Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jon 13:1 - Aria New Testament

1 Rogo omba ka lana ine la ke alo ka Ida Tapolngon lua osep Yuda ina tisongon omur Isip polou dau kovok. E Yesus ile isuk boto ma iye songon taklak e la ke Timla. Iye lana iye ke ila osep ka tidong ke taklak e iye lana iye ke isak la lama alo ka iye mete.

အခန်းကိုကြည့်ပါ။ ကော်ပီ




Jon 13:1
44 ပူးပေါင်းရင်းမြစ်များ  

Deka iye polou ke ila disaipel e wai ke isak langane. “Umu dau umomtong e umomunu kudung i? Umoklingen. Taim ka gute lai Gute Ka Polou Langka Osep ke osep epmes ina polou kodong.


E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”


Oklou kene kene ngadong ke omur ka lelei Ida Tapolngon ila ninu e umekis ngong kovok. E oku ane lumu taim e Satan ka plau osep ka tidong ke aivoro kar arit ke umu ma umodue lumu elio.”


Taim ka Ida Tapolngon waiki due Yesus tito ke omur heven isuk boto polou deka aitno mter dagar ke elio ka iye la ke Jerusalem.


Alo ari rogo omba ka lana ine la ke alo ka Ida Tapolngon lua osep Yuda ina tisongon omur Isip isuk boto polou. E osep pula tisongon urok armok armok e isak kla ke Jerusalem ma tididi apu ka due aitno lisak itau ke Ida Tapolngon bitna mgo ke rogo omba.


E Yesus koli wai ke isak langane. “Taim ka Ida Tapolngon nis osep ke Gute Ka Polou Langka Osep ila elio itau lokono polou kodong.


E Judas plau karoro ka urok mani dong ine e ke batne langane isak leklou aitno lisak mter Yesus wai ma iye la kli urok rogo omba ina wan koke ma iye la kar mani leklou ke osep ka urok wan isuk boto vala.


E Yesus ile Timla kar arit ke iye ma iye plau wan ka pula keniye e silang iye ile iye me ke Ida Tapolngon e ma iye iding ke Ida Tapolngon.


Ngakar pelengon dagar oku ina ke umu langane. Ma umu lana umu pulu. Eriar langka ngong lana ngong ke umu io umu lana umu pulu.


Oglou umoklingen ngawai ke umu langane. Ngasongon umu e ngala e mase ma ngaiding ke umu. Langka umu lana umu ke ngong aitno lumu neser kesua ngala ke Livou. E Livou mole ngong.


E ngadidi Livou aitno e ngadue wan ka iye waiki ngadue ma osep ka taklak ina tile ngong lana ngong ke Livou. Io umetito e itosongon omur ane.”


Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”


Yesus wai pelengon tonari yagos deka bitna tito ke omur heven e iye wai langane. “Livou lou taim polou kodong. E oku ane emnis osep ke lou elio ka itau lokono e lou arit ka omba ma ngakaranga nganis osep ke lem elio ka itau lokono e lem arit ka omba blang.


Taklak ane urok omur kovok eriar langka taklak ane lou omur kovok.


Ngapalongo urok ke wom kodong e ma ngapalongo urok ke wom blang ma elio ka wom lana wom ke ngong dong ke isak e ngadong kap isak blang.”


Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”


E Yesus ile wan ka pula keniye ka ma tipolou ke iye e la ke isak e wai ke isak langane. “Umekrim gute sei?”


E Yesus mana ke ina akai e ile wan ka pula keniye ka Ida Tapolngon waiki iye due isak yagos kodong. E ma Ida Tapolngon ila pelengon ka oglou gute napapra-ngan ina gesa sogoe polou lokono iye wai langane. “Kre lungong kakrak e ngawaiki nga­inim aki.”


Alo ka isuk boto rogo omba ka lana ine la ke alo ka Ida Tapolngon lua osep Yuda ina tisongon omur Isip polou deka Yesus tito la ke Jerusalem.


E alo ari osep Yuda ina urok rogo omba ka lana ine la ke alo ka Ida Tapolngon lua isak tisongon omur Isip isuk boto polou.


Iye wai langane deka osep tiwaiki tikis iye e tikaranga tikis iye kovok kesua taim ka tikis iye dau polou kovok.


E Yesus wai ke isak langane. “Taim ka ngala e ngadue lou bokongon polou dau kovok e taim ka umakaranga umala dong aling aling.


Yesus wai pelengon ane alo ka iye parere osep ke Ida Tapolngon ila ninu olwo boto ke omur ka karoro dong ka osep tiuri urok mani ine. Mani tonari mani ka tiwaiki la ke Ida Tapolngon. E gute kene kis iye kovok kesua taim ka osep tikis iye polou dau kovok.


Eknikane lama osep aitno lisak soulu ke ite langka Devit sogo ine ma itoulou tarna lite ke isak kovok. Ma elio soulu tonari mole ite kovok kesua Yesus lana iye ke ite. E ma itomole isak.


Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.


Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.


E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.


Imawaiki umu kenmu kenmu umodue elio itau langane. Imawaiki umodue Ida Tapolngon ila bokongon itau e umapara ke wan ka itau ka mase ma polou.


Ke batne langane ngawaiki umekere aitno lumu ma aitno lumu mter ke elio isuk isuk ka umodue e umaplau umu itau. Umu arit umu ma umapara ke kerengen ma umodue alo ka Yesus Krais me polou malak.


Ite lana ite ke osep leklou batne Ida Tapolngon lana iye ke ite mgo.


E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ