Jon 1:45 - Aria New Testament

⁴⁵ Deka Filip la pado gute Nataniel e wai langane. “Imapado gute ka Moses sogo ine ke ila sogongon e osep napaprangan ina tisogo ine ke urok sogongon blang. Iye Yesus ka Josep otno arang e iye me ke Nasaret.”

Jon 1:45 ပူးပေါင်းရင်းမြစ်များ

Matyu 10:3

E Filip e Bartolomyu e Tomas e Matyu ka oglou iye due takis ke osep. E Jems silang ka iye gute Alfius otno arang e Tadius.

Matyu 13:55

Gute ane gute kamda otno arang. E tna angaine Maria. E ina saiver angainsak Jems e Josep e Saimon e Judas.

Matyu 2:23

E iye polou ine e dong ke armok Nasaret. Iye dong ke Nasaret ma pelengon ka gute napaprangan ina gesa wai polou lokono. Gute tonari wai langane. “Ma osep tisir iye gute Nasaret ina.”

Matyu 21:11

E osep pula pula tikoli tiwai langane. “Gute ane iye gute napaprangan ina Yesus ka me ke armok Nasaret ka dong ke omur Galili.”

Mak 14:67

Iye vati Pita marang ke eiou deka bitna nekek ke Pita dagar e wai langane. “Wom blang omdong kap Yesus ka Nasaret ina.”

Mak 6:3

Gute ane iye kamda vala. Tna Maria e ina saiver Jems e Joses e Judas e Saimon. E sulutno blang tidong ke armok ane.” Osep tiwai langane e aitno lisak soulu lokono ke Yesus.

Luk 18:37

E osep tiwai ke iye langane. “Yesus ka Nasaret ina lila la.”

Luk 2:4

E Josep songon ila armok Nasaret ka dong ke omur Galili e la ke Betleham ka Devit ila armok batne ka dong ke omur Judia kesua iye dong ke Devit ila osua.

Luk 2:48

E alo ka timla e tna tivati iye tidigrik e tna pmi iye langane. “Erigu arang ina lange omdue elio langane ke imi? Ngong e abo aitno limi kro lokono e imekrim ke wom.”

Luk 24:27

Deka iye nogrum ke Moses ila sogongon e osep napaprangan ina keniye urok sogongon e iye parere isak ke Ida Tapolngon ila pelengon keniye ka la ke iye.

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Luk 3:23

E Yesus ina tobor iseklu alo ka iye nogrum boko ke Ida Tapolngon ila bokongon. Osep pula aitno lisak mter iye gute Josep otno arang. E Josep gute Heli otno arang.

Luk 4:22

E osep are tiwai ila pelengon lokono e aitno lisak mter pula ke ila pelengon itau ke iye wai ine. Deka tipmi pulu langane. “Gute ane Josep otno arang i?”

Jon 1:44

E Filip ila armok batne armok Betsaida ka Andru e Pita urok armok batne blang.

Jon 12:21

E isak kla ke Filip ka iye gute ka me ke Betsaida ka dong ke omur Galili. E tiwai ke iye langane. “Gute. Imawaiki imavati Yesus.”

Jon 14:8

E Filip wai ke iye langane. “Ipem Puda emnis imi ke Abo e are karanga ke imi.”

Jon 18:5

E tikoli tiwai langane. “Imeme imekrim Yesus ka Nasaret ina.” Deka Yesus wai ke isak langane. “Ngong tona aneo.” E Judas ka lai iye ina vri kap isak.

Jon 18:7

E Yesus pmi isak blang langane. “Umekrim gute sei?” E tikoli tiwai langane. “Imekrim Yesus ka Nasaret ina.”

Jon 19:19

E Pailat sogo pelengon e tipoue ke Yesus ina akai e pelengon tonari langane. “Gute ane Yesus ka Nasaret ina ka iye gute ka vri mgo ke osep Yuda ina.”

Jon 21:2

Saimon Pita dong kap Tomas ka angaine silang Didimus e Nataniel ka ila armok batne Kana ka dong ke omur Galili e Sebedi titno arang orwo e Yesus ila disaipel orwo silang.

Jon 6:42

E tiwai langane. “Gute ane Yesus ka Josep otno arang. Iteile timla e tna deka ina lange oku ane iye wai langane? ‘Ngaduru ngame ke omur heven.’”

Jon 6:5

Deka Yesus bitna tito e iye vati osep pula pula time ke iye deka iye pmi Filip langane. “Ma itekli bret karanga ke osep are ma tingene ke omur ge?”

Jon 6:7

Deka Filip koli wai langane. “Langka itekli bret ke 200 kina are karanga ma isak kene kene tingen bret sasi boto vala kovok.”

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 2:22

Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.

Aposel 22:8

Deka nga-koli ngawai langane. ‘Ngau Puda wom sei?’ E gute tonari wai langane. ‘Ngong Yesus ka Nasaret ina ka omdue agegeng ke ngong.’

Aposel 26:9

“Oglou aitno lungong mter langka ngadue elio ka pes Yesus ka Nasaret ina angaine deka lou elio itau.

Aposel 3:6

Deka Pita wai langane. “Oka. Lou mani dong ke ngong kovok e wan ka dong ke ngong ma ngalua wom ine. Eknikane Yesus Krais ka Nasaret ina ila arit due wom ma emtito emlila.”