Jon 14:10 - Aria New Testament

¹⁰ Aitno lugom lange? Aitno lugom dagar ke elio ka ngadong kap Livou e Livou dong kap ngong koke aurou? Ngadidi aitno lungong e ngawai pelengon ke umu kovok. Aurou. Livou ka dong kap ngong didi aitno e due wan ka iye waiki due.

Jon 14:10 ပူးပေါင်းရင်းမြစ်များ

Jon 10:30

Ngong e Livou imi eriar vala.”

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 11:26

E gute ka dong e aitno dagar ke ngong ma iye mete kovok. Aitno lugom dagar ke lou pelengon ane?”

Jon 12:49

Ngadidi aitno lungong e ngawai kovok. Aurou. Livou ka pagei ngong ngame wai dagar ke ngong ke pelengon ka ma ngawai ine.

Jon 14:11

Aitno lumu dagar ke pelengon ane. Ngadong kap Livou e iye dong kap ngong. E langka aitno lumu dagar ke lou pelengon ane kovok io aitno lumu dagar ke elio bitna bitna ka ngadue.”

Jon 14:20

E alo ka elio tonari polou ma umeile ngadong kap Livou e umodong kap ngong e ngadong kap umu.

Jon 14:24

E gute ka iye lana iye ke ngong kovok iye ini lou pelengon kovok. E pelengon ka ngawai iye lou pelengon vala kovok. Aurou. Pelengon ane Livou ka pagei ngong ngame ila pelengon.”

Jon 17:8

Kesua ngakar isak pelengon ka amkare ke ngong e aitno lisak la dagar ine e tile lokono langane. Oglou ngadong kap wom e ngame. E aitno lisak dagar langane. Ampagei ngong ngame ke taklak ane.”

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 5:17

Deka Yesus wai ke isak langane. “Aling aling Livou due elio langane e ngong blang ngadue langane.”

Jon 5:19

E Yesus wai ke isak langane. “Ngawai lokono ke umu langane. Ngong ka Ida Tapolngon Otno Arang ngakaranga ngadue wan ka didi aitno lungong vala kovok. Aurou. Ngakaranga ngadue wan ka ngavati Livou due vala kesua wan gesa ka Livou due io ngong ka Otno Arang ngadue langane blang.

Jon 7:16

E Yesus koli wai ke isak langane. “Lou parerengen me ke ngong kovok e me ke gute ka pagei ngong ngame.

Jon 8:28

E Yesus wai ke isak langane. “Alo ka umakakai ngong ka Gute Ka Polou Langka Osep ke ngau akai ma umeile ngong Gute Ka Ngadong Kodong e ma umeile ngadidi aitno lungong e ngadue elio bitna bitna kovok. Aurou. Ngawai pelengon ka Livou nis ngong ine vala.

Jon 8:38

Ngawai ke wan ka Livou nis ngong ine e umodue wan ka umoklingen ke pmomu.”

Jon 8:40

E oku ane ngawai pelengon lokono ke umu ka ngaklingen ke Ida Tapolngon e umawaiki umodue burwa ke ngong. E Abraham ila elio langane kovok.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

2 Korin 5:19

Ane langka ke Krais Ida Tapolngon due osep ka pula keniye aitno lisak kene kap iye e urok elio soulu vri ke isak kovok. E iye kar bokongon ke ite ka itanapapra omon itau ma itodue osep aitno lisak tipolou kene kap iye.

Kolosi 1:19

Ida Tapolngon didi aitno deka due ila elio bitna bitna keniye dong ke Otno Arang. Deka Ida Tapolngon ila elio keniye bon ke iye.

Kolosi 2:9

Umeile oglou Krais polou langka itosep e Ida Tapolngon ila elio keniye dong ke Krais e isak orwo eriar.

1 Jon 5:7

Ano Itau ka iye pelengon lokono batne palongo udo elio ane lokono.