Jon 14:13 - Aria New Testament

¹³ E wan ka umepmi Ida Tapolngon ine batne ke ngong ma ngadue ma Ida Tapolngon Otno Arang nis osep ke Timla ila elio ka itau lokono.

Jon 14:13 ပူးပေါင်းရင်းမြစ်များ

Matyu 21:22

Langka aitno lumu dagar ke Ida Tapolngon alo ka umawai itau ke iye ma umodue wan ka umepmi iye ine.”

Matyu 7:7

“Umepmi Ida Tapolngon ke wan e ma iye kare ke umu. Umekrim ke wan e ma umapadoe. Lupmu tinopolpol ke ekreng bitna e ma Ida Tapolngon kloke ke umu.

Mak 11:24

“E ngawai ke umu langane. Langka umawai itau ke Ida Tapolngon e aitno lumu dagar ma iye lua umu ke elio ka umepmi iye ine ma iye lua umu ine.

Luk 11:9

E ngawai ke umu langane. Langka umepmi Ida Tapolngon ke wan ma iye kare ke umu e langka umekrim ke wan ma umapadoe e langka lupmu nopolpol ke ekreng bitna ma Ida Tapolngon kloke ma umakaranga umesep ke ninu.

Jon 10:30

Ngong e Livou imi eriar vala.”

Jon 12:44

Deka Yesus daiku langane. “Langka gute aitno dagar ke ngong deka aitno dagar ke ngong vala kovok. Aurou. Aitno dagar ke Ida Tapolngon ka pagei ngong ngame blang.

Jon 13:31

Alo ka Judas songon ninu kodong Yesus wai langane. “Taim polou ma ngong ka Gute Ka Polou Langka Osep lou arit e lou elio itau lokono ma polou malak ke osep amtarsak. E ma osep tidue anit ke Ida Tapolngon batne ke Gute Ka Polou Langka Osep.

Jon 14:14

Langka umepmi Ida Tapolngon ke wan batne ke ngong ma ngadue.”

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 15:16

“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 15:7

“Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

Jon 16:23

Ke oklou are ma umepmi ngong ke wan gesa kovok. Ngawai lokono ke umu langane. Langka umepmi Livou ke wan gesa batne ke ngong ma iye kare ke umu.

Jon 16:26

Ke alo ari ma umepmi Livou ke wan gesa batne ke ngong. E ngawai ma ngapmi iye ine blang kovok. Aurou.

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 4:10

E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Jon 4:14

E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 5:19

E Yesus wai ke isak langane. “Ngawai lokono ke umu langane. Ngong ka Ida Tapolngon Otno Arang ngakaranga ngadue wan ka didi aitno lungong vala kovok. Aurou. Ngakaranga ngadue wan ka ngavati Livou due vala kesua wan gesa ka Livou due io ngong ka Otno Arang ngadue langane blang.

Jon 7:37

Oklou ka rogo omba yagos ine iye oklou omba ke rogo tonari. E Yesus vri e wai omba langane. “Langka aki vel gute ma iye me ke ngong e inim.

1 Korin 14:13

E gute ka wai tokples gesa ka osep tile ine kovok ma iye pmi Ida Tapolngon ma iye lua iye ma iye karanga bauluk tokples tonari.

Efesus 2:18

Deka imi osep Yuda ina e umu ka osep Yuda ina kovok ite keniye itodong ke Krais ila osua ka kene vala. E Ano Itau dong ke ite keniye aitno lite langka ekreng gesa ma itakaranga itawai itau ke Pmada e itakakai angaine tito ine.

Efesus 3:12

Iteneklep ke Krais kesua aitno lite dagar ke iye. Deka itakaranga itawai itau ke Ida Tapolngon e itoulou tarna lite ine kovok. E iteile omur iye klingen udo pelengon kesua batne aitno lite dagar ke Krais.

Efesus 3:14

E langane. Ida Tapolngon due elio itau lokono tipolou ke umu. Deka ke batne langane ngagrum kongu buno duru ke taklak e ngawai itau ke Pmada ine.

Filipai 4:13

Krais lua ngong ke ila arit deka ngakaranga ngadong itau ke elio bitna bitna ka tipolou ke ngong.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.

Hibru 13:15

Deka aling aling itakakai Ida Tapolngon angaine tito la egim. Ane langka itodue elio opmu ina alo ka itapalongo osep ke Yesus.

Hibru 4:15

Yesus udo gute loulou ina ka mgo e iye ile omur ke elio isuk isuk ka itakaranga itodue kovok. Alo ka Satan tok ite Yesus ile omur ke elio langane kesua oglou Satan tok iye eriar langka iye tok ite. Satan tok iye e dau iye due elio epmes ina kovok.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

Jems 1:5

E dau langka gute gesa ke umu karanga ile itau ke wan kene kovok ma iye pmi Ida Tapolngon ine e Ida Tapolngon ma kar ilengen ke gute tonari. Aling aling Ida Tapolngon kar ilengen omba ke osep ka tipmi iye ine e aitno soulu ke pmingen tonari kovok.

Jems 5:16

E umawai malak pulu ke lumu elio epmes ina e umawai itau ke Ida Tapolngon ke lumu saten. Umodue langane deka Ida Tapolngon ma lua umu e due umu ka umapaia umopolou itau blang. Langka gute gesa ka dong itau e osuk ke Ida Tapolngon bitna wai itau ma Ida Tapolngon koli ila pmingen e lua iye ke wan ka iye pmi ine.

1 Pita 2:5

Umu blang umodong langka opmu ka urok mosongon dong ke isak ka Ida Tapolngon Ano Itau uri ila ninu ine. E umopolou osep loulou ina ka itau lokono e ke Yesus Krais angaine langka umodue elio opmu ina ke umu kenmu kenmu. Deka ma Ida Tapolngon aitno itau ine.

1 Jon 3:22

E langka itepmi Ida Tapolngon ke wan bitna bitna deka iye koli udo pmingen. Iye due langane kesua iteini ke ila pelengon e itodue elio isuk isuk ka aitno itau ine.

1 Jon 5:14

E iteile omur langane. Alo ka itepmi Ida Tapolngon ke wan ka didi aitno ma iye kare ke ite.