Jon 1:15 - Aria New Testament

¹⁵ Gute Jon daiku e palongo ke iye langane. “Gute ane gute ka ngawai ke iye langane. ‘Gute ka me batne ke ngong iye mole ngong kesau iye dong kodong alo ka nina dau divir ngong kovok.’”

Jon 1:15 ပူးပေါင်းရင်းမြစ်များ

Matyu 3:11

“E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.

Mak 1:7

Alo ari Jon napapra ke osep langane. “Mase ma gute silang ka ila arit mole ngong me polou ke umu. Ma ngadue anit ke iye kesua ngong itau ma ngakaranga ngakles ila su kovok.

Luk 3:16

E Jon wai ke isak langane. “Ngapaunim umu ke aki vala e mase gute ma me ka ila arit mole lou arit e ngong gute itau ma ngakaranga ngakles ila su kovok. Ma iye paunim umu ke Ano Itau e ke eiou.

Jon 1:27

Iye gute ka me batne ke ngong e dau ngong gute itau ma ngakaranga ngakles ila su kovok.”

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 8:58

E Yesus koli wai ke isak langane. “Ngawai lokono ke umu langane. Oglou alo ka Abraham tna dau divir iye kovok ngong Gute Ka Ngadong Kodong ngadong.”

Kolosi 1:17

Alo ka wan ka pula keniye tonari dau polou kovok Krais dong. E iye due wan ka pula keniye dong itau kap iye.

Hibru 13:8

Oglou ari Yesus Krais dong e eknikane iye dong eriar langare blang e mase ma iye dong eriar langare blang. E iye segesege kovok.

Pelengon kukwopngon 1:11

Gute tonari wai langane. “Wan ka pula keniye ka amvati omsogoe ke pas e ampagei la ke sios lumorwo. Ampagei la ke sios ka dong ke armok Efesus e ke armok Smerna e ke armok Pergamum e ke armok Taiataira e ke armok Sardis e ke armok Filadelfia e ke armok Laodisia.”

Pelengon kukwopngon 2:8

Gute tonari wai blang langane. “Omsogo pelengon ke ensel ka dong ke sios ke Smerna. Pelengon tonari langane. Gute ka mgongon lokono e ka batne lokono ka oglou iye mete kodong e eknikane iye poga tito ke ina denga wai langane.