Jon 1:29 - Aria New Testament

²⁹ E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Jon 1:29 ပူးပေါင်းရင်းမြစ်များ

Matyu 1:21

Ma iye divir mimi arang e ma ambaski angaine Yesus. Kesua ma iye polou gute ka lua osep ke urok elio epmes ina.”

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Jon 1:35

E oklou silang Jon vri kap osep orwo ka isak ila disaipel.

Jon 1:36

E alo ka iye vati Yesus lila iye wai langane. “Umavati. Gute are Ida Tapolngon ila Sipsip Otno.”

Jon 1:43

Oklou silang polou e Yesus aitno mter ma iye la ke omur Galili. E alo ka iye la iye pado Filip e wai ke iye langane. “Emdidi ngong.”

Jon 2:1

Elio tonari polou deka oklou epmes orwo mela yagos e gingen polou ke armok Kena ka dong ke omur Galili. E Yesus tna dong ke gingen tonari.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 4:42

E tiwai ke apmang tonari langane. “Oku ane aitno limi dagar ke iye batne ke lem pelengon vala kovok. Aurou. Eknikane imi tona imeklingen ila pelengon e imeile lokono gute ane iye gute Krais ka Ida Tapolngon rere ma iye lua osep ka tidong ke taklak ke urok elio epmes ina.”

Jon 6:51

Ngong bret ka duru ke omur heven ka kar mosongon ka dong vala dong ke osep. Langka gute ngen bret ane ma iye dong vala dong. Bret ane pampamu lungong ka ngakare ke osep taklak ina ma tikaranga tidue mosongon ka dong vala dong.”

Aposel 13:39

Iye lua osep ka pula keniye ka aitno lisak dagar ke iye ke urok elio epmes ina e due noklok la. E pelengon dagar ka Moses kare ke osep karanga due elio epmes ina noklok la kovok.

Aposel 8:32

Pelengon tonari ka iye ritim langane. “Osep tidue elio ke iye eriar langka tipaur sipsip ka tiwaiki timke ma mete. E eriar langka alo ka osep tiblou sipsip titno tarna elilo e sipsip tonari tiwai kovok iye wai kovok blang.

1 Korin 15:3

Pelengon ka omba lokono ka oglou Ida Puda kare ke ngong io ngakare ke umu langane. Krais mete ma klok udo elio epmes ina langka oglou Ida Tapolngon ila pelengon wai ine.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

Galesia 3:13

Moses ila sogongon wai langane. “Ite ka pula keniye itedidi Moses ila sogongon keniye kovok e ma iteimina.” E Krais lua ite alo ka iye mana ke ina akai e mete e kasip amunte. Ida Tapolngon ila pelengon wai langane. “Ida Tapolngon vati osep ka timana ke akai langka osep ka agegeng polou lisak.”

1 Timoti 2:6

Alo ka Ida Tapolngon rere io Krais soro pampamu ine ma iye lua ite ma itodong itau ke Ida Tapolngon bitna. E ke elio tonari Ida Tapolngon nis ite langka iye waiki lua osep ka pula keniye.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

1 Pita 1:19

Aurou. Iye kli umu ke Krais ina marau ka wan ka itau lokono. E Krais iye langka sipsip otno ka itau itau lokono e egle e wan soulu silang dong ke iye kovok.

1 Pita 2:24

Krais mana ke ina akai e mete e kasip amunte. E Ida Tapolngon due udo elio epmes ina munu pes Krais pampamu ine ma aitno lite oglou ina mete e itakaranga itodue elio itau e osuk vala. Osep timluk Krais e pampamu ine amal amal ma iye lua ite ma itopolou itau blang.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Jon 2:2

Iye tona kli udo elio epmes ina. E iye kli ite tona udo elio epmes ina vala kovok. Aurou. Iye kli osep ka pula keniye ka tidong ke taklak urok elio epmes ina.

1 Jon 3:5

Umeile omur langane. Krais polou langka itosep ma iye pi udo elio epmes ina la. E elio epmes ina dong ke Krais kovok.

1 Jon 4:10

Ida Tapolngon lana iye ke ite lokono va. E ite lana ite ke Ida Tapolngon mgo kovok. Aurou. Iye lana iye ke ite mgo deka pagei Otno Arang duru ke taklak ma kli udo elio epmes ina.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.

Pelengon kukwopngon 12:11

E Ida Tapolngon ila osep timole Satan ke Sipsip Otno ina marau e timole iye ke Ida Tapolngon ila pelengon ka tinapapra ine. E timole iye kesua tipli tarna lisak e aitno lisak mter langka timete deka are wan gesa kovok.

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.

Pelengon kukwopngon 14:1

Omtongu lila blang e ngavati Sipsip Otno vri ke gigri ka tisire gigri Saion. E osep ka inarak sasa 144,000 tivri kap iye e Sipsip Otno orwo Timla angainsak dong ke bara lisak.

Pelengon kukwopngon 14:10

Deka ma tinim aki dagar ka lana ine la ke Ida Tapolngon aitno ila engil. Ida Tapolngon baser aki dagar tonari ke kap ka aitno ila engil dong ine. E tibuli aki ine kovok. Deka ke Ida Tapolngon ila ensel amtarsak e ke Sipsip Otno bitna osep tonari ma tinamani omba ke eiou e opmu salfa ka eiou ngene.

Pelengon kukwopngon 14:4

Ke oglou osep tonari tidue elio kap apmang kovok e tidong itau vala. E tididi Sipsip Otno ke omur omur ka iye waiki la ine. Isak osep ka Ida Tapolngon kli urok elio epmes ina alo ka tidong kap osep ke taklak. Deka isak langka osep mgongon ina ka me ke Ida Tapolngon e ke Sipsip Otno.

Pelengon kukwopngon 15:3

E tidue Moses ka iye Ida Tapolngon ila gute bokongon ina ila sakul e tidue Sipsip Otno ila sakul blang. Sakul tonari langane. “Ipem Puda wom Ipem Tapolngon blang e lem arit ombatno lokono. Omdue elio isuk isuk ka itau lokono deka imedigrik ine. Aling aling amplau osep ka pula keniye e lem elio keniye itau e osuk lokono.

Pelengon kukwopngon 17:14

E ma tidue evlei ke Sipsip Otno deka Sipsip Otno kap ila osep ma timole isak. Timole isak kesua Sipsip Otno iye Ida Puda ka mole puda ka pula keniye e iye gute ka vri mgo ke omur ka mole osep ka pula keniye ka tivri mgo ke omur omur. E osep ka tididi iye isak osep ka Ida Tapolngon gi isak e rere isak ma aitno lisak dong dagar ke iye.

Pelengon kukwopngon 19:7

Deka itasandir omba e aitno lite dong itau lokono e itakakai Ida Tapolngon angaine tito la egim. Kesua taim ka Sipsip Otno due ila asap polou kodong e ila asap kere ila wan bitna bitna kodong.

Pelengon kukwopngon 19:9

Deka ensel wai ke ngong langane. “Omsogo pelengon ane. ‘Osep ka Ida Tapolngon wai ke isak ma time ke Sipsip Otno ila gingen ina rogo aitno lisak itau itau ine.’” Deka iye wai ke ngong blang langane. “Pelengon ane Ida Tapolngon ila pelengon ka lokono.”

Pelengon kukwopngon 21:14

E silang ke ari tonari opmu songotno orwo ka due ari dagar dong ine. E tisogo angaine kene ke Sipsip Otno ila aposel songotno orwo ke opmu kene kene.

Pelengon kukwopngon 21:27

E wan ka soulu e osep ka tidue elio epmes ina bitna bitna ka soulu lokono e osep yakngan ina ma tikaranga tisep ke armok tonari kovok. Osep ka angainsak dong ke Sipsip Otno ila buk ka mosongon ina vala tikaranga tisep ke armok tonari.

Pelengon kukwopngon 21:9

Io ensel kene ke ensel lumorwo ka tikis dis ka agegeng lumorwo ka due Ida Tapolngon aitno ila engil yagos dong ine me ke ngong e wai langane. “Omo ma nganis wom ke apmang ka Sipsip Otno ila asap.”

Pelengon kukwopngon 5:6

E ngavati Sipsip Otno kene. Iye vri airavu ke kova e ke wan apanal ka tidong langka ansak dong lisak e osep namormor urok kova ka lelei nopok ine. Iye bitna langka oglou osep timluk iye deka iye mete. E ina emsik lumorwo e bitna lumorwo. E bitna lumorwo isak langka nisngen ke Ida Tapolngon ano lumorwo ka iye pagei isak kla ke omur omur ke taklak ka pula keniye.

Pelengon kukwopngon 5:8

Iye due buk kodong deka wan apanal ka tidong langka ansak dong ke isak e osep namormor isorwo apanal tigrum kamsak olwo boto ke Sipsip Otno. E osep namormor tonari isak kensak kensak tikis wan langka gita e dis ka gol deka wan asuine ka amna itau polou ke dis tonari. E asuine tonari Ida Tapolngon ila osep urok pmingen itau.

Pelengon kukwopngon 6:1

Ngavati Sipsip Otno kis buk ka ina poungon lumorwo e iye kles poungon kene ina. E ngaklingen wan kene ina ke wan apanal ka tidong langka ansak dong lisak wai. E kreine langka aragu nogrum e iye wai langane. “Wom omo.”

Pelengon kukwopngon 6:16

E tigi ke gigri e ke opmu langane. “Ma umakading imi e umokukwop imi ke gute ka dong ke ila kova bitna. E ke Sipsip Otno aitno ila engil.

Pelengon kukwopngon 7:14

E ngakoli ila pelengon langane. “Gute namor ngaile kovok.” Deka iye wai ke ngong langane. “Osep tonari isak osep ka tinamani agegeng ke inarak oul. E tigrong urok molo ke Sipsip Otno ina marau deka urok molo polou okou lokono.

Pelengon kukwopngon 7:17

Kesua Sipsip Otno ka dong olwo boto ke kova ma dong langka inarak plaungan. Ma iye paur isak kla ke ovuk ka aki novlukvluk polou ine. Aki tonari kar isak mosongon itau. E Ida Tapolngon ma sak amtarsak olune ma tikngis blang kovok.”