Jon 14:12 - Aria New Testament

¹² “Ngawai lokono ke umu langane. Gute ka aitno dagar ke ngong ma due elio arit ina langka ngadue e silang blang ma iye due elio bitna bitna ka mole elio ka ngadue kesua ngala ngadong kap Livou.

Jon 14:12 ပူးပေါင်းရင်းမြစ်များ

Matyu 21:21

E Yesus koli wai langane. “Ngawai ke umu lokono. Langka aitno lumu dagar ke Ida Tapolngon e aitno lumu orwo ke iye kovok umakaranga umodue elio ka ngadue ke akai fik ane vala kovok. Aurou. Umakaranga umawai ke gigri ma iye tito e la ke misuon e ma gigri didi lumu pelengon.

Mak 11:13

Deka iye vati akai fik vri ka ila elilo pula tidong. Deka iye la ma iye vati langka otna dong ine koke aurou. Iye polou ine deka vati otna dong kovok e elilo vala tidong. Kesua lana ka fik usu dau polou kovok.

Mak 16:17

E osep ka aitno lisak me dagar ke ngong ma tidue elio arit ina ka nisngen ke osep amtarsak langane. Ma tisapir angelo soulu ka tidong ke osep batne ke ngong. E ma tiwai ke tokples oku ina ka oglou tile ine kovok batne ke ngong.

Jon 14:28

Oglou umoklingen ngawai ke umu langane. Ngasongon umu e ngala e mase ma ngaiding ke umu. Langka umu lana umu ke ngong aitno lumu neser kesua ngala ke Livou. E Livou mole ngong.

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 4:37

E ke elio ane pelengon ka wai langane polou lokono. ‘Gute kene usak wan e gute silang pi wan tonari.’

Jon 5:20

Kesua Livou lana iye ke ngong ka Otno Arang e nis ngong ke wan ka pula keniye ka iye due. E ma umedigrik kesua iye ma nis ngong ke wan ka mole elio ane.

Jon 7:33

Deka Yesus wai ke osep langane. “Ma ngadong kap umu sasi boto vala deka ngaiding ke gute ka pagei ngong ngame.

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Aposel 10:46

Tidigrik ine kesua tiklingen isak tiwai pelengon bitna bitna e tikakai Ida Tapolngon angaine tito la egim lokono. Deka Pita napapra ke isak langane.

Aposel 16:18

Oklou pula apmang ane due elio langane la lama oklou gesa Pol aitno soulu lokono ine. Deka iye bauluk e wai dagar ke angelo soulu ka dong ke apmang tonari langane. “Yesus Krais ila arit due wom deka omsongon apmang ane e amla.” Pol wai langane deka lokono angelo soulu songon apmang tonari e la.

Aposel 19:12

E osep pula tidue urok hankisip e molo daudeng tikai Pol tarna deka tikalke ke osep ka tipaia e ke osep ka angelo soulu dong ke aitno lisak. Deka hankisip e molo daudeng due osep ka tipaia inarak paiangan yagos e angelo soulu tisongon osep kla.

Aposel 2:33

Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

Aposel 2:41

Pita napapra ke isak yagos deka osep pula langka inarak sasa 3,000 aitno lisak la dagar ke ila pelengon. Deka tineklep ke osep ka oglou aitno lisak la dagar ke Yesus kodong. Deka osep aposel tipaunim isak.

Aposel 4:16

“Eknikane itodue sua ke osep orwo ane? Tidue elio arit ina gesa e itakaranga itebisi ine kovok. Aurou. Osep Jerusalem ina ka pula keniye tile ine kodong deka ma itousine?

Aposel 4:33

Deka osep aposel urok pelengon ila arit omba. E tipalongo osep pula ke elio ka Ida Puda Yesus mole ina metengen deka poga tito ke ina denga. Alo ari Ida Tapolngon due elio itau ke isak.

Aposel 4:4

E osep epmes ina pula tiklingen Pita orwo Jon urok pelengon deka aitno lisak la dagar ke Yesus. E ari osep ka aitno lisak dagar ke Yesus inarak sasa tires tipolou 5,000.

Aposel 5:15

Osep pula tivati osep aposel tidue elio arit ina pula deka tikakluk osep ka tipaia ke ekreng galna ka Pita la didie. E osep ka tipaia timunu ke urok kova e urok omoi ke ekreng galna. Timunu ine kesua aitno lisak mter langka Pita polou ke isak e kai isak koke ano klou isak vala ma inarak paiangan polou yagos.

Aposel 6:7

Alo ari Ida Tapolngon ila pelengon pakes lila e osep pula ka tidong ke Jerusalem aitno lisak la dagar ke Yesus. Deka osep ka aitno lisak dagar ke Yesus tires tipolou pula. E silang osep loulou ina pula aitno lisak la dagar ke Yesus.

Aposel 8:7

Ari iye sapir angelo soulu ke osep pula e angelo soulu tonari tidaiku alo ka tisongon osep ka tidue isak manga manga. Silang iye lua osep pula ka kamsak soulu e kamsak timete deka tipolou itau blang.

Aposel 9:34

Deka Pita wai ke iye langane. “Ainas Yesus Krais lua wom e due kevep tipolou itau blang e oku ane emtito emkere lem kova.” Iye wai langane deka lokono Ainias tito vri.

Aposel 9:40

Deka Pita wai ke isak langane. “Umala ke dogur.” Deka tisongon eliang tonari. Pita dau dong ine kap Dorkas pampamu ine deka iye grum kamla e manik duru e wai itau ke Ida Tapolngon. Deka bitna la ke apmang ka mete kodong e iye wai langane. “Tabita emtipa.” Deka Tabita bitna pal e iye vati Pita deka tipa e dong.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.