Jon 1:49 - Aria New Testament

⁴⁹ Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 1:49 ပူးပေါင်းရင်းမြစ်များ

Matyu 14:33

E osep ka tidong ke bot tilotuim iye e tiwai langane. “Lokono wom Ida Tapolngon Otno Arang.”

Matyu 2:2

“Mimi oku ka ma vri mgo ke osep Yuda ina dong ge? Kesua imavati gigimo ka nisngen ke iye polou ke limem omur e imeme ma imolotuim iye.”

Matyu 21:5

“Umapalongo osep Saion ina langane. ‘Umavati gute ka vri mgo ke umu me e iye dong molil e dong ke donki e me. Iye dong ke donki otno e me.’”

Matyu 23:7

Tiwaiki osep tidue anit ke isak e tiwai ‘oklou itau’ ke isak ke bilmu e tiwaiki osep tisir isak gute parerengen ina.

Matyu 23:8

E umosongon osep tisir umu gute parerengen ina kovok kesua lumu gute parerengen ina kene vala dong e umu keniye umodong eriar.

Matyu 27:11

Yesus vri ke gute ka vri mgo ke osep Rom ina ke omur are bitna e gute tonari pmi iye langane. “Wom gute ka vri mgo ke osep Yuda ina?” E Yesus koli wai langane. “Wom tona amwai ine.”

Matyu 27:42

“Iye lua osep leklou e iye karanga lua iye tona kovok. Iye gute ka vri mgo ke osep Israel ina i? Ma iye duru ke ina akai deka ma aitno lite la dagar ke iye.

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Mak 15:32

Langka lokono iye Krais ka lua osep ka Ida Tapolngon pagei me ka vri mgo ke osep Israel ina deka eknikane ma iye songon ina akai e duru ma imavati. Langka iye duru ma aitno limi la dagar ke iye.” Tiwai langane deka osep ka timana ke inarak akai tiwai apok ke iye blang.

Luk 1:35

Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 19:38

E tiwai langane. “Ma Ida Tapolngon aitno itau itau ke gute ka vri mgo ke omur ane ka me ke Ida Puda angaine. Osep ka tidong ke omur heven aitno lisak epen e ma itakakai Ida Tapolngon ka dong egim lokono angaine.”

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 1:34

E ngavati elio ane e ngapalongo lumu gute ane iye Ida Tapolngon Otno Arang.”

Jon 1:38

Tididi iye deka Yesus bauluk e vati isak tididi iye e pmi isak langane. “Umawaiki umeile wansua?” E tikoli tiwai langane. “Rabai omdong ge?” Pelengon palma rabai lana ine gute parerengen ina.

Jon 1:50

E Yesus koli wai langane. “Aitno lugom dagar kesua ngawai ke wom ngavati wom omdong ke akai fik batne. Ma amvati elio pula ka mole elio ane.”

Jon 18:37

Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.”

Jon 4:31

E alo ari Yesus ila disaipel tiwai ke iye langane. “Rabai emngen ngap ngangon.”