Jon 11:11 - Aria New Testament

¹¹ Yesus wai langare deka wai ke isak langane. “Udo aten Lasarus munu kudung e ngala ma ngadue tipa.”

Jon 11:11 ပူးပေါင်းရင်းမြစ်များ

Matyu 27:52

E osep inarak denga tinoklok e osep pula ka tidong itau ke Ida Tapolngon bitna e timete kodong tipoga titito ke inarak denga.

Matyu 9:24

Deka iye wai ke isak langane. “Umala kesua apmang are mete kovok iye munu kudung vala.” E osep tivel ke Yesus.

Mak 5:39

Deka Yesus sep ke Jairus ila ninu e pmi osep tonari langane. “Ina lange umodue ngusngon ombatno e umekngis omba? Mimi ane mete kovok iye munu kudung vala.”

Jon 11:10

E alo ka iye lila ke epmes iye gene kesua bublongon dong kovok e iye karanga vati ekreng itau kovok.”

Jon 11:12

E ila disaipel tikoli tiwai langane. “Ipem Puda langka iye munu kudung ma iye polou itau blang.”

Jon 11:13

E tile iye wai Lasarus mete kodong kovok. Aurou. Aitno lisak mter langka iye wai Lasarus munu kudung vala.

Jon 11:3

Deka apmang orwo tonari tivai omon ke Yesus langane. “Ipem Puda gute ka wom lana wom ke iye paia.”

Jon 3:29

Alo ka gute gi apmang deka gute tonari polou apmang ila boget. E gute ka iye gute ka gi oku tonari ila aten iye dong para ma iye klingen ke gute e aitno neser alo ka iye klingen gute tonari kreine. E oku ane lou ketirngen omba lokono langka gute tonari ila ketirngen.

Aposel 7:60

Deka iye grum kamla buno deka gene duru e wai dagar lokono langane. “Ngau Puda omkoli osep ane urok elio sakam.” Iye wai langane deka mete.

1 Korin 15:18

Deka osep ka aitno lisak dagar ke Krais e timete kodong isak blang inarak agegeng due isak.

1 Korin 15:34

Umeile umu itau e umosongon lumu elio epmes ina bitna bitna e umodue elio itau vala. Umodue elio soulu e supmu leklou tile ke Ida Tapolngon dau kovok. Ngawai pelengon ane ke umu ma umu mnak umu ke lumu elio soulu.

1 Korin 15:51

Umoklingen. Ngawaiki ngawai ke umu ke pelengon ka oglou itosep iteile ine kovok. Pelengon tonari langane. Ma ite leklou itemete kovok. E ite ka pula keniye pampamu lite ma tilumus tipolou oku.

Efesus 5:14

Deka alo ka umapalongo osep ke urok elio epmes ina urok elio tonari polou malak ke osep. Oglou gute gesa wai pelengon ano langane. “Wom ka omdong langka ommunu kudung emtipa. Wom ka omdong langka emmete emtito e Krais ma due wom omdong ke bublo-ngon.”

1 Tesalonaika 5:10

Yesus mete ma lua ite ma itodong kap iye. Langka itodong koke itemete kodong alo ka iye bauluk me ma itodong kap iye.

Jems 2:23

Ida Tapolngon ila pelengon wai ke Abraham langane. “Abraham aitno la dagar ke Ida Tapolngon deka Ida Tapolngon due polou gute itau e osuk ke bitna.” E iye sir iye ila aten.