Jon 1:19 - Aria New Testament

¹⁹ E osep Yuda ina ka tidong ke Jerusalem tipagei osep loulou ina leklou e osep Livai ina leklou isak kla ke Jon ma tiwai ke iye ma tile iye gute ka lange. E Jon ila pelengon ane.

Jon 1:19 ပူးပေါင်းရင်းမြစ်များ

Jon 1:7

Iye me ma iye palongo osep ke bublongon tonari ma tiklingen ila pelengon e aitno lisak la dagar ke bublongon.

Jon 10:24

E osep Yuda ina tidong lelei Yesus e tipmi iye langane. “Ma imodong tauni e aitno limi mter ke wom koke aurou? Langka wom gute Krais ka Ida Tapolngon rere ma omlua osep ke urok elio epmes ina amwai malak ke imi.”

Jon 10:31

Deka osep Yuda ina tidue opmu ma tiuri isak ke Yesus ma iye mete ine.

Jon 11:19

E osep Yuda ina pula time tivati Marta e Maria ma tiwai pelengon ka lua isak kesua inarak tovro mete kodong.

Jon 2:18

Deka osep Yuda ina tiwai ke iye langane. “Omdue elio arit ina ka nisngen lange ma nis imi lem arit dong ma amkaranga omdue elio ane?”

Jon 2:20

E osep Yuda ina tikoli tiwai ke iye langane. “Aisudo. Osep tiboko ke tobor isapanal lumakene ma tiuri ninu ane. E amwai ma amkaranga omurie ke oklou eklu vala i?”

Jon 5:10

E osep Yuda ina leklou tivati gute tonari e tiwai ke iye langane. “Eknikane oklou sabat e langka amkalke lem omoi oku ane amdar udo pelengon dagar.”

Jon 5:15

Deka gute la e palongo osep Yuda ina Yesus iye gute ka due polou itau blang.

Jon 5:16

E osep Yuda ina tidue agegeng ke Yesus kesua batne iye due elio langare ke oklou sabat.

Jon 5:18

Osep Yuda ina tiklingen Yesus ila pelengon deka isak arit isak ma tidue burwa ke iye. Tiwaiki tidue burwa ke iye kesua iye dar oklou sabat ina pelengon dagar vala kovok. Aurou. Iye sir Ida Tapolngon Timla blang e pelengon ane langka iye wai iye tona eriar langka Ida Tapolngon.

Jon 6:41

Deka osep Yuda ina tingurngur ke Yesus kesua iye wai iye bret ka duru me ke omur heven.

Jon 6:52

Yesus wai langane deka osep Yuda ina tituk orsak pulu ke ila pelengon langane. “Lange ka gute are karanga kar pampamu ine ke ite ma itangene?”

Jon 7:1

Mase Yesus lila ke omur omur ke omur Galili e iye la ke omur Judia kovok kesua osep Yuda ina ka tidong ke omur are tiwaiki tidue burwa ke iye.

Jon 7:11

E ke rogo omba osep kaunsil ina tikrim ke iye e tiwai pulu langane. “Gute are dong ge?”

Jon 7:15

E osep kaunsil ina tidigrik ke iye e tiwai pulu langane. “Gute ane due ilengen ke omur ge kesua iye la ke udo skul gesa kovok?”

Jon 8:22

Deka osep Yuda ina tiwai pulu langane. “Ina lange iye wai langane? ‘Umakaranga umala ke omur ka ngala ine kovok.’ Lange? Ma iye due burwa ke iye tona?”

Jon 8:48

Deka osep Yuda ina tonari tiwai ke Yesus langane. “Imawai wom gute Samaria ina e angelo soulu dong ke wom. Lange? Limem pelengon lokono koke aurou?”

Jon 8:52

Osep Yuda ina tiklingen Yesus ila pelengon deka tikoli tiwai langane. “Imeklingen lem pelengon e oku ane imeile angelo soulu dong ke wom. Oglou Abraham mete e osep napaprangan ina timete blang e amwai osep ka tididi lem pelengon ma timete kovok.

Jon 8:57

Deka osep Yuda ina tiwai langane. “Ngap tobor dau iselme kovok e amwai amvati Abraham.”

Aposel 13:25

Jon napapra ke isak alo ka isuk boto iye due ila bokongon yagos e wai ke isak langane. ‘Aitno lumu lange ke ngong? Umoklingen. Ngong gute ka umapara ke iye kovok. Iye gute gesa ka me batne ke ngong. Ma iye me deka ngakaranga ngakles ila su kovok kesua ngong gute itau lokono kovok.’”

Aposel 19:4

Deka Pol wai ke isak lang-ane. “Oglou alo ka Jon paunim osep iye wai langane. ‘Osep eknikane umabauluk aitno lumu ke lumu elio epmes ina e umodue elio paunimngen ina. Mase gute silang ma me ke ngong e aitno lumu la dagar ke iye vala.’ Gute are iye Yesus.”

1 Jon 1:5

Imapalongo lumu ke pele-ngon ka Yesus wai ke imi. Pelengon tonari langane. Ida Tapolngon iye tona bublongon e wan gesa ka aivoro dong ke iye kovok.