Jon 1:14 - Aria New Testament

¹⁴ Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:14 ပူးပေါင်းရင်းမြစ်များ

Matyu 1:16

E Jekop divir otno arang Josep. E Josep iye apmang Maria ila boget. E Maria somugu e divir Yesus ka ina sirngen Krais. Iye gute ka Ida Tapolngon rere ma iye lua osep ke urok elio epmes ina.

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Luk 2:7

E Maria divir ina sirngen otno arang e tikading iye ke molo arlak e tidue munu ke karoro ka ongwa aim tingen inarak ngangon ine. Tidue langane kesua spes dong ke isak ke ninu kaulei ina kovok.

Luk 9:32

Pita kap osep orwo silang amtarsak bunga e alo ka titipa tivati Yesus ila bublongon e osep orwo tivri kap iye.

Jon 1:1

Oglou oglou ari alo ka Ida Tapolngon dau tapol wan gesa kovok gute ka ina sirngen Ida Tapolngon Ila Pelengon dong kap iye e gute tonari iye Ida Tapolngon blang.

Jon 11:40

Deka Yesus wai langane. “Ngawai ke wom oglou kodong langane. Langka aitno lugom dagar ke ngong ma amvati Ida Tapolngon ila arit.”

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 14:9

Deka Yesus koli wai ke iye langane. “Filip ngadong kap umu tauni kodong e dau emile ngong kovok i? Gute ka vati ngong vati Livou blang. Deka ina lange amwai langane? ‘Emnis imi ke Abo.’

Jon 17:22

Lou elio itau lokono e lou arit ka omba ka amkare ke ngong ngakare ke isak ma aitno lisak karanga dong kene pulu eriar langka aitno lite dong kene pulu.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Jon 18:37

Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.”

Jon 2:11

Elio ane elio arit ina ka nisngen mgongon ina ka Yesus due. Iye due ke Kena ka dong ke omur Galili. Ke elio ane iye nis osep iye gute ka itau lokono e ila arit ombatno. E ila disaipel aitno lisak la dagar ke iye.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 3:18

Gute sei ka aitno la dagar ke iye ma Ida Tapolngon wade iye kovok e gute sei ka aitno la dagar ke iye kovok Ida Tapolngon wade iye kodong kesua aitno la dagar ke Ida Tapolngon Otno Arang ka kene vala kovok.

Jon 6:51

Ngong bret ka duru ke omur heven ka kar mosongon ka dong vala dong ke osep. Langka gute ngen bret ane ma iye dong vala dong. Bret ane pampamu lungong ka ngakare ke osep taklak ina ma tikaranga tidue mosongon ka dong vala dong.”

Jon 8:32

E ma umeile pelengon lokono e pelengon lokono ma due umu umopolou fri.”

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

1 Korin 15:47

Gute ka mgongon ina iye gute taklak ina kesua Ida Tapolngon due taklak e kapo gute ine. E gute ka orwo ina iye gute omur heven ina.

2 Korin 12:9

Ngapmi Ida Puda ine e iye wai ke ngong langane. “Wan soulu dong e lou makaingan karanga ke wom ma omdong itau. Kesua lou arit polou dagar ke osep ka tile omur urok arit dong ke isak kovok.” Ida Puda wai langane deka aitno lungong neser ine. Ngawaiki ngawai ke elio ka lou arit dong kovok ma Krais ila arit dong ke ngong.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Kolosi 1:19

Ida Tapolngon didi aitno deka due ila elio bitna bitna keniye dong ke Otno Arang. Deka Ida Tapolngon ila elio keniye bon ke iye.

Kolosi 2:3

Krais ile ilengen itau keniye e elio itau keniye e iye karanga lua osep ma tile ine blang.

Kolosi 2:9

Umeile oglou Krais polou langka itosep e Ida Tapolngon ila elio keniye dong ke Krais e isak orwo eriar.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 1:5

Ke oglou Ida Tapolngon wai ke Otno Arang langane. “Wom Erigu Arang e ngong Ngap Abo.” E iye wai blang langane. “Ma ngadong Timla e iye dong Erigu Arang.” E Ida Tapolngon wai langane ke ila ensel gesa koke aurou? Aurou lokono.

Hibru 10:5

Alo ka Krais me ke taklak iye wai ke Ida Tapolngon langane. “Amwaiki osep tidue elio opmu ina koke tipaur wan bitna bitna ke wom kovok. Aurou. E emkere pampamu lungong vala ma ngadong ine.

Hibru 2:11

Deka Yesus ka iye gute ka due osep tipolou itau lokono ke Ida Tapolngon bitna e osep tonari Pmarak kene vala. Iye Ida Tapolngon. Deka Yesus mnak iye ma iye sir osep tonari iye sisrok kovok. Aurou.

Hibru 5:5

E Krais blang langane. Iye rere iye tona gute loulou ina ka mgo kovok. E Ida Tapolngon wai langane. “Wom Erigu Arang e ngong Abo.”

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

1 Jon 4:9

Ida Tapolngon nis ite malak iye lana iye ke osep ke elio langane. Iye pagei Otno Arang ka kene vala me ke taklak ma itodue mosongon ka itau lokono batne ke iye.

2 Jon 1:7

Osep yakngan ina pula isak kla ke omur ka pula keniye ke taklak e tiwai langane. “Yesus Krais me polou langka itosep kovok.” Osep ka tiwai langane isak osep yakngan ina e isak Krais ina oul.

Pelengon kukwopngon 19:13

Iye tnei klos ka sep ke marau e marau dong ine e tisir angaine Ida Tapolngon Ila Pelengon.

Pelengon kukwopngon 21:3

Deka ngaklingen gute kreine wai omba ke Ida Tapolngon ila kova langane. “Umoklingen. Eknikane Ida Tapolngon ila ninu dong kap osep e iye dong kap isak blang. Iye dong kap osep e tidong ila osep e iye dong kap isak blang.