Jon 12:16 - Aria New Testament

¹⁶ E alo ari Yesus ila disaipel tile itau ke wan ka polou ke iye kovok. E mase alo ka Ida Tapolngon due Yesus poga tito ke ina denga e due dong itau lokono kap iye deka aitno lisak mter itau ke Ida Tapolngon ila pelengon tonari lana ine ka la ke Yesus. E amtarsak sisir wan ka osep tidue ke iye.

Jon 12:16 ပူးပေါင်းရင်းမြစ်များ

Mak 16:19

Ida Puda Yesus wai yagos deka iye tito la ke omur heven deka dong ke Ida Tapolngon limla odung.

Mak 9:32

Yesus wai langane e ila disaipel tile omur ke ila pelengon lana ine kovok. E tipmi iye ine kovok kesua tiulou tarna lisak ke iye.

Luk 18:34

E ila disaipel tile malak ine kovok kesua Ida Tapolngon kukwop lana ine ke isak. E tile ila pelengon batne kovok.

Luk 24:25

Deka Yesus wai ke isak langane. “Umu kaka lokono e aitno lumu la dagar suong ke pelengon ka oglou osep napaprangan ina tiwai ine kovok.

Luk 24:45

E iye lua isak ma tikaranga tile omur ke Ida Tapolngon ila pelengon lana ine.

Luk 9:45

E ila disaipel tile ila pelengon lana ine kovok kesua Ida Tapolngon bisi lana ine ke isak ma tikaranga tile lana ine kovok. E tilim ma tipmi iye ke ila pelengon lana ine.

Jon 12:23

E Yesus koli wai ke isak langane. “Taim ka Ida Tapolngon nis osep ke Gute Ka Polou Langka Osep ila elio itau lokono polou kodong.

Jon 14:26

E mase ma Livou pagei Luangan silang ma iye kasip amun ngong e ma iye parere umu ke wan ka pula keniye e sruk aitno lumu ma omtomu sisir lou pelengon.”

Jon 16:4

E oku ane ngawai pelengon ane ke umu ma alo ka elio tonari polou omtomu karanga sisir lou pelengon ka la ke isak.” “Oglou alo ka nganogrum lou bokongon ngawai pelengon ane ke umu kovok kesua ngadong kap umu.

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 2:22

E alo ka iye poga tito ke ina denga ila disaipel amtarsak sisir pelengon ka iye wai ane. E aitno lisak la dagar ke Ida Tapolngon ila pelengon e ke pelengon ka Yesus wai ine.

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Aposel 2:33

Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

Aposel 2:36

Umu ka osep Israel ina umoklingen lou pelengon lokono ane. Oglou umodue agegeng ke Yesus e umomluk iye ma iye mete. E eknikane iye mete kovok. Aurou. Eknikane iye dong kap Ida Tapolngon ka kakai iye tito lokono e rere iye gute ka Krais ka lua osep ke urok elio epmes ina e ka Ida Puda lokono.”

Aposel 3:13

“Ida Tapolngon ka Abra-ham Ina Tapolngon e Aisak Ina Tapolngon e Jekop Ina Tapolngon e udo seia Inarak Tapolngon iye tona due elio arit ina ane. Elio arit ina ane kakai gute Yesus ka Ida Tapolngon ila gute bokongon ina angaine. Oglou umodue agegeng ke iye e umesin elio pula vri ke iye e umepli iye ke Pailat bitna. Pailat klingen lumu sinngen elio deka mgo aitno mter Yesus ila elio vri ke iye kovok deka waiki songon Yesus la.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 8:1

Pelengon ane ka imawai ke umu ine lana ine langane. Udo gute loulou ina ka mgo dong ke Ida Tapolngon ka iye omba lokono ila kova ke limla odung.