Jems 2:19 - Aria New Testament

¹⁹ Umeile Ida Tapolngon iye kene vala e are itau. Angelo soulu blang tile langane deka tilim e tinakarkar ke iye e dau ilengen tonari lua isak kovok.

Jems 2:19 ပူးပေါင်းရင်းမြစ်များ

Matyu 8:29

E tidaiku langane. “Yesus wom ka Ida Tapolngon Otno Arang ma omdue sua ke imi? Omo ma omules imi lama alo ka limem ulesngen ina taim polou dau kovok koke aurou?”

Mak 1:24

“Yesus ka Nasaret ina wom lange wom ka omo omdong are? Omo ma ampaiavu imi? Ngaile omur ke wom. Wom Ida Tapolngon Otno Arang itau ka iye pagei wom omo.”

Mak 12:29

E Yesus koli wai langane. “Pelengon dagar ka Moses sogoe ka mole ila sogongon keniye langane. ‘Umu osep Israel ina umoklingen langane. Ida Puda ka Ida Tapolngon iye kene vala.

Mak 5:7

Deka iye wai omba ke Yesus langane. “Yesus wom ka Ida Tapolngon ka ila arit ombatno lokono Otno Arang omo ane ma omdue elio lange ke ngong? Ngakel wom ke Ida Tapolngon bitna ma omdue agegeng ke ngong kovok.”

Mak 7:9

Deka Yesus wai ke isak blang langane. “Umu dau umedidi lumu elio ka umadar Ida Tapolngon ila pelengon dagar batne umawaiki ma umedidi elio ka ina poloungon batne ke osep aitno lisak vala.

Luk 4:34

“Aisudo. Wom Yesus ka Nasaret ina amwaiki omdue wansua ke imi? Omo ma omdue agegeng ke imi? Ngaile wom. Wom gute ka itau itau lokono ka me ke Ida Tapolngon.”

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Aposel 16:17

Oklou aling aling apmang ane didi imi imogosok Pol e iye wai omba langane. “Osep ane isak Ida Tapolngon ka mole tapolngon ka pula keniye ila osep bokongon ina. Tiwai ke umu ke pelengon ka karanga lua umu ke lumu elio epmes ina.”

Aposel 19:15

Aling kene tidue langane ke angelo soulu gesa deka iye koli wai ke isak langane. “Ua. Ngaile Yesus e ngaile Pol e umu osep sei? Kesua ngaile umu kovok.”

Aposel 24:25

Pol wai pula ke elio ka itau e osuk e ke elio ka osep tiplau isak itau. Silang iye palongo Feliks ila ke elio ka mase Ida Tapolngon ma wade osep ka pula keniye urok elio. Feliks klingen ila pelengon deka ulou tarna ine e wai langane. “Yagos. Ngaklingen lem pelengon iding ke ane deka yagos. Amla omdong la lama aling gesa alo ka ngawaiki ngaklingen lem pelengon blang deka ma ngapalongo lem ine.”

Pas ka Pol sogoe uti la ke osep Rom ina 3:30

Ida Tapolngon iye kene vala dong. E osep ka pula keniye ka aitno lisak dagar ke iye ma iye due isak tipolou itau e osuk ke bitna langka tididi elio ulangngan ina koke tididi elio ulangngan ina kovok.

1 Korin 8:4

Ke elio ka itangen ongwa okurne ka osep tidue elio opmu ina ke sapingen gesa ine ngawai langane. Iteile sapingen isak wan lokono kovok. Wan langka sapingen isak adai vala. E tapolngon pula tidong kovok. Aurou. Tapolngon kene dong ka Ida Tapolngon lokono.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

Galesia 3:20

Gute airavu ina dong alo ka osep orwo urok pelengon para pulu ma iye due aitno lisak kene pulu. E Ida Tapolngon iye kene vala e iye kar promis dagar ke Abraham.

1 Timoti 2:5

Iteile Ida Tapolngon kene vala dong. E gute kene vala vri airavu ke ite e Ida Tapolngon e loulou ke ite. Gute tonari Krais Yesus.

Jems 2:8

E Ida Tapolngon ka vri mgo ke ite wai ila pelengon dagar langane. “Umu lana umu ke supmu langka lana umu ke umu kenmu kenmu.” Langka umodue langane umodue elio itau.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pas ka Jut sogoe 1:6

E ngawai ke ensel blang ka oglou tipul dogur ke bokongon ka Ida Tapolngon kare ke isak e tisongon omur ka iye rere ke isak. Deka Ida Tapolngon pou isak ke sen ka dong vala dong. Iye pou isak deka tidong ke omur ka aivoro e tidong tipara ke oklou ka Ida Tapolngon ma wade urok elio ine.

Pelengon kukwopngon 20:10

Deka Ida Tapolngon uri Satan ka yak osep la ke eiou ombatno ka opmu salfa ka eiou ngene dong ine blang. Ongwa kevena kene ina kap gute napaprangan yakngan ina tidong ke eiou ombatno tonari blang e tarna lisak doro doro e ma tingangir ke oklou e epmes dong vala dong.