Jon 14:2 - Aria New Testament

² Eliang pula tidong ke Livou ila ninu ke omur heven. E ngala are ma ngakere omur ka ma umodong ine. Langka langane kovok ma ngakaranga ngapalongo lumu ine kovok.

Jon 14:2 ပူးပေါင်းရင်းမြစ်များ

Luk 14:22

Gute bokongon ina didi ila pelengon kodong deka wai ke iye langane. ‘Ngau puda ngadue wan ka amwai ine e dau ninu bon kovok.’

Jon 13:33

Umu ka langka dirgu ma ngadong kap umu dau isuk boto vala. Ma umekrim ke ngong e langka ngawai ke osep Yuda ina ngawai ke umu blang langane. Umakaranga umomo ke omur ka ngala ine kovok.

Jon 13:36

Deka Saimon Pita pmi iye langane. “Ngau Puda ma amla ge?” E Yesus koli wai langane. “Amkaranga emdidi ngong ke omur ka ngala ine oku ane kovok. E mase ma emdidi ngong e ompolou ke omur tonari.”

Jon 14:28

Oglou umoklingen ngawai ke umu langane. Ngasongon umu e ngala e mase ma ngaiding ke umu. Langka umu lana umu ke ngong aitno lumu neser kesua ngala ke Livou. E Livou mole ngong.

Jon 16:4

E oku ane ngawai pelengon ane ke umu ma alo ka elio tonari polou omtomu karanga sisir lou pelengon ka la ke isak.” “Oglou alo ka nganogrum lou bokongon ngawai pelengon ane ke umu kovok kesua ngadong kap umu.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Aposel 9:16

Ma nganis iye ke elio soulu pula ka mase iye ma namani kesua batne iye due lou bokongon.”

2 Korin 5:1

Iteile pampamu lite langka ninu molo ina. Langka ninu tonari polou yagos Ida Tapolngon ma kere ninu oku ina ke ite ka osep tiurie kovok. Ninu oku ina tonari dong vala dong ke omur heven.

1 Tesalonaika 5:9

Ida Tapolngon rere ite ma itanamani aitno ila engil kovok. Iye rere ite ma Ida Puda Yesus Krais lua ite ke udo elio epmes ina.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

Hibru 11:10

Alo ari Abraham dong e para ke mase alo ka iye dong ke armok ka Ida Tapolngon urie ke omur heven ka dong vala dong.

Hibru 13:14

E iteile omur langane. Ke taklak ane udo armok dong ka dong vala dong kovok e itapara ke armok ka mase ma polou.

Hibru 6:20

Oglou Yesus mgo ke ite e sep ke eliang tonari deka loulou ke ite. Iye polou gute loulou ina ka mgo ka dong vala dong eriar langka Melkisedek.

Hibru 9:8

Ke wan ane Ano Itau nis ite langane. Alo ka Ida Tapolngon ila ninu molo ina dau dong osep tikaranga tisep ke Eliang Ka Itau Lokono kovok.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.

Pelengon kukwopngon 21:2

Deka ngavati Ida Tapolngon ila armok ka Jerusalem oku ina ka itau lokono songon omur heven e duru me ke taklak. Armok tonari iye langka apmang ka kere ina baresngen bitna bitna ma iye la gi ila boget.

Pelengon kukwopngon 3:12

“Ngakaranga ngadue gute ka mole elio soulu vri dagar langka kadanga ka due Ngau Tapolngon ila ninu dong dagar. E ma iye songon Ina Tapolngon ila ninu kovok. Ma ngasogo Ngau Tapolngon angaine ke iye e ma ngasogo ila armok angaine ka Jerusalem oku ina ke iye blang. Armok tonari me ke Ngau Tapolngon e songon omur heven e duru me ke taklak. E ngasogo angain ngong oku ke iye blang.

Pelengon kukwopngon 3:21

“Ma ngasongon gute ka mole elio soulu ma iye dong kap ngong ke lou kova langka oglou ngamole elio soulu e ngadong kap livou ke ila kova.