka Devit ila napakngan omulou ma emgi Maria kovok. Aurou. Kesua iye somugu batne ke Ano Itau.

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Matyu 3:11

“E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.

Mak 12:36

Ida Tapolngon Ano Itau due Devit aitno deka Devit tona sogo langane. ‘Ngau Tapolngon wai ke Ngau Puda langane. “Om-dong ke lungu odung. La lama ngamole ngap oul keniye deka kevep munu ke isak ma tini wom.”’”

Mak 13:11

Alo ka osep tikis umu dagar ma tiwade lumu pelengon aitno lumu epen ine vala. Aitno lumu kro ke pelengon ka umokoli urok pmingen ine kovok. Alo ari ma umawai pelengon ka Ano Itau kare ke umu. Kesua pelengon tonari Ano Itau ila pelengon e lumu pelengon kovok.

Luk 1:15

Kesua ma iye polou gute ka angaine omba ke Ida Puda bitna. E ma iye inim aki wain koke aki dagar kovok e ma Ano Itau plau iye itau alo ka iye dau dong ke mimi ila armok ke tna pele. E ma Ano Itau dong ke iye aling aling.

Luk 1:35

Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 1:41

E alo ka Elisabet klingen Maria kreine deka mimi toktok ke mimi ila armok ke pele e Ano Itau sep ke Elisabet.

Luk 1:67

E Ano Itau sep ke timla Sekaraia e iye napapra langane.

Luk 11:13

Umu osep ka umodue elio soulu e dau umakar wan itau ke otopmu. Deka Pmomu ka dong ke omur heven ma mole lumu elio tonari e kar Ano Itau ke osep ka tipmi iye ine.”

Luk 2:25

Alo ari gute dong ke Jeru-salem ka angaine Simeon ka dong itau e osuk ke Ida Tapolngon bitna e iye lotuim Ida Tapolngon. E Ano Itau dong ke iye e iye dong para ke alo ka gute ka Ida Tapolngon rere ma iye due elio ka opru osep Israel ina isak yagos iye polou.

Luk 24:49

Umoklingen. Oglou Livou wai promis ma iye pagei Ano Itau duru ke umu e isuk boto ma ngapagei iye ke umu. E umodong ke armok ane la lama umodue Ida Tapolngon ila arit.”

Luk 3:22

E Ano Itau langka belis duru dong ke Yesus e kreine wai ke omur heven langane. “Wom erigu arang ka ngong lana ngong ke wom e aitno lungong itau lokono ke wom.”

Jon 1:33

E dau ngaile ke iye kovok e Ida Tapolngon ka pagei ngong ngapaunim osep ke aki wai ke ngong langane. ‘Alo ka amvati Ano Itau duru dong ke gute kene ma emile iye gute ka paunim osep ke Ano Itau.’

Jon 12:16

E alo ari Yesus ila disaipel tile itau ke wan ka polou ke iye kovok. E mase alo ka Ida Tapolngon due Yesus poga tito ke ina denga e due dong itau lokono kap iye deka aitno lisak mter itau ke Ida Tapolngon ila pelengon tonari lana ine ka la ke Yesus. E amtarsak sisir wan ka osep tidue ke iye.

Jon 14:16

E ma ngapmi Livou e ma iye pagei Luangan silang ke umu e ma iye dong kap umu aling aling.

Jon 14:25

“Ngawai lou pelengon ane ke umu alo ka dau ngadong kap umu.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 2:22

E alo ka iye poga tito ke ina denga ila disaipel amtarsak sisir pelengon ka iye wai ane. E aitno lisak la dagar ke Ida Tapolngon ila pelengon e ke pelengon ka Yesus wai ine.

Jon 20:22

Yesus wai langane yagos deka iye ipu ene omung ine ke isak e wai langane. “Umodue Ano Itau.

Jon 6:45

Oglou osep napaprangan ina tisogo langane. ‘Ma Ida Tapolngon parere osep ka pula keniye.’ Deka langane. Osep ka pula keniye ka tiklingen Livou e tidue ilengen ke iye ma time ke ngong.”

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Aposel 1:2

Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 1:4

Alo ka iye dau dong kap ila aposel oklou gesa tiduni pulu e iye wai ke isak langane. “Oku ane umosongon armok Jerusalem ko-vok. Umodong itau ine e umapara ke Pmada ila promis ka oglou ngapalongo lumu ine. Deka eknik-ane umodong ke Jerusalem e umapara ke Ano Itau.

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 11:16

Elio ane polou deka omtongu sisir Ida Puda ila pelengon ka oglou iye wai langane. ‘Eknikane Jon paunim umu ke aki. Mase ma Ida Tapolngon due Ano Itau dong ke aitno lumu.’

Aposel 13:2

Alo ka tiduni pulu tiwai itau ke Ida Puda e tikakai angaine tito la egim. E silang tipli inarak ngangon kesua tiwaiki aitno lisak la ke Ida Tapolngon vala. Deka ari Ano Itau wai ke isak langane. “Umerere Barnabas e Sol ma tiboko ke bokongon ka ngarere ke isak.”

Aposel 13:4

Ida Tapolngon Ano Itau pagei isak deka tiduru kla e tipolou ke armok Selusia. Deka tidue sip gesa e tisongon Selusia e isak kla ke aidunu Saiprus.

Aposel 15:28

Kesua imi osep e Ano Itau aitno limi kene pulu langane. Ma imakar pelengon ke umu ka opru umu kovok. Aurou. Imakar pelengon ke umu ka lua umu vala.

Aposel 15:8

Ari Ida Tapolngon ile osep ka pula keniye aitno lisak e iye kar Ano Itau ke isak eriar langka oglou iye kar iye ke ite. Elio ka iye kar Ano Itau ke isak keniye nis ite aitno itau ke isak.

Aposel 16:6

Pol gosok sisrok tilila ke omur Frigia e omur Galesia e ari tinapapra Ida Tapolngon ila pelengon ke provins Esia kovok. Kesua Ida Tapolngon Ano Itau dangdang isak ine.

Aposel 2:33

Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

Aposel 2:4

Deka Ano Itau duru sep ke isak kensak kensak e due aitno lisak e tiwai pelengon bitna bitna ka oglou tile ine kovok.

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Aposel 20:35

Lou bokongon keniye nis umu langka itoboko dagar itakaranga itolua osep ka tikaranga tilua isak tona kovok. Omtomu sisir Ida Puda Yesus wai langane. ‘Langka osep tikar ite wan aitno lite neser isuk boto ine. E langka itosoro wan ke osep e batne kovok aitno lite neser omba ine.’”

Aposel 28:25

Osep ka tiduni pulu ari tipara pulu pelengon ke isak deka tinogrum kla. Deka Pol tito wai ke isak aling kene blang langane. “Osep umoklingen. Oglou Ano Itau wai lokono ke gute Aisaia e iye wai ke udo seia ke urok elio.

Aposel 5:3

Deka Pita wai langane. “Ananaias ina lange Satan due aitno lugom deka amwaiki amyak Ano Itau ke mani ane? Ina lange omtuk taklak ina mani leklou deka embisi ine?

Aposel 7:51

Stiven dau wai ke osep Yuda ina langane. “Talapmu klingen pelengon tonari kovok. Aurou. Aitno lumu dagar lokono ke umu tona vala. Lumu elio soulu eriar langka lumu seia urok elio soulu kesua talapmu klingen Ano Itau ila pelengon kovok.

Aposel 7:55

E Ano Itau due Stiven aitno deka bitna tito nekek ke omur ka egim deka iye vati Ida Tapolngon ila bublongon e Yesus vri ke Ida Tapolngon limla odung.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 15:16

Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

1 Korin 12:3

Deka ngawaiki ma aitno lumu la ke pelengon kene langane. Langka Ida Tapolngon Ano Itau dong ke gute gesa aitno gute tonari karanga wai pelengon soulu ke Yesus kovok. E gute ka Ida Tapolngon Ano Itau dong ke iye kovok karanga wai langane kovok. “Yesus iye Ngau Puda.”

1 Korin 6:19

Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok.

2 Korin 6:6

E Ano Itau lua imi ke limem bokongon deka imodue elio isuk isuk ka itau vala e imedidi ilengen itau. E aitno limi epen e imodue mada ke osep e imi lana imi ke osep e imayak ine kovok.

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Efesus 1:17

Ngapmi Pmada ka Ida Puda Yesus Krais Ina Tapolngon ka ila bublongon e ila arit ombatno lokono ma iye due Ano Itau ma lua umu ma aitno lumu mter itau ke ila elio itau. Ma Ano Itau nis umu ke Ida Tapolngon ila elio itau ma umeile omur ke iye.

Efesus 4:30

Umodue elio soulu ka due Ida Tapolngon Ano Itau kro ine kovok. Kesua Ida Tapolngon due Ano Itau sep ke aitno lumu deka iye rere umu ila osep umu. E Ano Itau ka dong ke aitno lumu iye nisngen umu Yesus ila osep. Deka mase ma Ida Tapolngon due umu ka Ano Itau dong ke aitno lumu ma lumu elio epmes ina munu pes umu kovok e umodong kap iye.

1 Tesalonaika 4:8

E gute ka pli pelengon ane iye langka pli osep urok pelengon vala kovok. Aurou. Iye pli Ida Tapolngon ka kar Ano Itau ke ite ila pelengon.

2 Timoti 1:14

Ida Tapolngon rere wom ma amnapapra ila omon itau ke osep deka wom amplau omon tonari itau. Ano Itau ka dong ke aitno lite ma lua wom ine blang.

Taitus 3:5

Deka iye lua ite ke udo elio epmes ina. E aitno mter ke elio itau ka itodue e iye lua ite ke udo elio epmes ina kovok. Aurou. Iye tona aitno due ite deka iye lua ite ke udo elio epmes ina. Iye langka ris ite deka itopolou langka mimi edimor. Deka Ano Itau kar ite udo mosongon ka oku ina.

Hibru 10:15

E Ano Itau wai ine blang langane.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.

Hibru 3:7

E Ano Itau wai langane. “Eknikane umoklingen Upu Tapolngon ila pele-ngon.

Hibru 9:8

Ke wan ane Ano Itau nis ite langane. Alo ka Ida Tapolngon ila ninu molo ina dau dong osep tikaranga tisep ke Eliang Ka Itau Lokono kovok.

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

2 Pita 1:21

Kesua osep napaprangan ina tididi aitno lisak deka tisogo pelengon kovok. Aurou. Ano Itau due aitno lisak deka tiwai Ida Tapolngon ila pelengon.

1 Jon 2:20

E Ida Tapolngon due Ano Itau sep ke aitno lumu kodong e umu keniye umeile pelengon ka lokono.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

1 Jon 5:7

Ano Itau ka iye pelengon lokono batne palongo udo elio ane lokono.

Pas ka Jut sogoe 1:20

Sipmi. Aitno lumu la dagar ke Ida Tapolngon kodong e ngawaiki aitno lumu ila dagar res polou dagar lokono. E Ano Itau dong ke aitno lumu e ngawaiki umawai itau ke Ida Tapolngon ke Ano Itau ila arit.

Pelengon kukwopngon 2:11

“Deka gute ka tala ma iye klingen pelengon ka Ano Itau wai ine ke sios. Langka gute mole elio soulu deka metengen orwo ina karanga due agegeng ke iye kovok.”