Jon 10:3 - Aria New Testament

³ E gute silang plau ekreng bitna e kloke ke sipsip inarak plaungan. E plaungan tonari gi ila sipsip e tiklingen kreine e tididi iye e tisongon eger.

Jon 10:3 ပူးပေါင်းရင်းမြစ်များ

Jon 10:14

“Ngong sipsip inarak plaungan ka itau e ngaile lou sipsip e tile ngong.

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Jon 10:4

Alo ka tisongon eger kodong iye mgo ke isak e tididi iye kesua tile kreine.

Jon 10:9

Ngong ekreng bitna e gute sei ka me ke ngong e sep ke eger ma iye dong itau ine. Ma aling aling iye sep ke eger e songon eger e due ina ngangon.

Jon 6:37

Osep ka pula keniye ka Livou kar isak ke ngong io ma time ke ngong e ma ngasapir isak kovok.

Jon 6:45

Oglou osep napaprangan ina tisogo langane. ‘Ma Ida Tapolngon parere osep ka pula keniye.’ Deka langane. Osep ka pula keniye ka tiklingen Livou e tidue ilengen ke iye ma time ke ngong.”

Pas ka Pol sogoe uti la ke osep Rom ina 8:30

Ida Tapolngon rere ite ila osep e wai langane. “Osep ka ngarere umu kodong umu lou osep.” Iye wai ke ite langane kodong e due ite itopolou itau e osuk ke bitna. Deka osep ka tipolou itau e osuk ke bitna iye kakai isak.

1 Korin 16:9

Kesua Ida Tapolngon kar bokongon omba ke ngong. E iye waiki ngadue bokongon tonari ma ngalua osep pula ma tipolou osep Kristen. E silang blang osep pula aitno lisak soulu ke lou bokongon e tiwaiki tidangdang ngong ine.

Filipai 4:3

E lou aten ngawai ke wom ka omlua ngong ke lou bokongon ma omlua apmang orwo tonari blang. Kesua tilua ngong itau ke lou bokongon ka nganapapra Ida Tapolngon ila omon itau ke osep. Isak tigosok gute Klemen e osep leklou ka angainsak dong ke buk ka mosongon ka dong vala dong ina tilua ngong ke omon itau ila napaprangan.

Kolosi 4:3

Alo ka umawai itau umepmi Ida Tapolngon ke imi blang ma iye due ekreng ma imakaranga imanapapra ila pelengon ka oglou dong kukwop ka lana ine la ke Krais. Nganapapra ila pelengon e ke batne langane ngadong ke kalabus ane.

2 Timoti 2:19

E Ida Tapolngon ila pelengon dong langka kadanga ka due ninu dong dagar. E sogongon dong ke kadanga tonari ka langane. “Ida Puda ile itau ke osep ka tidong ke ila osua.” E sogongon silang langane. “Osep ka isak Ida Puda ila osep ma tipul dogur ke elio epmes ina.”

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

1 Jon 4:6

E ite Ida Tapolngon ila osep ite. Gute ka ile Ida Tapolngon ma klingen udo pelengon e gute ka ile Ida Tapolngon kovok ma klingen udo pelengon kovok. Ke batne langane itakaranga iteile omur ke osep ka tididi Ano Itau ila pelengon e osep ka tididi osep napaprangan yakngan ina urok pelengon.

3 Jon 1:14

Ngawaiki isuk boto ngauti ke wom deka ma itakaranga itawai pulu.

Pelengon kukwopngon 20:15

Deka osep ka angainsak dong ke buk ka mosongon ina tonari kovok tiuri isak kla ke eiou ombatno blang.

Pelengon kukwopngon 3:20

“Umoklingen. Ngavri ke ekreng bitna e lungu nopolpol ine. Langka gute klingen kre lungong e klok ekreng bitna ma ngasep ke ninu e ma ngadong kap iye. Deka ma ngangen kap iye e iye ma ngen kap ngong.”

Pelengon kukwopngon 7:17

Kesua Sipsip Otno ka dong olwo boto ke kova ma dong langka inarak plaungan. Ma iye paur isak kla ke ovuk ka aki novlukvluk polou ine. Aki tonari kar isak mosongon itau. E Ida Tapolngon ma sak amtarsak olune ma tikngis blang kovok.”