Jon 10:1 - Aria New Testament

¹ “Ngawai lokono ke umu langane. Gute ka sep ke sipsip inarak eger ke ina ekreng bitna kovok e iye klou ari ke omur silang iye gute panakongon ina e waiki due sipsip.

Jon 10:1 ပူးပေါင်းရင်းမြစ်များ

Matyu 7:15

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Jon 10:7

E Yesus wai ke isak blang langane. “Ngawai lokono ke umu langane. Ngong sipsip inarak eger ina ekreng bitna.

Jon 3:3

E Yesus koli wai langane. “Ngawai lokono ke wom. Langka gute polou oku langka mimi edimor kovok iye karanga dong ke omur ka Ida Tapolngon plaue kovok.”

Pas ka Pol sogoe uti la ke osep Rom ina 10:15

E langka Ida Tapolngon pagei osep napaprangan ina ke osep tonari kovok ma tidue sua e tinapapra ila pelengon ke osep tonari? Osep ka tisogo Ida Tapolngon ila pelengon tisogo langane. “Osep ka tipaur Ida Tapol-ngon ila omon itau ke osep leklou urok elio itau lokono.”

Pas ka Pol sogoe uti la ke osep Rom ina 16:18

Osep tonari tididi Ida Puda Krais ila elio kovok. Aurou. Isak langka wokboi nating ka tididi pampamu lisak vala. E ke urok pelengon ka dikngen e urok pelengon ka timter osep aitno lisak ine tiyakyak osep vala. Kesua tiwaiki ma osep aitno lisak la dagar ke urok pelengon. Deka ma osep ka tile isak itau lokono kovok ma aitno lisak dagar ke urok pelengon.

Taitus 1:11

Osep are tiparere osep kesua tiwaiki urok mani polou omba ine. E langka tiparere langane tidue elio soulu e tidue agegeng ke osep kap urok osua aitno lisak ila dagar. Deka amdangdang isak ma tiwai pelengon langane kovok.

Hibru 5:4

Langka gute polou gute loulou ina ka mgo iye rere iye tona ine kovok. Aurou. Ida Tapolngon vala rere gute tonari eriar langka oglou iye rere Aron.

1 Pita 1:10

Oglou osep napaprangan ina tiwai ke Ida Tapolngon ila luangan ka ma me ke umu. Tinana dagar ke Ida Tapolngon ila pelengon ma tikaranga tile omur ke batne ke elio ka Ida Tapolngon ma lua osep ka aitno lisak dagar ke iye.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

2 Pita 2:3

Osep parerengen yakngan ina tiwaiki tidue mani pula e tiwai basikngen adai ma tidue lumu mani ine. E ke oglou lila me Ida Tapolngon dong para e isuk boto ma iye wade isak e due agegeng ke isak.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.