Jon 13:13 - Aria New Testament

¹³ Umesir ngong lumu gute parerengen ina e Upu Puda e umawai lokono alo ka umawai pelengon tonari kesua ngong lumu gute parerengen ina e Upu Puda.

Jon 13:13 ပူးပေါင်းရင်းမြစ်များ

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Luk 10:28

E Yesus wai ke iye langane. “Amwai lokono. Oku ane emdidi elio are e ma omdue lem mosongon ka dong vala dong.”

Luk 6:46

“Umawai ke ngong langane. ‘Puda Puda.’ E dau umedidi lou pelengon kovok.

Luk 7:43

E Saimon koli wai langane. “Aitno lungong mter iye gute ka ila aglunga 500 kina e gute tonari sake.” E Yesus wai langane. “Amwai osuk ke elio ane.”

Jon 11:2

E Maria tonari apmang ka baser wan ka amna itau ke Ida Puda kamla e sake ke apna elilo. E ina tovro Lasarus gute ka paia.

Jon 11:28

Marta wai langane yagos deka iye iding ke ninu e gi lutno e nekeskes ke iye langane. “Gute parerengen ina me kodong e waiki wai ke wom.”

Jon 11:3

Deka apmang orwo tonari tivai omon ke Yesus langane. “Ipem Puda gute ka wom lana wom ke iye paia.”

1 Korin 12:3

Deka ngawaiki ma aitno lumu la ke pelengon kene langane. Langka Ida Tapolngon Ano Itau dong ke gute gesa aitno gute tonari karanga wai pelengon soulu ke Yesus kovok. E gute ka Ida Tapolngon Ano Itau dong ke iye kovok karanga wai langane kovok. “Yesus iye Ngau Puda.”

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

Efesus 6:9

Umu ka osep leklou inarak plaungan umodue elio itau ke osep ka tidue lumu bokongon eriar langka tidue elio itau ke umu. Umeiluk isak soulu sakam lama tilim ke umu. Kesua umu ka osep leklou inarak plaungan e umu ka umodue upu gute ila bokongon Upu Puda ka dong ke omur heven iye kene. E iye didi elio kene deka wade osep keniye urok elio ine.

Filipai 2:11

E ma tipalongo urok malak langane. Yesus Krais iye osep Inarak Puda. E elio langane kakai Ida Tapolngon ka Pmada angaine tito la egim.

Filipai 3:8

E silang blang langane. Aitno lungong mter wan ka pula keniye ka oglou ngadue isak yagos la kodong. E elio ka ngaile Krais Yesus iye Ngau Puda are wan ka omba e mole wan ka pula keniye. Deka aitno lungong mter elio ka oglou ngadue isak wan adai e langka tokonkon. Kesua ngawaiki ma ngadong kap Krais.

Jems 2:19

Umeile Ida Tapolngon iye kene vala e are itau. Angelo soulu blang tile langane deka tilim e tinakarkar ke iye e dau ilengen tonari lua isak kovok.