Jon 12:1 - Aria New Testament

¹ Oklou lumakene dau dong deka tingen rogo omba ka lana ine la ke alo ka Ida Tapolngon lua osep Yuda ina tisongon omur Isip e Yesus la polou ke Betani. Gute Lasarus ka iye due poga tito ke ina denga dong ke armok tonari.

Jon 12:1 ပူးပေါင်းရင်းမြစ်များ

Matyu 21:17

E Yesus songon isak e la ke armok Betani e munu kudung are.

Mak 11:11

Yesus dau dong ke donki e didi ekreng la polou ke Jerusalem deka sepe. Deka iye duru ke donki e la polou ke omur ka lelei Ida Tapolngon ila ninu deka sepe. E bitna lila ke wan keniye ka dong are. Iye due elio langane yagos deka iye songon Ida Tapolngon ila ninu e la ke Betani kap ila disaipel songotno orwo. Kesua alo ari kirui polou kodong.

Luk 24:50

Yesus paur ila disaipel olwo boto ke Betani deka iye kakai limla tito e wai ma Ida Tapolngon due ila kerengen duru dong ke isak.

Luk 7:37

E umoklingen. Apmang ekreng palma ina ka dong ke armok are ile Yesus dong ke gute Farisi ina ila ninu e iye kalke botol opmu ina ka wel ka ina klingen omba lokono ka amna itau dong ine.

Jon 11:1

Alo ari dangon due gute kene ka angaine Lasarus. Iye gute ka armok Betani ina. E Betani armok ka Maria e lutno Marta tidong ine blang.

Jon 11:43

Yesus wai langane deka iye gi omba langane. “Lasarus ompolou omo ke dogur.”

Jon 11:44

Deka gute ka mete polou e molo ka osep tidugum kamla e limla ine dau dong ke iye. E molo ka tidugum bitna ine dau dong ke iye. Deka Yesus wai ke osep langane. “Umekles wan ka dugum iye ma iye karanga lila.”

Jon 11:55

Alo ari rogo omba ka lana ine la ke alo ka Ida Tapolngon lua osep Yuda ina tisongon omur Isip isuk boto polou. E osep pula tisongon urok armok armok e isak kla ke Jerusalem ma tididi apu ka due aitno lisak itau ke Ida Tapolngon bitna mgo ke rogo omba.

Jon 12:12

Ke oklou silang osep pula pula ka time ke rogo omba tonari tiklingen omon isuk boto Yesus polou ke Jerusalem.

Jon 12:20

E osep Grik ina leklou time ke Jerusalem kap osep leklou ma tilotuim Ida Tapolngon ke rogo omba.

Jon 12:9

Alo ari osep Yuda ina pula pula tile Yesus dong ke Betani e isak kla are. Tiwaiki tivati iye e silang blang tiwaiki tivati Lasarus ka iye due poga tito ke ina denga.