Hibru 9:24 - Aria New Testament

²⁴ E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.

Hibru 9:24 ပူးပေါင်းရင်းမြစ်များ

Matyu 18:10

“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Mak 14:58

“Oglou imeklingen gute ane wai ma iye dar Ida Tapolngon ila ninu ka osep tiurie ke limsak. Iye wai ma iye dare deka mase ke oklou eklu ma iye uri Ida Tapolngon ila ninu oku ina ka osep tiurie ke limsak kovok.”

Mak 16:19

Ida Puda Yesus wai yagos deka iye tito la ke omur heven deka dong ke Ida Tapolngon limla odung.

Luk 24:51

Alo ka iye dau wai langane ke isak iye songon isak e tito la ke omur heven.

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 6:62

Deka aitno lumu lange langka umavati Gute Ka Polou Langka Osep tito la ke omur ka oglou iye dong ine?

Aposel 3:21

Eknikane Yesus dau dong ke omur heven la lama iding alo ka elio polou eriar langka oglou osep napaprangan ina tiwai ine. Oglou ari Ida Tapolngon due osep napaprangan ina aitno lisak deka tiwai langane. ‘Mase dau tauni ma Ida Tapolngon due wan bitna bitna keniye tipolou itau lokono eriar langka oglou ari alo ka elio epmes ina dau dong kovok.’ Deka alo ka elio ane polou ma Yesus duru dong ke taklak blang.”

Pas ka Pol sogoe uti la ke osep Rom ina 8:33

E sei dong ka karanga sin elio vri ke ite ka Ida Tapolngon rere ite ila osep? Kesua iye due ite itopolou itau e osuk ke bitna kodong. Gute kene gesa dong ka ila sinngen elio karanga mole ite ka Ida Tapolngon ila osep kovok.

2 Korin 5:1

Iteile pampamu lite langka ninu molo ina. Langka ninu tonari polou yagos Ida Tapolngon ma kere ninu oku ina ke ite ka osep tiurie kovok. Ninu oku ina tonari dong vala dong ke omur heven.

Kolosi 3:2

Aitno lumu mter ke wan ka omur heven ina e mter ke wan ka taklak ane ina kovok.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

Hibru 6:20

Oglou Yesus mgo ke ite e sep ke eliang tonari deka loulou ke ite. Iye polou gute loulou ina ka mgo ka dong vala dong eriar langka Melkisedek.

Hibru 8:2

E iye due ila bokongon ke Ida Tapolngon ila ninu ka dong ke omur heven. Ida Tapolngon due ila ninu tonari e osep tiurie kovok.

Hibru 8:5

Oglou alo ka Moses waiki uri ninu molo ina Ida Tapolngon wai langane. “Emile wom itau e emdidi lou pelengon keniye ka la ke ninu molo ina ka nganis wom ine alo ka omdong ke gigri Sainai.” E tiboko ke Ida Tapolngon ila ninu ka dong ke taklak e ninu tonari langka ano vala ke Ida Tapolngon ila ninu ka dong ke omur heven.

Hibru 9:1

Moses ila sogongon iye Ida Tapolngon ila kontrak oglou ina e wai ke elio bitna bitna ka osep tidue alo ka tilotuim Ida Tapolngon. E wai ke ninu ka osep tilotuim Ida Tapolngon ine blang.

Hibru 9:23

Elio bitna bitna ka osep tidue ke Ida Tapolngon ila ninu molo ina isak nisngen ke wan lokono ka dong ke omur heven. E osep tiser ongwa bitna bitna inarak marau ma tidue ninu molo ina polou itau. E tikaranga tiser ongwa ina marau ma Ida Tapolngon ila ninu ke omur heven polou itau kovok. Aurou. Yesus ina marau vala ka mole ongwa inarak marau karanga due ninu tonari polou itau.

Hibru 9:9

E Ida Tapolngon ila ninu molo ina dong langka nisngen ke oku ane. Wan ka oglou osep tikare ke Ida Tapolngon e tidue elio opmu ina ine karanga due aitno lisak itau ke Ida Tapolngon bitna kovok.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.

Pelengon kukwopngon 8:3

E ensel silang me vri olwo boto ke bota. Iye kis plet ka gol ka paura dong ine. Alo ka eiou ngen paura tonari eiou asuine ka ila amnangan itau polou ine. E tikar ensel tonari paura pula ma iye bulie kap Ida Tapolngon ila osep urok pmingen itau. Iye due plet munu ke bota ka gol ina ka osep tidue elio opmu ina ine ka dong mgongon ke Ida Tapolngon ila kova.