Jon 10:18 - Aria New Testament

¹⁸ Gute kene karanga due ngong ma ngamete kovok. Aurou. Ngadidi aitno lungong e ngamete e silang blang ngakaranga ngadue lou mosongon blang. Livou wai dagar ke ngong ma ngadue langane.”

Jon 10:18 ပူးပေါင်းရင်းမြစ်များ

Jon 10:11

“Ngong sipsip inarak plaungan ka itau. E sipsip inarak plaungan ka itau pli tarna e mete ma iye plau sipsip itau.

Jon 10:15

Ane eriar langka Livou ile ngong e ngaile Livou. E ngapli tarna lungong e ngamete ma ngaplau lou sipsip itau.

Jon 10:17

Ma ngapli tarna lungong e ngamete ma ngakaranga ngadue lou mosongon blang. E ke batne langane Livou lana iye ke ngong.

Jon 14:31

E ngadidi Livou aitno e ngadue wan ka iye waiki ngadue ma osep ka taklak ina tile ngong lana ngong ke Livou. Io umetito e itosongon omur ane.”

Jon 15:10

Livou lana iye ke ngong e ngadong dagar ke elio tonari e ngadidi ila pelengon dagar. E eriar langane ke umu blang. Langka umedidi lou pelengon dagar ma umodong dagar ke elio ka ngong lana ngong ke umu.

Jon 19:11

Deka Yesus koli wai ke iye langane. “Langka Ida Tapolngon kar arit ke wom kovok amkaranga omdue elio gesa ke ngong kovok. E ke batne langane gute ka kar ngong ke wom ila elio epmes ina omba e mole lem elio epmes ina.”

Jon 5:26

Eriar langka Livou iye mosongon oku batne iye kar ngong ka Otno Arang arit ma ngong blang ngong mosongon oku batne.

Jon 5:30

“E ngong tona ngakaranga ngadue wan gesa ke lou arit kovok. Eriar langka ngaklingen Ida Tapolngon wai deka ngawade osep ke pelengon tonari. E lou wadengen itau e osuk kesua ngawaiki ngadidi aitno lungong kovok e ngadidi Ida Tapolngon ka pagei ngong ngame aitno vala.

Jon 6:38

Kesua ngaduru ngame ke omur heven ma ngadidi aitno lungong kovok. Aurou. Ngame ma ngadidi gute ka pagei ngong ngame aitno vala.

Aposel 2:24

Iye mete deka Ida Tapolngon didi ila arit e due poga tito ke ina denga. Deka iye ngangir ke metengen kovok. Deka metengen karanga mole iye kovok kesua Ida Tapolngon mole kodong.

Aposel 2:32

Devit ila pelengon ane la ke gute Yesus. Oglou Yesus mete deka pampamu ine la munu ke ina denga. Deka Ida Tapolngon due poga tito ke ina denga e eknikane imavati iye blang.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Hibru 2:9

Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.