Jon 1:44 - Aria New Testament

⁴⁴ E Filip ila armok batne armok Betsaida ka Andru e Pita urok armok batne blang.

Jon 1:44 ပူးပေါင်းရင်းမြစ်များ

Matyu 10:3

E Filip e Bartolomyu e Tomas e Matyu ka oglou iye due takis ke osep. E Jems silang ka iye gute Alfius otno arang e Tadius.

Matyu 11:21

“Umu osep ke armok Korasin e osep ke armok Betsaida ma elio soulu polou ke umu. Kesua langka elio arit ina ka ngadue ke lumu armok orwo ngadue ke armok Tair e armok Saidon tibauluk aitno lisak kodong. E tidue elio ka nis ite aitno lisak soulu ke urok elio epmes ina e tibauluk aitno lisak ine.

Mak 3:18

E Andru e Filip e Bartolomyu e Matyu e Tomas e Jems ka Alfius otno arang. E Tadius e Saimon ka iye gute Selot ina. E osep Selot ina tiwaiki kantri silang tiplau isak kovok.

Mak 6:45

Osep tonari tingen inarak ngangon yagos deka lokono Yesus pagei ila disaipel tisep ke bot gesa ma timgo kla ke armok Betsaida. Alo ka iye pagei ila disaipel kla kodong iye wai ke osep pula ma tisongon omur are e isak kla.

Mak 8:22

Yesus gosok ila disaipel isak kla e mase tipolou ke Betsaida. Deka osep leklou tipaur gute gesa ka bitna evin polou ke iye e tikel iye ma iye kai gute tonari.

Luk 10:13

“Aisudo umu osep Korasin ina e osep Betsaida ina. Elio soulu ma polou ke umu. Kesua langka elio arit ina ka ngadue ke lumu armok orwo ngadue ke Tair e Saidon ma tibauluk aitno lisak tauni kodong. E tidue nisngen langka titnei klos ka sasi e tisak eiou ina group ke bara lisak ma tinis ite aitno lisak soulu ke urok elio soulu.

Luk 6:14

Iye rere Saimon ka iye sir angaine silang Pita e ina tovro Andru e Jems e Jon e Filip e Bartolomyu.

Luk 9:10

Alo ka osep aposel tiding ke Yesus tipalongo ila ke wan keniye ka tidue. Deka iye due isak vala e tisongon osep leklou e isak kla ke armok kene ka angaine Betsaida.

Jon 1:43

Oklou silang polou e Yesus aitno mter ma iye la ke omur Galili. E alo ka iye la iye pado Filip e wai ke iye langane. “Emdidi ngong.”

Jon 1:45

Deka Filip la pado gute Nataniel e wai langane. “Imapado gute ka Moses sogo ine ke ila sogongon e osep napaprangan ina tisogo ine ke urok sogongon blang. Iye Yesus ka Josep otno arang e iye me ke Nasaret.”

Jon 1:46

E Nataniel koli wai langane. “Wan itau karanga polou ke Nasaret koke aurou?” E Filip wai langane. “Omo e amvati iye.”

Jon 1:48

E Nataniel pmi iye langane. “Lange ka emile ngong?” E Yesus koli wai ke iye langane. “Alo ka omdong ka akai fik batne e Filip dau wai ke wom kovok ngavati wom kodong.”

Jon 12:21

E isak kla ke Filip ka iye gute ka me ke Betsaida ka dong ke omur Galili. E tiwai ke iye langane. “Gute. Imawaiki imavati Yesus.”

Jon 12:22

Deka Filip la wai ke Andru ine e isak orwo kla tiwai ke Yesus.

Jon 6:5

Deka Yesus bitna tito e iye vati osep pula pula time ke iye deka iye pmi Filip langane. “Ma itekli bret karanga ke osep are ma tingene ke omur ge?”

Jon 6:7

Deka Filip koli wai langane. “Langka itekli bret ke 200 kina are karanga ma isak kene kene tingen bret sasi boto vala kovok.”

Aposel 1:13

Osep aposel tipolou ke Jerusalem deka tidong ke ninu gesa ina eliang ka dong egim. Tidong ine deka tiwai itau ke Ida Tapolngon oklou aling aling kesua aitno lisak kene ke iye. Osep ka tidong ine angainsak langane. Pita e Jon e Jems e Andru e Filip e Tomas e Bartolomyu e Matyu e Alfius otno arang Jems e Saimon ka Selot ina deka Jems silang blang otno arang Judas. E Yesus tna Maria e ina saiver tigosok apmang leklou blang tidong kap osep tonari.