Jems 4:12 - Aria New Testament

¹² Ida Tapolngon kene vala due Moses ila sogongon polou e wade osep ine. E iye tona karanga lua osep koke due agegeng ke isak ke urok elio epmes ina. Deka ina lange umawade lumu saten?

Jems 4:12 ပူးပေါင်းရင်းမြစ်များ

Matyu 10:28

Umelim ke osep kovok. Tikaranga timter umu ma pampamu lumu timete e dau tikaranga timluk aitno lumu kovok. E umodue anit ke Ida Tapolngon kesua iye karanga due pogle ke osep pampamu lisak e aitno lisak ke omur hel.

Luk 12:5

E ngawai ke umu ke gute ka umelim ine. Umelim ke Ida Tapolngon ka mluk pampamu lumu ma umemete deka iye karanga uri umu ke omur hel. Ngawai ke umu langane. Umelim ke gute tonari.

Pas ka Pol sogoe uti la ke osep Rom ina 14:13

E langane. Ma itawade osep leklou urok elio isuk isuk kovok e aitno lite soulu ke isak kovok. E ma itedidi elio itau vala. Lama itodue elio soulu gesa ka pagolgol udo aten gesa aitno deka iye due elio epmes ina batne ke udo elio ka itodue.

Pas ka Pol sogoe uti la ke osep Rom ina 14:4

Wom sei ma amkaranga amwade gute silang ila osep bokongon ina? Langka tiboko itau koke tiboko sasi gute ka plau isak vala ma wai ine. E Ida Puda vala ma karanga due isak tipolou dagar e ma tidong dagar.

Pas ka Pol sogoe uti la ke osep Rom ina 2:1

Umoklingen. Umu osep Israel ina umesin elio vri ke osep pula. Umawai tidar pelengon dagar pula ka vri ke isak. Umawai tidar Moses ila sogongon e umu tona umadar sogongon tonari eriar langka umawai tidare. Alo ka umawai sinngen elio vri ke osep tonari lumu sinngen elio bauluk ke umu vala e munu pes umu. Deka lumu pelengon yagos.

Pas ka Pol sogoe uti la ke osep Rom ina 9:20

Aisudo ke umu osep. Umu sei ma umawai ke Ida Tapolngon langane? Langka gute gesa boko ke ila wan gesa ma wan tonari pmi iye langane. “Ai oka ina lange omdue ngong eriar langka ngadong ane?”

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

Jems 5:9

Sipmi. Ngawaiki umongurngur pulu kovok. Kesua langka umodue elio langane Ida Tapolngon ma wade umu ine. Umoklingen. Isuk boto Ida Tapolngon ka wade ite ma me.