Jon 1:10 - Aria New Testament

¹⁰ Bublongon me dong ke taklak e lama Ida Tapolngon due gute tonari tapol taklak e wan ka pula keniye ka tidong ine dau osep ke taklak tile iye kovok.

Jon 1:10 ပူးပေါင်းရင်းမြစ်များ

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Jon 1:11

Iye me ke ila osua e aitno lisak itau ke iye kovok e tidue kovok.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 1:3

Ida Tapolngon due gute tonari ma iye tapol wan ka pula keniye ka tidong. E wan gesa polou ke ekreng silang kovok. Aurou.

Jon 1:5

E bublongon tonari bublo ke aivoro e aivoro karanga mole kovok.

Jon 17:25

Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame.

Jon 5:17

Deka Yesus wai ke isak langane. “Aling aling Livou due elio langane e ngong blang ngadue langane.”

Aposel 14:17

Lama iye songon isak ine iye kukwop iye kovok ke osep ka pula keniye ka tile ine kovok. Oklou aling aling iye due nisngen ke ila elio itau deka lua osep ka pula keniye ine. Tobor aling aling iye due aragu duru e lua osep ke inarak ngangon ka polou ke taklak ka karanga ke isak. Deka upu ngangon pula e aitno lumu itau ine.”

1 Korin 1:21

Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.

1 Korin 2:8

E pelengon tonari langka osep leklou ka tivri mgo ke ite ke taklak ane urok kovok. Aurou. Io langka tile omur ine ma tidue Ida Puda iye mana ke ina akai kovok. Iye Ida Puda ka ila arit e ila bublongon ombatno.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

Kolosi 1:16

Ke Otno Arang ila arit Ida Tapolngon due wan ka pula keniye ke omur heven e ke taklak. Iye due wan ka pula keniye ka itavati e wan ka itakaranga itavati kovok. Wan ka itakaranga itavati kovok ane langka ensel ka urok arit omba e wan langka ano ka urok arit omba blang e wan leklou ka urok arit omba blang. Iye kar arit ke Krais deka Krais tapol wan ka pula keniye e wan ka pula keniye iye tona ila wan.

Hibru 11:3

E aitno lite dagar e iteile omur langane. Ke oglou Ida Tapolngon wai vala deka wan ka pula keniye tipolou. Deka wan ka pula keniye ka itakaranga itavati Ida Tapolngon due isak tipolou ke wan ka itakaranga itavati kovok.

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.