Jon 14:17 - Aria New Testament

¹⁷ Luangan tonari Ida Tapolngon Ano Itau ka wai pelengon lokono vala. E osep taklak ina tikaranga tidue kovok kesua tivati iye kovok e tile iye kovok. E umeile iye kesua iye dong kap umu e ma iye dong ke aitno lumu blang.”

Jon 14:17 ပူးပေါင်းရင်းမြစ်များ

Matyu 10:20

E Pmomu Ano iye gute ka kar pelengon ke umu ka ma umawai e lokono umu tona umawai ine kovok.”

Jon 14:16

E ma ngapmi Livou e ma iye pagei Luangan silang ke umu e ma iye dong kap umu aling aling.

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 16:13

E alo ka Ano Itau ka wai pelengon lokono me ma iye due aitno lumu ma umakaranga umeile pelengon lokono keniye. Iye karanga due langane kesua iye didi aitno e wai pelengon kovok. Aurou. Iye klingen Livou ila pelengon deka wai ke umu ine e ma palongo lumu ke wan ka mase ma polou.

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

1 Korin 14:15

Deka ma ngadue sua? Ma ngawai itau ke anngong e ngawai itau ke aitno lungong blang. E ma ngadue sakul ke anngong e ngadue sakul ke aitno lungong blang.

1 Korin 2:14

Langka Ano Itau dong ke gute gesa aitno kovok iye karanga due kerengen ke Ida Tapolngon Ano Itau kovok. Kesua aitno mter langka kerengen tonari wan adai vala. Itodue kerengen ke Ida Tapolngon Ano Itau. Deka osep ka Ano Itau dong ke aitno lisak isak vala tikaranga tiwade e tile Ida Tapolngon ila kerengen.

1 Korin 3:16

Umeile umu Ida Tapolngon ila ninu e Ano Itau dong ke aitno lumu kovok? Aurou. Umeile ine.

1 Korin 6:19

Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok.

2 Korin 13:5

Umawade umu itau ke aitno lumu ila dagar. Langka aitno lumu ila dagar dau dong dagar koke aurou. Umeneklep ke Yesus Krais kodong deka iye dong ke aitno lumu. Langka iye dong ke aitno lumu kovok umu ila osep kovok.

2 Korin 6:16

Koke Ida Tapolngon ila ninu e sapingen tikaranga tidong pulu? Kesua ite keniye langka Ida Tapolngon ila ninu. Ila pelengon wai langane. “Ma ngadong kap isak e ngalila kap isak. E ma ngadong Inarak Tapolngon e ma tidong lou osep.”

Galesia 4:6

Eknikane umodong Ida Tapolngon titno. E Ida Tapolngon pagei Otno Arang Ano Itau me dong ke aitno lite deka Ano Itau due ite ma itegi langane. “Abo. Livou.”

Efesus 2:22

E umeneklep ke Krais kodong. Deka umogosok Yesus ila osep keniye umopolou Ida Tapolngon ila ninu ka itau. E Ida Tapolngon Ano Itau dong ine.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

2 Timoti 1:14

Ida Tapolngon rere wom ma amnapapra ila omon itau ke osep deka wom amplau omon tonari itau. Ano Itau ka dong ke aitno lite ma lua wom ine blang.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

1 Jon 3:24

Osep ka pula keniye ka tini ke ila pelengon tidong kap iye e iye dong ke aitno lisak. E iye kar Ano Itau ke ite ma iteile omur iye dong ke aitno lite.

1 Jon 4:4

Lou mimi daudeng. Umu Ida Tapolngon ila osep e umomole osep napaprangan yakngan ina kodong. Kesua Ano Itau ka dong ke aitno lumu mole ano ka dong ke osep ka taklak ina.

1 Jon 4:6

E ite Ida Tapolngon ila osep ite. Gute ka ile Ida Tapolngon ma klingen udo pelengon e gute ka ile Ida Tapolngon kovok ma klingen udo pelengon kovok. Ke batne langane itakaranga iteile omur ke osep ka tididi Ano Itau ila pelengon e osep ka tididi osep napaprangan yakngan ina urok pelengon.

1 Jon 5:7

Ano Itau ka iye pelengon lokono batne palongo udo elio ane lokono.

Pelengon kukwopngon 2:17

“Deka gute ka tala ma iye klingen pelengon ka Ano Itau wai ine ke sios. Gute ka mole elio soulu ma ngakar iye ngangon mana ka dong kukwop. E silang ma ngakar iye opmu ka okou ka ngasogo angaine oku ina ine. E gute silang karanga ile angaine tonari kovok. Gute ka due opmu vala ile ine.”