Jon 10:10 - Aria New Testament

¹⁰ E gute panakongon ina me ma iye panako wan e due burwa ke osep e due agegeng ke osep vala. E ngame ma osep tidue mosongon ka dong vala dong e mosongon tonari due wan itau bon ke isak.”

Jon 10:10 ပူးပေါင်းရင်းမြစ်များ

Matyu 18:10

“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Matyu 21:13

E iye wai ke isak langane. “Ida Tapolngon wai ke ila pelengon langane. ‘Ma osep tisir lou ninu langane. Ninu ka osep tiwai itau ke ngong ine. E umodue omur ane omur ka osep panakongon ina tikalu ine.’”

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Mak 11:17

Deka iye parere isak langane. “Oglou gute napaprangan ina gesa sogo Ida Tapolngon ila pelengon ka wai langane. ‘Ma osep tiwai lou ninu iye ninu ka osep ka tidong ke taklak ka pula keniye time ine ma tiwai itau ke ngong ine. E umodue lou ninu polou soulu lokono eriar langka osep panakongon ina urok omus.’”

Luk 19:10

E Gute Ka Polou Langka Osep me ke taklak ma iye krim e lua osep ka timina ke urok elio epmes ina.”

Jon 10:1

“Ngawai lokono ke umu langane. Gute ka sep ke sipsip inarak eger ke ina ekreng bitna kovok e iye klou ari ke omur silang iye gute panakongon ina e waiki due sipsip.

Jon 10:11

“Ngong sipsip inarak plaungan ka itau. E sipsip inarak plaungan ka itau pli tarna e mete ma iye plau sipsip itau.

Jon 12:47

E langka gute klingen lou pelengon e didie kovok ma ngawade iye kovok. Aurou. Ngame ma ngawade osep kovok e ngame ma ngalua osep ke urok elio epmes ina.

Jon 12:6

E Judas wai langane kesua aitno mter ke osep ka urok wan isuk boto vala kovok. Aurou. Iye wai langane kesua iye gute panakongon ina e iye plau karoro ka urok mani dong ine. E aling pula iye panako mani ka tidue sep ke karoro tonari.

Jon 3:17

Ida Tapolngon pagei Otno Arang ke taklak ma iye wade osep kovok. Aurou. Iye pagei iye ma iye lua osep ke urok elio epmes ina.

Jon 5:40

E dau umepli ngong e umawaiki aitno lumu la dagar ke ngong ma umodue mosongon ka dong vala dong kovok.”

Jon 6:33

Kesua bret ka me ke Ida Tapolngon duru me ke omur heven e kar mosongon ka dong vala dong ke osep ka tidong ke taklak.”

Jon 6:51

Ngong bret ka duru ke omur heven ka kar mosongon ka dong vala dong ke osep. Langka gute ngen bret ane ma iye dong vala dong. Bret ane pampamu lungong ka ngakare ke osep taklak ina ma tikaranga tidue mosongon ka dong vala dong.”

Pas ka Pol sogoe uti la ke osep Rom ina 2:21

Umoklingen. Umaparere osep pula e ina lange umaparere umu tona kovok? Umanapapra ke osep e umawai langane. “Osep umapanako wan sakam.” E ina lange umu tona umapanako wan?

1 Timoti 1:15

Pelengon ane lokono. Krais Yesus me ke taklak ma iye lua osep epmes ina. E ma iteklingen ine e ma aitno lite la dagar ine. Deka aitno lungong kro lokono kesua ngong tona ngadue elio epmes ina pula e ngadong langka gute ka mgo ke osep epmes ina.

Hibru 6:17

Ida Tapolngon waiki ma Abraham ila napakngan tile omur ila pelengon dagar a segesege kovok. Deka iye wai promis e sir iye tona angaine.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

2 Pita 1:11

Umodue langane deka alo ka umemete kodong e umetito ke omur heven Ida Tapolngon ma klok ekreng bitna ke umu. Ma umesep ke omur ka Ida Puda e Ida Luangan Yesus Krais tiplaue ka dong vala dong.