Jon 11:42 - Aria New Testament

⁴² Ngaile aling aling emklingen ngong alo ka ngawai itau ke wom e ngawai langane kesua osep pula tidong ane. Ma aitno lisak dagar ke elio ka ampagei ngong ngame ke taklak.”

Jon 11:42 ပူးပေါင်းရင်းမြစ်များ

Matyu 26:53

Emile itau langane. Langka ngawaiki ngadue io ngakaranga ngapmi Livou e ma iye pagei ensel pula pula ma tilua ngong.

Jon 11:22

E oku ane blang ngaile ma Ida Tapolngon kar wan ka amwai itau ke iye ine ke wom.”

Jon 11:31

E osep Yuda ina ka tidong ke ninu ma tiwai pelengon ka lua apmang orwo tivati Maria tito suong e songon ninu. E tididi iye kesua aitno lisak mter langka iye la ke denga ma iye kngis ine.

Jon 11:43

Yesus wai langane deka iye gi omba langane. “Lasarus ompolou omo ke dogur.”

Jon 12:11

Tiwaiki tidue burwa ke Lasarus blang kesua osep Yuda ina pula aitno lisak mter wan ka Yesus due ke Lasarus e tisongon isak e aitno lisak la dagar ke Yesus.

Jon 12:17

Osep pula pula ka tidong kap iye alo ka iye gi ke Lasarus e due poga tito ke ina denga tipalongo osep ke elio ane.

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Jon 17:25

Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame.

Jon 17:8

Kesua ngakar isak pelengon ka amkare ke ngong e aitno lisak la dagar ine e tile lokono langane. Oglou ngadong kap wom e ngame. E aitno lisak dagar langane. Ampagei ngong ngame ke taklak ane.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 3:17

Ida Tapolngon pagei Otno Arang ke taklak ma iye wade osep kovok. Aurou. Iye pagei iye ma iye lua osep ke urok elio epmes ina.

Jon 8:16

E dau langka ngawade osep lou wadengen lokono kesua ngong kenngong vala ngawade isak kovok. E Livou ka pagei ngong ngame dong kap ngong alo ka ngawade osep.

Jon 8:29

E gute ka pagei ngong ngame dong kap ngong e songon ngong ngadong ngong kenngong vala kovok. Aurou. Iye dong kap ngong kesua aling aling ngadue elio ka due aitno itau ine.”

Jon 8:42

Deka Yesus koli wai ke isak langane. “Langka Ida Tapolngon pmomu lokono ma umu lana umu ke ngong kesua ngasongon iye e ngame ngadong ane. E ngadidi aitno lungong e ngame kovok. Aurou. Iye pagei ngong ngame.”

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Hibru 5:7

Alo ka Yesus dau dong ke taklak aling aling iye wai itau ke Ida Tapolngon e pmi iye ke wan bitna bitna. Iye daiku ke Ida Tapolngon e kngis kesua iye ile Ida Tapolngon karanga lua iye ma iye mete kovok. E Ida Tapolngon klingen ila pelengon e koli ila pmingen itau kesua iye due anit ke iye e ini iye.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.