Jon 12:48 - Aria New Testament

⁴⁸ Wan dong ka ma wade gute ka pli ngong e didi lou pelengon kovok. Lou pelengon ka ngawai ine ma wade gute are ke oklou ka wan ka pula keniye yagos ine.

Jon 12:48 ပူးပေါင်းရင်းမြစ်များ

Matyu 10:15

Ngawai lokono ke umu. Ke oklou ka Ida Tapolngon wade osep ka pula keniye ine armok tonari ila ulesngen ma mole armok orwo Sodom e Gomora urok ules-ngen.”

Matyu 21:42

Deka Yesus wai ke isak langane. “Umeritim Ida Tapolngon ila pelengon ka wai langane kovok i? ‘Osep ka tiuri ninu tipli opmu are. E dau opmu are opmu mgongon ina ka due opmu leklou ka tiuri ninu ine tinepir pulu. E Ida Puda due wan tonari polou e aitno lite mter iye itau itau lokono.’

Matyu 25:31

“Alo ka Gute Ka Polou Langka Osep iding me ke ila bublongon iye ma me kap ila ensel keniye. Deka ma iye dong ke ila kova ka itau lokono.

Mak 12:10

Deka Yesus wai blang langane. “Lange? Umeritim Ida Tapolngon ila pelengon ka gute napaprangan ina gesa sogo ine koke aurou? Iye sogo langane. ‘Osep ka tiuri ninu tipli opmu are. E dau opmu are iye opmu mgongon ina ka due opmu leklou ka tiuri ninu ine tinepir pulu.

Mak 16:16

Deka osep seisei ka aitno lisak dagar ine e tididi elio paunimngen ina ma ngalua isak ke urok elio epmes ina. E osep seisei ka aitno lisak la dagar ke ngong kovok ma Ida Tapolngon kot isak ine ke omur hel.

Mak 8:31

Yesus gosok ila disaipel dau tididi ekreng deka iye nogrum parere isak langane. “Mase ma ngong ka Gute Ka Polou Langka Osep nganamani agegeng bitna bitna osep ma tidue ke ngong. Osep ngongle e osep loulou ina ka omba e osep ka tile itau ke Moses ila sogongon ma tipli ngong. Ma osep tidue burwa ke ngong ma ngamete. E mase oklou eklu mela yagos deka ma ngapoga ngatito ke ngau denga.”

Luk 10:16

E Yesus wai ke ila osep bokongon ina tonari langane. “Gute ka klingen lumu pelengon klingen lou pelengon blang e gute ka pli umu pli ngong blang. E gute ka pli ngong pli Ida Tapolngon ka pagei ngong ngame.”

Luk 17:25

E mgo ke taim ari osep ka tidong oku ane ma tidue elio soulu pula ke iye e tipli iye.

Luk 20:17

E Yesus bitna nekek ke isak e pmi isak langane. “Pelengon ka osep tisogoe ke Ida Tapolngon ila pelengon palma lana ine lange? Pelengon tonari langane. ‘Osep ka tiuri ninu ninu tipli opmu ane. E dau opmu ane iye opmu mgongon ina ka due opmu leklou ka tiuri ninu ine tinepir pulu.’

Luk 7:30

E osep Farisi ina e osep ka tile itau ke Moses ila sogongon tipul dogur ke wan ka Ida Tapolngon waiki tidue kesua isak kla ke Jon ma iye paunim isak kovok.

Luk 9:22

E iye wai langane. “Ida Tapolngon waiki Gute Ka Polou Langka Osep iye namani elio soulu pula ke osep namormor e osep loulou ina ka omba e osep ka tile itau ke Moses ila sogongon e ma tipli iye. E timter iye ma iye mete deka mase oklou eklu mela yagos ma iye poga tito ke ina denga. E wan are ma polou.”

Luk 9:26

Langka gute mnak iye ke ngong koke lou pelengon ma ngong ka Gute Ka Polou Langka Osep mnak ngong ke iye alo ka ngaiding ngame ke lou bublongon e ke Livou ila bublonon kap ila ensel ka itau lokono.

Jon 11:24

E Marta wai langane. “Ngaile iye ma poga tito ke ina denga ke oklou ka wan ka pula keniye yagos ine.”

Jon 5:45

Aitno lumu mter ngasin elio vri ke umu ke Livou bitna kovok. Aurou. Moses ka iye gute ka umapara ke iye ma sin elio vri ke umu.

Jon 6:39

E gute ka pagei ngong ngame aitno langane. Ma gute kene ke osep ka iye kar isak ke ngong iye imina kovok. E ke oklou ka Ida Tapolngon wade osep ka pula keniye urok elio ine ma ngadue osep ka iye kar isak ke ngong titito e tidong blang.

Jon 8:47

Osep ka isak Ida Tapolngon ila osep tiklingen ila pelengon. E umoklingen ila pelengon kovok kesua umu ila osep kovok.”

Aposel 17:31

Kesua oglou kodong Ida Tapolngon rere oklou kene ma gute ka iye rere kodong ma iye didi ila elio itau e wade osep ka pula keniye ine. Pelengon ane lokono lokono kesua gute tonari mete kodong deka Ida Tapolngon due poga tito ke ina denga.”

Aposel 3:23

Deka osep seisei ka tididi ila pelengon kovok ma Ida Tapolngon due agegeng ke isak e tidong kap osep kovok.

Pas ka Pol sogoe uti la ke osep Rom ina 2:16

Ma aitno lisak langane ke oklou ka Ida Tapolngon klingen osep ka pula keniye urok pelengon. Iye rere oklou kene ma iye klingen osep ka pula keniye urok pelengon ine. Deka ke oklou tonari ma Yesus Krais wade osep ka pula keniye aitno lisak lama oglou tibisi ine. Mase ma elio ane polou eriar langka Ida Tapolngon ila omon itau ka nganapapra ine wai ine.

2 Korin 4:3

E lama osep leklou tile omur ke omon itau ka imanapapra ke isak kovok io omon tonari malak kovok ke osep ka ma isak kla ke omur hel vala.

2 Tesalonaika 1:8

Deka ma iye due agegeng ke osep ka tipul dogur ke Ida Tapolngon e osep ka tididi omon itau ka la ke Ida Puda kovok.

Hibru 10:25

E aling aling itoduni pulu e itosongon elio tonari langka osep leklou tidue kovok. Iteile oklou ka Ida Puda ma iding me isuk boto polou deka itoboko engil ma itodue osep aitno lisak ila dagar dong dagar.

Hibru 12:25

Deka umepli Ida Tapolngon ila pelengon kovok. Oglou iye dong ke gigri Sainai e wai ke osep Israel ina. E osep leklou tipli ila pelengon deka iye wade isak ine e tikos ke ila wadenen kovok. E eknikane iye dong ke omur heven e wai ke ite. Deka aitno lumu lange? Langka itepli ila pelengon itakaranga itokos ke ila wadengen? Aurou lokono.

Hibru 2:3

Deka oku ane langane. Langka itopul dogur ke elio ka Ida Tapolngon lua ite ke udo elio epmes ina ka mole Moses ila sogongon tonari ma itokos ke Ida Tapolngon ila wadengen kovok. Mgo Ida Puda napapra Ida Tapolngon ila pelengon itau ka karanga lua ite ke udo elio epmes ina. Deka osep ka tiklingen ine tipalongo udo langane. Pelengon tonari pelengon lokono.

Hibru 4:12

Ida Tapolngon ila pelengon dong e ila arit dong ine blang. Ila pelengon dong langka elil omba ka ene orwo e ene lokono. E iye karanga wade gute aitno e ano. E karanga wade gute erine buno e erine aitno. E karanga wade elio ka itawaiki itodue e wan ka aitno lite mter ine.

1 Pita 1:5

Aitno lumu dagar ke Ida Tapolngon deka iye plau umu ke ila arit. Iye waiki lua ite e elio ane ma polou malak alo ka Krais iding me.

2 Pita 3:3

Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.

2 Pita 3:7

E eknikane Ida Tapolngon para ma iye due taklak e sirva ka dau dong tipolou yagos. Mase ma iye wade osep ka pula keniye e due agegeng ke osep ka tipul dogur ke iye. Deka alo ari iye ma wai e eiou ma ngen taklak e sirva yagos la.