Jon 11:52 - Aria New Testament

⁵² E iye mete ke osep Yuda ina vala kovok. Aurou. Iye mete ke Ida Tapolngon ila osep keniye ka tidong ke omur omur. Ma iye due isak tipolou osua kene vala.

Jon 11:52 ပူးပေါင်းရင်းမြစ်များ

Luk 15:8

“E silang blang langane. Langka apmang ila mani silva songotno dong e kene imina la. Ma iye due sua? Ma iye bik lam e gir ninu aitno e krim mani tonari itau la lama iye padoe i?

Luk 2:32

Ma iye due bublongon bublo ke osep ka isak osep Yuda ina kovok e ma osep tidue anit ke lem osep Israel ina.”

Jon 1:12

E dau osep ka aitno lisak dagar ke iye e tidue io iye kar isak arit ma tikaranga tipolou Ida Tapolngon titno.

Jon 1:29

E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Jon 12:32

E oku ane ngadong ke taklak e mase ma osep tidue burwa ke ngong e tidue ngong ngamana ke ngau akai. E ma ngadada osep ka pula keniye time ke ngong.”

Aposel 18:10

Kesua ngadong kap wom e gute kene gesa dong ka karanga paiavu wom kovok. Aurou. Osep pula ka tidong ke armok ane isak ngau osep.”

Pas ka Pol sogoe uti la ke osep Rom ina 3:29

Aitno lumu lange? Ida Tapolngon iye osep Yuda ina vala Inarak Tapolngon? E osep ka isak osep Yuda ina kovok iye Inarak Tapolngon kovok? Aurou. Ida Tapolngon iye osep ka pula keniye Inarak Tapolngon.

Pas ka Pol sogoe uti la ke osep Rom ina 4:17

Oglou Moses sogo Ida Tapolngon ila pelengon palma ka la ke Abraham. Iye sogo oglou Ida Tapolngon wai dagar ke Abraham langane. “Ma ngadue wom ompolou osep pula pula pmarak.” Ida Tapolngon ila promis pelengon lokono vala. Alo ari Abraham klingen ine e lokono aitno la dagar ke iye. Aitno dagar ke Ida Tapolngon ka karanga due osep ka timete kodong ma tipoga titito ke inarak denga. Aitno dagar ke Ida Tapolngon ka karanga wai deka wan ka oglou dong kovok ma polou.

Efesus 1:5

Oglou ari kodong Ida Tapolngon lana iye ke ite e rere ite titno ite kesua batne iye ile ma Yesus Krais lua ite. Deka iye tona didi aitno e rere ite titno ite.

Efesus 3:11

Oglou oglou ari alo ka Ida Tapolngon dau due wan bitna bitna keniye kovok iye rere elio keniye ka mase ma tipolou. Deka alo ka Ida Puda Krais Yesus me duru ke taklak elio ka oglou oglou ari Ida Tapolngon aitno mter ine tipolou lokono.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.

1 Jon 2:2

Iye tona kli udo elio epmes ina. E iye kli ite tona udo elio epmes ina vala kovok. Aurou. Iye kli osep ka pula keniye ka tidong ke taklak urok elio epmes ina.

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.

1 Jon 3:10

Ke batne langane itakaranga iteile osep seisei isak Ida Tapolngon ila osep e osep seisei isak Satan ila osep. Osep ka aling aling tidue elio itau e osuk kovok isak Ida Tapolngon ila osep kovok. E silang blang osep ka isak lana isak ke sisrok kovok isak Ida Tapolngon ila osep kovok blang.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

Pelengon kukwopngon 5:9

E tidue sakul oku gesa langane. “Amkaranga omdue buk e amkaranga emkles pou-ngon lumorwo ke buk tonari. Kesua osep timluk wom emmete e ngap marau baser e emkli osep urok elio epmes ina e tipolou Ipem Tapolngon ila osep ine. Emkli osep ke osua ka pula keniye e osep ka tiwai tokples bitna bitna e osep ka tarna lisak bitna bitna e osep ke omur ka pula keniye ke taklak.