Jon 1:51 - Aria New Testament

⁵¹ E Yesus wai blang langane. “Ngawai lokono ke umu langane. Mase ma umavati omur heven noklok e Ida Tapolngon ila ensel langka titito e tiduru ke Gute Ka Polou Langka Osep.”

Jon 1:51 ပူးပေါင်းရင်းမြစ်များ

Matyu 25:31

“Alo ka Gute Ka Polou Langka Osep iding me ke ila bublongon iye ma me kap ila ensel keniye. Deka ma iye dong ke ila kova ka itau lokono.

Matyu 26:24

Osep ma tidue burwa ke Gute Ka Polou Langka Osep eriar langka Ida Tapolngon ila pelengon wai ine e aisudo ke gute ka lai iye ina. Wan ka itau tna divir iye kovok.”

Matyu 3:16

Jon paunim Yesus yagos deka Yesus tito ke aki ina dingen batne e sirva noklok e Yesus vati Ida Tapolngon Ano Itau duru langka belis e munu ke iye.

Matyu 4:11

Deka Satan songon iye e ensel me tilua iye ke ngangon e langane.

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Matyu 9:6

E ma nganis umu Gute Ka Polou Langka Osep due arit ma iye karanga sak osep urok elio epmes ina ke taklak ane.” Deka Yesus wai ke gute langane. “Emtito omdue lem omoi e amla ke lem ninu.”

Mak 1:10

Iye paunim iye yagos deka Yesus tito la ke aki ina dingen batne. Deka lokono iye vati sirva nabak e vati Ano Itau langka belis duru dong ke iye.

Mak 14:62

Deka Yesus koli wai langane. “Iye ngong tona aneo. Mase ma umavati ngong ka Gute Ka Polou Langka Osep ngadong ke Ida Tapolngon limla odung. Ma umavati ngong ngame ke gaup ka mana ke sirva.”

Luk 2:13

Ensel wai kodong deka suong ensel pula pula ka omur heven ina tipolou e tikakai Ida Tapolngon angaine tito la egim e tiwai langane.

Luk 2:9

E Ida Puda ila ensel gesa polou ke isak e Ida Tapolngon ila bublongon bublo lelei ke isak e tiulou tarna lisak omba ine.

Luk 22:43

*Yesus wai itau deka ensel kene me ke omur heven e lua iye ke ila arit.

Luk 22:69

E nogrum ke oku ane e la ine Gute Ka Polou Langka Osep ma dong ke Ida Tapolngon ka ila arit ombatno limla odung.”

Luk 24:4

Aitno lisak mter pula ke elio ane deka lokono osep orwo ka titnei klos ka bublo omba tivri olwo boto ke isak.

Luk 3:21

E alo ka tidue Jon sep ke kalabus dau kovok osep pula tidue elio paunimngen ina. E Yesus blang due elio paunimngen ina e alo ka iye wai itau ke Ida Tapolngon omur heven noklok.

Jon 1:50

E Yesus koli wai langane. “Aitno lugom dagar kesua ngawai ke wom ngavati wom omdong ke akai fik batne. Ma amvati elio pula ka mole elio ane.”

Jon 10:1

“Ngawai lokono ke umu langane. Gute ka sep ke sipsip inarak eger ke ina ekreng bitna kovok e iye klou ari ke omur silang iye gute panakongon ina e waiki due sipsip.

Jon 10:7

E Yesus wai ke isak blang langane. “Ngawai lokono ke umu langane. Ngong sipsip inarak eger ina ekreng bitna.

Jon 13:16

Ngawai lokono ke umu langane. Wokboi nating mole ina puda kovok e gute ka kalke omon mole gute ka vai iye ma iye kalke omon kovok.

Jon 13:38

E Yesus koli wai ke iye langane. “Lokono? Ma empli tarna lugom e emmete ma omlua ngong? Ngawai lokono ke wom langane. Eknikane mgo ke alo ka kwako bole wai ma amwai emile ngong kovok aling eklu.”

Jon 14:12

“Ngawai lokono ke umu langane. Gute ka aitno dagar ke ngong ma due elio arit ina langka ngadue e silang blang ma iye due elio bitna bitna ka mole elio ka ngadue kesua ngala ngadong kap Livou.

Jon 16:20

Ngawai ke umu lokono langane. Ma umekngis e umodue sisngen omba e osep taklak ina ma aitno lisak neser. E mase ma lumu sisngen polou ketirngen.

Jon 16:23

Ke oklou are ma umepmi ngong ke wan gesa kovok. Ngawai lokono ke umu langane. Langka umepmi Livou ke wan gesa batne ke ngong ma iye kare ke umu.

Jon 21:18

Deka Yesus wai ke Pita blang langane. “Ngawai lokono ke wom langane. Alo ka wom dau auram emtnei lem klos e emkere wom ma emdidi aitno lugom e emlila ke omur omur. E mase alo ka ompolou lapun ma amkakai livep e osep leklou ma titnei wom ke lem klos e timgo ke wom ke omur omur ka amwaiki amla ine kovok.”

Jon 3:3

E Yesus koli wai langane. “Ngawai lokono ke wom. Langka gute polou oku langka mimi edimor kovok iye karanga dong ke omur ka Ida Tapolngon plaue kovok.”

Jon 3:5

E Yesus koli wai langane. “Ngawai ke wom lokono langane. Langka gute polou oku ke aki e ke Ano Itau kovok iye karanga sep ke omur ka Ida Tapolngon plaue kovok.

Jon 5:19

E Yesus wai ke isak langane. “Ngawai lokono ke umu langane. Ngong ka Ida Tapolngon Otno Arang ngakaranga ngadue wan ka didi aitno lungong vala kovok. Aurou. Ngakaranga ngadue wan ka ngavati Livou due vala kesua wan gesa ka Livou due io ngong ka Otno Arang ngadue langane blang.

Jon 5:27

E iye kar arit ke ngong ma ngawade osep urok elio kesua ngong Gute Ka Polou Langka Osep.

Jon 6:26

E Yesus koli wai ke isak langane. “Ngawai lokono ke umu langane. Aitno lumu mter ke elio arit ina ka nisngen ka ngadue deka umekrim ke ngong kovok. Aurou. Umekrim ke ngong kesua umangen bret e umogot.

Jon 6:32

E Yesus wai ke isak langane. “Ngawai lokono ke umu langane. Moses iye gute ka kar bret ka omur heven ina ke umu kovok. Aurou. Livou kar bret lokono ka omur heven ina ke umu.

Jon 6:47

Ngawai lokono ke umu langane. Gute ka aitno dagar ke ngong ma iye due mosongon ka dong vala dong.

Jon 6:53

Deka Yesus wai ke isak langane. “Ngawai pelengon lokono ke umu langane. Langka umangen Gute Ka Polou Langka Osep pampamu ine kovok e umeinim ina marau kovok mosongon ka dong vala dong ma dong ke umu kovok.

Jon 8:34

E Yesus koli wai ke isak langane. “Ngawai lokono ke umu langane. Osep ka pula keniye ka tidue elio epmes ina tidong langka wokboi nating ke elio epmes ina.

Jon 8:51

Ngawai lokono ke umu langane. Langka gute kis lou pelengon dagar e didie ma iye due mosongon ka dong vala dong e ma iye mete kovok.”

Jon 8:58

E Yesus koli wai ke isak langane. “Ngawai lokono ke umu langane. Oglou alo ka Abraham tna dau divir iye kovok ngong Gute Ka Ngadong Kodong ngadong.”

Aposel 10:11

Iye vati ano e vati omur ka egim noklok deka vati wan langka molo ombatno duru ke omur ka egim. Molo tonari duru e galou apanal tipou topurne leklou leklou deka molo duru ke taklak.

Aposel 7:56

Deka iye wai langane. “Umoklingen. Ngavati omur heven noklok e ngavati Gute Ka Polou Langka Osep vri ke Ida Tapolngon limla odung.”

2 Tesalonaika 1:7

E ma iye due elio ka osep tidue agegeng ke umu e ke imi blang polou yagos. Ida Tapolngon ma lua ite langane alo ka Ida Puda Yesus kap ila ensel pula ka urok arit omba tisongon omur heven e tipolou malak. Deka iye ma polou ke eiou omba.

2 Tesalonaika 1:9

Ida Tapolngon ma due pogle ke isak ka dong vala dong. E ma iye sapir isak ma tidong mawa ke Ida Puda e ila bublongon e ila arit ka itau lokono.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

Pas ka Jut sogoe 1:14

Oglou gute Enok ka Adam ila napakngan lumorwo ina dong e iye napapra ke osep ke wan tonari langane. “Umoklingen. Ngavati Ida Puda me kap ila ensel ka pula pula lokono.

Pelengon kukwopngon 19:11

Ngaklingen pelengon tonari deka ngavati omur heven noklok e ngavati hos kene ka okou. E gute ka dong ine angaine Gute Ka Wai E Didi Ila Pelengon e angaine silang Gute Ka Wai Pelengon Ka Lokono Vala. Alo ka iye wade osep koke iye due evlei iye didi ila elio ka itau e osuk e wade osep koke due evlei ine.

Pelengon kukwopngon 4:1

Ngaklingen wan tonari ko-dong deka omtongu tito la ke omur heven e ngavati ina ekreng bitna noklok. E gute kreine ka mgongon ina ka ngaklingen ine gi ke ngong langka kuliep kreine. E iye wai langane. “Emtito omo ane ma nganis wom ke wan ka mase ma polou.”