Jon 1:1 - Aria New Testament

¹ Oglou oglou ari alo ka Ida Tapolngon dau tapol wan gesa kovok gute ka ina sirngen Ida Tapolngon Ila Pelengon dong kap iye e gute tonari iye Ida Tapolngon blang.

Jon 1:1 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Luk 24:53

E aling aling tidong ke Ida Tapolngon ila ninu e tikakai angaine tito la egim.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 1:2

Iye dong kap Ida Tapolngon alo ka wan gesa dau polou kovok.

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Jon 8:58

E Yesus koli wai ke isak langane. “Ngawai lokono ke umu langane. Oglou alo ka Abraham tna dau divir iye kovok ngong Gute Ka Ngadong Kodong ngadong.”

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

Efesus 3:9

Oglou ari Ida Tapolngon due wan bitna bitna keniye ka tidong. Alo ari pelengon leklou polou malak kovok. Iye bisi ine ke aitno vala e osep tile ine kovok. E pelengon tonari dong ke iye vala. E eknikane langane. Ida Tapolngon rere ngong ma nganapapra ila pelengon tonari. Kesua iye waiki osep tile omur ke elio ka iye due kodong e waiki pelengon tonari polou malak ke osep.

Filipai 2:6

Yesus tona iye Ida Tapolngon e dau aitno mter langka iye kis dagar ke elio ka iye dong eriar langka Ida Tapolngon ka Pmada kovok. Aurou.

Kolosi 1:15

Itakaranga itavati Ida Tapolngon kovok e dau Otno Arang iye eriar langka Ida Tapolngon. Iye Ida Tapolngon Otno Arang ka ina sirngen e iye mgo ke wan ka pula keniye ka Ida Tapolngon due polou.

Kolosi 1:17

Alo ka wan ka pula keniye tonari dau polou kovok Krais dong. E iye due wan ka pula keniye dong itau kap iye.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Hibru 13:8

Oglou ari Yesus Krais dong e eknikane iye dong eriar langare blang e mase ma iye dong eriar langare blang. E iye segesege kovok.

Hibru 7:3

Osep ka tisogo Ida Tapolngon ila pelengon tisogo Melkisedek tna e timla e ila seia angainsak kovok. Tisogo oklou ka tna divir iye e oklou ka iye mete ine kovok. Iye dong gute loulou ka dong vala dong eriar langka Ida Tapolngon Otno Arang.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

1 Jon 5:7

Ano Itau ka iye pelengon lokono batne palongo udo elio ane lokono.

Pelengon kukwopngon 1:11

Gute tonari wai langane. “Wan ka pula keniye ka amvati omsogoe ke pas e ampagei la ke sios lumorwo. Ampagei la ke sios ka dong ke armok Efesus e ke armok Smerna e ke armok Pergamum e ke armok Taiataira e ke armok Sardis e ke armok Filadelfia e ke armok Laodisia.”

Pelengon kukwopngon 1:17

Ngavati iye deka ngagene ngaduru ngamunu olwo boto ke kamla. Ngamunu langka gute ka mete kodong. Deka iye due limla odung duru kai ngong e wai langane. “Aitno lugom nesik sakam. Ngong gute ka oglou kodong ngadong e mase ma ngadong blang.

Pelengon kukwopngon 1:2

E ngawai ke Yesus ila osep leklou. E ngavati wan tonari deka ngawai malak ke Ida Tapolngon ila pelengon e ke Yesus Krais ila pelengon. Ngawai langane. Pelengon ane lokono.

Pelengon kukwopngon 1:8

Ida Tapolngon ka Pmada ka ila arit ombatno lokono wai langane. “Ngadong mgongon lo-kono e ngadong batne lokono. E oglou kodong ngadong e eknikane ngadong e mase ma ngadong blang.”

Pelengon kukwopngon 19:13

Iye tnei klos ka sep ke marau e marau dong ine e tisir angaine Ida Tapolngon Ila Pelengon.

Pelengon kukwopngon 2:8

Gute tonari wai blang langane. “Omsogo pelengon ke ensel ka dong ke sios ke Smerna. Pelengon tonari langane. Gute ka mgongon lokono e ka batne lokono ka oglou iye mete kodong e eknikane iye poga tito ke ina denga wai langane.

Pelengon kukwopngon 21:6

Deka iye wai ke ngong blang langane. “Wan bitna bitna keniye tipolou yagos. Ngong kenngong ngadong oglou oglou ari lokono e ma ngadong batne lokono. Ngatapol wan keniye e ngadue isak yagos blang. Langka aki vel osep ma ngakar aki ke isak adai. Aki ka polou ke ovuk ka aki ka mosongon ina polou ine. E ma tiklie kovok.

Pelengon kukwopngon 22:13

Ngadong mgongon lokono e ngadong batne lokono. E ngong tona ngadong batne la gurno.”

Pelengon kukwopngon 3:14

Gute tonari wai blang lang-ane. “Omsogo pelengon ke ensel ka dong ke sios ke Laodisia. Pelengon tonari langane. Gute ka tisir iye Lokono e ka wai osuk e wai lokono ke Ida Tapolngon ila pelengon keniye wai langane. ‘Ngong wan ka pula keniye ka Ida Tapolngon due batne.