Jon 14:1 - Aria New Testament

¹ “Aitno lumu kro omba sakam. Ma aitno lumu dagar ke Ida Tapolngon e aitno lumu dagar ke ngong blang.

Jon 14:1 ပူးပေါင်းရင်းမြစ်များ

Jon 11:33

Alo ka Yesus vati iye kngis e osep Yuda ina ka time kap iye tikngis blang aitno kro lokono e iye waiki kngis blang.

Jon 12:27

Deka Yesus wai langane. “Aitno lungong kro lokono e ma ngawai lange ine? Ma ngawai langane? Livou omsongon tokngon polou ke ngong kovok. Aurou. Kesua ngame ma nganamani tokngon ane.

Jon 12:44

Deka Yesus daiku langane. “Langka gute aitno dagar ke ngong deka aitno dagar ke ngong vala kovok. Aurou. Aitno dagar ke Ida Tapolngon ka pagei ngong ngame blang.

Jon 13:19

Ngawai ine ke umu oku ane mgo ke alo ka elio tonari polou ma alo ka elio polou aitno lumu dagar ngong Gute Ka Ngadong Kodong.

Jon 16:24

Oglou me iding ke oku ane umepmi Ida Tapolngon ke wan gesa batne ke ngong kovok. E oku ane umepmi Ida Tapolngon ke wan gesa e ma umodue wan tonari ma lumu ketirngen pula lokono.”

Jon 16:3

E ma tidue langane batne langane. Oglou tile Livou kovok e tile ngong kovok blang.

Jon 16:6

E aitno lumu soulu lokono kesua ngawai langane ke umu.

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

2 Korin 2:7

E silang oku ane ma umasak ila elio epmes ina e umodue mada ke iye. Lama aitno kro lokono ke ila elio e iye karanga ine kovok.

Efesus 1:15

E langane. Ngaklingen ko-dong ke elio ka aitno lumu ila dagar la ke Ida Puda Yesus e ke elio ka umu lana umu ke Ida Tapolngon ila osep keniye.

2 Tesalonaika 2:2

Langka osep leklou tiwai Ida Puda ila oklou polou kodong aitno lumu la ke urok pelengon kovok. E anmu nesik sakam. Langka tiwai Ano Itau nis isak ine aitno lumu la ine kovok. Koke tiwai langka imawai ine koke imosogo pas ine aitno lumu la ine kovok.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.