Jon 11:43 - Aria New Testament

⁴³ Yesus wai langane deka iye gi omba langane. “Lasarus ompolou omo ke dogur.”

Jon 11:43 ပူးပေါင်းရင်းမြစ်များ

Mak 4:41

Ila disaipel tiulou tarna lisak omba ke iye deka tiwai pulu langane. “Gute ane iye sei? Kesua iye wai vala deka engen didi ila pelengon.”

Jon 11:42

Ngaile aling aling emklingen ngong alo ka ngawai itau ke wom e ngawai langane kesua osep pula tidong ane. Ma aitno lisak dagar ke elio ka ampagei ngong ngame ke taklak.”

Jon 11:44

Deka gute ka mete polou e molo ka osep tidugum kamla e limla ine dau dong ke iye. E molo ka tidugum bitna ine dau dong ke iye. Deka Yesus wai ke osep langane. “Umekles wan ka dugum iye ma iye karanga lila.”

Jon 12:1

Oklou lumakene dau dong deka tingen rogo omba ka lana ine la ke alo ka Ida Tapolngon lua osep Yuda ina tisongon omur Isip e Yesus la polou ke Betani. Gute Lasarus ka iye due poga tito ke ina denga dong ke armok tonari.

Jon 12:9

Alo ari osep Yuda ina pula pula tile Yesus dong ke Betani e isak kla are. Tiwaiki tivati iye e silang blang tiwaiki tivati Lasarus ka iye due poga tito ke ina denga.

Aposel 3:12

Pita vati osep tonari deka ile omur tidigrik deka iye wai ke isak langane. “Umu osep Israel ina ina lange umedigrik ke elio ane? Ina lange omtomu nekek dagar ke imi? Aitno lumu lange? Aitno lumu mter elio ka gute ane lila ina poloungon batne limem arit koke limem elio itau koke lange?”

Aposel 3:6

Deka Pita wai langane. “Oka. Lou mani dong ke ngong kovok e wan ka dong ke ngong ma ngalua wom ine. Eknikane Yesus Krais ka Nasaret ina ila arit due wom ma emtito emlila.”

Aposel 9:34

Deka Pita wai ke iye langane. “Ainas Yesus Krais lua wom e due kevep tipolou itau blang e oku ane emtito emkere lem kova.” Iye wai langane deka lokono Ainias tito vri.

Aposel 9:40

Deka Pita wai ke isak langane. “Umala ke dogur.” Deka tisongon eliang tonari. Pita dau dong ine kap Dorkas pampamu ine deka iye grum kamla e manik duru e wai itau ke Ida Tapolngon. Deka bitna la ke apmang ka mete kodong e iye wai langane. “Tabita emtipa.” Deka Tabita bitna pal e iye vati Pita deka tipa e dong.