Jon 11:25 - Aria New Testament

²⁵ Deka Yesus wai ke iye langane. “Ngong tona batne ke osep ka tipoga titito ke inarak denga e ngong mosongon batne blang. Gute ka aitno dagar ke ngong ma dau dong lama pampamu ine mete.

Jon 11:25 ပူးပေါင်းရင်းမြစ်များ

Luk 23:43

E Yesus koli wai ke iye langane. “Ngawai lokono ke wom langane. Eknikane ma omdong kap ngong ke omur ka itau lokono.”

Jon 1:4

E gute tonari iye mosongon batne e mosongon tonari langka osep ka pula keniye urok bublongon ka due isak tile omur itau.

Jon 14:19

Isuk boto dau e osep ke taklak ma tivati ngong blang kovok. E ma umavati ngong. Ngadong ke mosongon e ke batne ane umu blang ma umodong ke mosongon.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 3:36

Osep seisei ka aitno lisak la dagar ke Ida Tapolngon Otno Arang ma tidue urok mosongon ka dong vala dong. E osep seisei ka tipli iye ma tidue mosongon ka dong vala dong kovok e Ida Tapolngon aitno ila engil ma dong ke isak.”

Jon 5:21

Eriar langka Livou due osep ka timete kodong tipoga titito ke inarak denga e kar mosongon oku ina ke isak ngong ka Otno Arang ngakar mosongon oku ina ke osep ka ngawaiki ngakar mosongon tonari ke isak.

Jon 5:26

Eriar langka Livou iye mosongon oku batne iye kar ngong ka Otno Arang arit ma ngong blang ngong mosongon oku batne.

Jon 6:35

Deka Yesus wai ke isak langane. “Ngong bret ka kar mosongon ke osep. Gute sei ka me ke ngong ma sapanga due kovok e gute sei ka aitno la dagar ke ngong ma aki vel iye kovok.

Jon 6:44

Gute kene karanga me ke ngong kovok lama Livou ka pagei ngong ngame paur iye ke ngong e ma ngadue tito e dong blang ke oklou ka Ida Tapolngon wade osep ka pula keniye urok elio ine.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Pas ka Pol sogoe uti la ke osep Rom ina 4:17

Oglou Moses sogo Ida Tapolngon ila pelengon palma ka la ke Abraham. Iye sogo oglou Ida Tapolngon wai dagar ke Abraham langane. “Ma ngadue wom ompolou osep pula pula pmarak.” Ida Tapolngon ila promis pelengon lokono vala. Alo ari Abraham klingen ine e lokono aitno la dagar ke iye. Aitno dagar ke Ida Tapolngon ka karanga due osep ka timete kodong ma tipoga titito ke inarak denga. Aitno dagar ke Ida Tapolngon ka karanga wai deka wan ka oglou dong kovok ma polou.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

1 Korin 15:18

Deka osep ka aitno lisak dagar ke Krais e timete kodong isak blang inarak agegeng due isak.

1 Korin 15:29

Langka osep ka timete kodong tikaranga tipoga titito ke inarak denga kovok batne lange osep leklou tidue elio paunimngen ina ma lua osep ka timete kodong?

2 Korin 4:14

E silang blang imeile kodong langane. Ida Tapolngon due Ida Puda Yesus poga tito ke ina denga e ma iye due imi imopoga imetito ke ida denga kap iye. Deka imi kap umu itodong ke bitna.

Filipai 1:23

Aitno lungong orwo ine. Ngawaiki ngala ngadong kap Krais. Are itau.

Filipai 3:10

Ngong lana lungong langane. Ma ngadong kap Krais e ngadue Ida Tapolngon ila arit ka due Krais poga tito ke ina denga. E nganamani elio ka opru ngong langka Krais namani elio ka opru iye. E ngawaiki aitno lungong oglou ina mete langka iye mete.

1 Tesalonaika 4:14

Aitno lite dagar langane. Yesus mete e mase iye poga tito e dong blang. Deka aitno lite dagar langane. Yesus ma me deka Ida Tapolngon ma due osep ka aitno lisak dagar ke Yesus ka timete kodong tipoga titito e tidong blang kap Yesus.

Pelengon kukwopngon 1:18

E ngong gute ka mosongon itau batne. Ke oglou ngamete e eknikane ngadong vala ngadong. E lou arit dong e ngaplau osep ka timete kodong e ngaplau omur ka osep ansak tidong ine.

Pelengon kukwopngon 20:5

Elio ane aling mgongon ka osep tipoga titito ke inarak denga. Osep ka pula keniye leklou ka timete kodong tipoga titito blang dau kovok. Ma tipara la lama tobor 1,000 tonari mela yagos.

Pelengon kukwopngon 21:4

Iye ma sak osep amtarsak olune e ma tikngis blang kovok e ma aitno lisak kro ke wan bitna bitna kovok. E silang blang ma tarna lisak doro doro blang kovok e metengen yagos. Kesua wan bitna bitna keniye ka tidong ke oglou isak yagos kodong.”

Pelengon kukwopngon 22:1

Deka ensel tonari nis ngong ke aki ka suong e langka osep tinim aki tonari tidue mosongon itau ine. E aki tonari malak langka glas. Aki tonari polou ke kova ka Ida Tapolngon e Sipsip Otno tidong ine e suong la.

Pelengon kukwopngon 22:17

Ano Itau kap apmang ka Sipsip Otno ila asap isak orwo tiwai langane. “Umomo.” E osep ka tiklingen pelengon ane tiwai langane blang. “Umomo.” Gute ka aki vel iye ma iye me. E gute ka waiki inim iye ma me inim aki ka mosongon ina ka Ida Tapolngon kare ke iye adai.